ອີກໜຶ່ງນັກຮົບຊຸດຂຽວ! ຜູ້ກຽມພ້ອມຊ່ວຍເຫຼືອປະຊາຊົນລາວ ສູ້ຜ່ານວິກິດໂຄວິດ-19 ໄປນໍາກັນ

    0
    142

    ຈາກສະພາບການລະບາດຂອງພະຍາດໂຄວິດ-19 ຢູ່ໃນ ສປປ ລາວ ໃນປັດຈຸບັນນີ້ ແມ່ນໜ້າຫ່ວງ ແລະ ສ້າງຄວາມວິດຕົກກັງວົນໃຫ້ກັບປະຊາຊົນບໍ່ໜ້ອຍ ເພາະຕອນນີ້ມີຜູ້ຕິດເຊື້ອສະສົມເພີ່ມຂຶ້ນທຸກມື້.

    ແນວໃດກໍ່ຕາມ ຕໍ່ກັບສະພາບທີ່ເປັນຢູ່ນັ້ນ ລັດຖະບານກໍ່ໄດ້ມີມາດຕະການຕ່າງເພື່ອຄວບຄຸມການລະບາດຂອງພະຍາດນີ້ ແຕ່ທັ້ງນີ້ທັງນັ້ນ ກໍ່ຕ້ອງໄດ້ຮັບຄວາມຮ່ວມມືຈາກທຸກພາກສ່ວນໃນສັງຄົມ ໂດຍສະເພາະແມ່ນປະຊາຊົນ ຕ້ອງເອົາໃຈໃສ່ປະຕິບັດມາດຕະການປ້ອງກັນຕົນເອງຢ່າງເຂັ້ມງວດ.

    ທັ້ງນີ້ ໃນສະພາບທີ່ເປັນຢູ່ນັ້ນ ມີກຸ່ມຄົນທີ່ເສຍສະລະຕົນເອງເພື່ອຊ່ວຍເຫຼືອປະຊາຊົນ ປິ່ນປົວພະຍາດ ແລະ ຮັກສາຊີວິດຂອງຄົນປ່ວຍໃຫ້ຫາຍດີກໍ່ຄືແພດໝໍ ເຈົ້າໜ້າທີ່, ບຸກຄະລາກອນທາງການແພດທີ່ພວກເຮົາຂະໜານາມໃຫ້ພວກເພິ່ນວ່າ ນັກຮົບຊຸດຂາວ.

    ແຕ່ຍັງມີອີກກຸ່ມຄົນໜຶ່ງທີ່ພວກເຂົາພ້ອມຊ່ວຍເຫຼືອ ແລະ ຢູ່ຄຽງຂ້າງປະຊາຊົນທຸກສະຖານະການທີ່ເກີດຂຶ້ນ ແລະ ໜຶ່ງເຫດການທີ່ພວກເຂົາຍັງຢູ່ຄຽງຂ້າງພວກເຮົາກໍ່ຄືຕອນນີ້ ຕອນທີ່ມີການລະບາດຂອງພະຍາດໂຄວິດ-19, ເຊິ່ງພວກເຂົາເຫຼົ່າໜັ້ນແມ່ນອ້າຍນ້ອງທະຫານທັງຫຼາຍ ເຊິ່ງກໍ່ໄດ້ຮັບການຂະໜານນາມວ່າ ນັກຮົບເສື້ອຂຽວ.

    ເຊິ່ງແອັດມິນ ສຶກສາ-ໄອທີ ຂໍຊື່ນຊົມໃນຄວາມເສຍສະລະຂອງພວກທ່ານ ທັງນົກຮົວເສື້ອຂາວ ແລະ ນັກຮົມເສື້ອຂຽວ ລວມໄປເຖິງເຈົ້າໜ້າທີ່ທຸກພາກສ່ວນ ຜູ້ເຮັດວຽກເພື່ອປະຊາຊົນໃນຕອນນີ້.

    ທັ້ງນີ້, ເມື່ອບໍ່ດົນມານີ້ ສູນຂ່າວສານການແພດສຸຂະສຶກສາ ໄດ້ອອກມາເຜີຍແຜ່ພາບພ້ອມຂໍ້ການເຮັດວຽກຂອງເຈົ້າໜ໊າທີ່ນັກຮົບຊຸດຂຽວວ່າ: ອີກດ້ານໜຶ່ງຂອງວຽກງານຕອບໂຕ້ການລະບາດຂອງພະຍາດໂຄວິດ-19 ອົງການອະນາໄມໂລກ (WHO) ໄດ້ສືບຕໍ່ຊຸກຍູ້ຊ່ວຍເຫຼືອ ກະຊວງສາທາລະນະສຸກ ດ້ານວິຊາການຜ່ານການເຝິກອົບຮົມທີ່ຈັດຂຶ້ນໂດຍ ກົມປິ່ນປົວ ແລະ ຟື້ນຟູໜ້າທີ່ການ ໃຫ້ແກ່ບຸກຄະລາກອນທາງການແພດທີ່ສູນຈໍາກັດບໍລິເວນຫຼັກ 27 ໃນການກະກຽມຄວາມພ້ອມຂອງໂຮງໝໍພາກສະໜາມເພື່ອຮອງຮັບຄົນເຈັບພະຍາດໂຄວິດ-19.