ເຈົ້າຫນ້າທີ່ຢືນຢັນ ບໍ່ມີການສວຍໂອກາດຂື້ນລາຄາສິນຄ້າ ຕາມທີ່ສັງຄົມແຈ້ງຂ່າວ

0
61

ພະແນກຕຳຫຼວດປ້ອງກັນເສດຖະກິດ ປກສ ນວ ແລະ ພະແນກອຸດສາຫະກຳ ແລະ ການຄ້າ ນວ ສືບຕໍ່ລົງກວດກາຕາມການລາຍງານຂອງສັງຄົມວ່າມີການສວຍໂອກາດຂຶ້ນລາຄາສິນຄ້າ ເມືອເຈົ້າໜ້າທີ່ໄດ້ຮັບລາຍງານຂອງສັງຄົມວ່າມີການຂຶ້ນລາຄາໄຂ່ໄກ່ ແລະ ຊີ້ນໝູຢູ່ຕະຫຼາດຫ້ວຍຫົງ ແລະ ຕະຫຼາດໂພນສະຫວ່າງ, ປກສ ນວ ຈຶ່ງໄດ້ຮີບຮ້ອນ

ມອບໝາຍໃຫ້ພະແນກຕຳຫຼວດປ້ອງກັນເສດຖະກິດ ຫ້ອງຕຳຫຼວດ ປສກ ນວ ປະສານສົມທົບກັບພະແນກອຸດສາຫະກຳ ແລະ ການຄ້າ ນວ ສືບຕໍ່ຈັດຕັ້ງປະຕິບັດກວດກາລາຄາສິນຄ້າຢູ່ຕະຫຼາດ ນັບແຕ່ເວລາ 8:00ໂມງ ຫາ 17:00ໂມງ ຂອງວັນທີ 25 ເມສາ 2021 ໄດ້ທັງໝົດ 7 ແຫ່ງຄື: 1 ຕະຫຼາດສວນມອນ, 2 ຕະຫຼາດທົ່ງພານທອງ, 3

ຕະຫຼາດໜອງຈັນ, 4 ຕະຫຼາດສີຂຽວ, 5 ຕະຫຼາດອົດຊີ, 6 ຕະຫຼາດຫ້ວຍຫົງ, 7 ຕະຫຼາດໂພນສະຫວ່າງ ຜ່ານການກວດກາເຫັນວ່າ ບໍ່ມີຄວາມຈິງ ແລະ ຕະຫຼາດອື່ນໆ ກໍ່ຍັງຂາຍລາຄາໃນເກນປົກກະຕິ.ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງເຈົ້າຂອງກິດຈະການ, ຫົວໜ່ວຍທຸລະກິດຕ່າງໆ ໃຫ້ປະຕິບັດຕາມສັ່ງຂອງນາຍົກ

ລັດຖະມົນຕີ ເລກທີ 15/ນຍ ທີ່ລະບຸໄວ້ໃນ ຂໍ້ທີ 6 ຫ້າມສວຍໂອກາດກັກຕຸນ ແລະ ຂຶ້ນລາຄາສິນຄ້າ ອຸປະໂພກ ແລະ ບໍລິໂພກຕ່າງໆຢ່າງເຂັ້ມງວດ.ເຊື່ອວ່າຄົນລາວຄົນມີນ້ຳໃຈຕ້ອງຊ່ວຍເຫຼືອເຊິ່ງກັນ ແລະ ກັນ ໃຫ້ຊີວິດການເປັນຢູ່ຂອງຊາວ ນວ ໃນໄລຍະການປິດຕົວເມືອງ ໃຫ້ຢູ່ລອດປອດໄພຜ່ານວິກິດການແຜ່ລະບາດຂອງພະຍາດ ໄປ

ນໍາກັນ; ແຕ່ຫາກມີບຸກຄົນ ຫຼື ກຸ່ມຄົນໃດລະເມີດ ຖ້າເຈົ້າໜ້າທີ່ຊອກຮູ້ກວດພົບ ຈະໄດ້ນຳໃຊ້ມາດຕະການທາງດ້ານບໍລິຫານ ແລະ ກົດໝາຍຢ່າງບໍ່ມີຂໍ້ຍົກເວັ້ນ, ພົບເຫັນແຈ້ງທາງເບີວອດແອັບ 020​28899774 ແລະ ແຈ້ງຜ່ານທາງຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.