ສູ້ສູ້ເດີ້ ທຸກພາກສ່ວນຮ່ວມໃຈ ພ້ອມກັນຕໍ່ສູ້ຕ້ານໄພ ໂ ຄ ວ ິ ດ

0
74

ມາຮອດມື້ນີ້ການປະຕິບັດຄຳສັ່ງສະບັບເລກທີ 15/ນຍ ລົງວັນທີ 21 ເມສາ 2021 ວ່າດ້ວຍການຕ້ານ , ສະກັດກັ້ນ ແລະ ປ້ອງກັນເຊື້ອພະຍາດ ກ້າວເຂົ້າສູ້ມື້ທີ 8 ແລ້ວ ຊຶ່ງຕະຫລອດໄລຍະຜ່ານມາ ເຫັນວ່າ:ທຸກພາກສ່ວນໃນສັງຄົມ ໄດ້ພ້ອມກັນຈັດຕັ້ງປະຕິບັດເຂັ້ມງວດ. ຂະນະທີ່ຢູ່ບັນດາແຂວງ, ເມືອງ, ບ້ານໃນຂອບເຂດທົ່ວປະເທດ ໄດ້ຜັນ

ຂະຫຍາຍຄຳສັງດັ່ງກ່າວເຂົ້າສູ່ຕົວຈິງຢ່າງພ້ອມພຽງ ແລະ ເປັນລວງ ດຽວກັນ ສະແດງໃຫ້ເຫັນເຖິງການກຽມພ້ອມຕໍ່ສູ້ຕ້ານໄພ ຂອງທົ່ວສັງຄົມ.ການຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີ ຕົ້ນຕໍແມ່ນເຈົ້າໜ້າທີ່ປ້ອງກັນຊາດ-ປ້ອງກັນ ຄວາມສະຫງົບ ທີ່ໄດ້ສຸມທຸກກຳລັງປ້ອງກັນເວນຍາມຂອບເຂດຮັບຜິດຊອບຂອງຕົນໂດຍການກຳຈັດ, ຫ້າມ

ບໍ່ໃຫ້ເຂົ້າ-ອອກ ຍົກເວັ້ນກໍລະນີຈຳເປັນ ພ້ອມທັງໂຄສະນາເຜີຍແຜ່ໃຫ້ປະຊາຊົນເຂົ້າໃຈ ແລະ ຮ່ວມຈັດ ຕັ້ງປະຕິບັດມາດຕະການດັ່ງກ່າວໂດຍການຢູ່ເຮືອນ, ບໍ່ໃຫ້ຊຸມແຊວ, ຫ້າມຈັດງານລ້ຽງງານສ້າງສັນຕ່າງໆ, ຫ້າມບໍ່ໃຫ້ເປີດບໍລິການສະຖານທີ່ບັນເທີງ, ຮ້ານກິນດື່ມ, ຮ້ານອິນເຕີເນັດ, ຮ້ານສະນຸກເກີ, ຮ້ານນວດ, ສະ ປາ ແລະ ອື່ນໆ ໃນ

ກໍລະນີພົບເຫັນ, ເຈົ້າໜ້າທີ່ກໍ່ໄດ້ປະຕິບັດຕາມລະບຽບການທີ່ກຳນົດໄວ້ ຊຶ່ງທັງໝົດນີ້ ເພື່ອຮັບປະກັນຄວາມເປັນລະບຽບຮຽບຮ້ອຍໃນສັງຄົມທັງປ້ອງກັນບໍ່ໃຫ້ເຊື້ອພະຍາດຮ້າຍແພ່ລະບາດເປັນ ວົງກວ້າງປະກອບສ່ວນເຮັດໃຫ້ການປິ່ນປົວ, ປ້ອງກັນພະຍາດຂອງໜ່ວຍງານສາລະນະສຸກທີ່ມີໜ້າທີ່ຜະ ເຊີນກັບເຊື້ອພະຍາດປະຕິບັດໜ້າທີ່ວິຊາສະເພາະຢ່າງ

ເຕັມສ່ວນ.ສະເພາະການປະຕິບັດໜ້າທີ່ຂອງບຸກຄະລາກອນແພດ ໄລຍະຜ່ານມາເຫັນວ່າ ໜັກໜ່ວງສົມຄວນ ທັງສຸມໃສ່ຄົ້ນຫາຜູ້ຕິດເຊື້ອພະຍາດ, ປິ່ນປົວຕິດຕາມອາການຜູ້

ຕິດເຊື້ອ, ເລັ່ງສັກວັກຊິນປ້ອງກັນພະຍາດ ແລະ ໂຄສະນາເຜີຍແຜ່ໃຫ້ປະຊາຊົນເຂົ້າໃຈຄວາມອັນຕະລາຍ ແລະ ຮູ້ວິທີປ້ອງກັນຕົນເອງຈາກພະຍາດ ຊຶ່ງຜ່ານມາພະນັກງານ

ແພດໝໍ ກໍ່ຄືບຸກຄະລາກອນແພດທຸກທ່ານໄດ້ສຸມທັງກຳລັງກາຍ, ກຳລັງໃຈ ແລະ ເສຍສະລະຕົນເອງຕໍ່ສູ້ຕ້ານຢັນເຊື້ອພະຍາດດ້ວຍຄວາມຮັບຜິດຊອບສູງ ແລະ ປະສົບຜົນ

ສຳ ເລັດ ດັ່ງສະແດງໃຫ້ເຫັນໃນການລະບາດຮອບທຳອິດ, ຜູ້ຕິດເຊື້ອທັງໝົດປິ່ນປົວດີ, ມີສຸຂະພາບແຂງແຮງ. ການລະບາດໃນຮອບນີ້ເຖິງວ່າໜັກໜ່ວງກວ່າຜ່ານມາ, ແຕ່

ເຊື່ອວ່າດ້ວຍການເສຍສະລະຂອງເຈົ້າໜ້າທີ່ທຸກ ພາກສ່ວນ ແລະ ການຮ່ວມແຮງຮ່ວມໃຈຂອງປວງຊົນລາວທຸກຖ້ວນໜ້າພວກເຮົາຈະໄດ້ຮັບ ໄຊຊະນະໃນ ບັ້ນຮົບນີ້ ແລະ
ສາມາດຜ່ານພົ້ນວິກິດນີ້ໄປໄດ້.ແນວໃດກໍ່ດີໃນສະພາບທີ່ຜູ້ຕິດເຊື້ອເພີ່ມຂຶ້ນແຕ່ລະມື້, ພວກເຮົາຕ້ອງພ້ອມກັນປະຕິບັດມາດຕະການ ຕ້ານ ແລະ ປ້ອງກັນທີ່ຄະນະສະເພາະວາງ

ອອກຢ່າງເຂັ້ມງວດໂດຍສະເພາະການປະຕິບັດຄຳສັ່ງ ເລກທີ 15/ນຍ ແລະ ຄຳແນະນຳຂອງຂະແໜງການກ່ຽວຂ້ອງ ຄຽງຄູ່ກັບການສືບຕໍ່ປະຕິບັດມາດຕະການປ້ອງກັນ ການ

ຕິດເຊື້ອຢ່າງຖືກວິທີ ໂດຍການໃສ່ຜ້າອັດປາກ-ດັງ ເມື່ອອອກຈາກເຮືອນ, ລ້າງມືດ້ວຍສະບູ, ນໍ້າສະ ອາດ ຫລື ເຈວລ້າງມືຂ້າເຊື້ອເລື້ອຍໆ, ເວັ້ນໄລຍະຫ່າງທາງສັງຄົມຢ່າງໜ້ອນ 1 ແມັດຂຶ້ນໄປ ແລະ ຫລີກ ການໄປສະຖານທີ່ແອອັດ ເຮົາກໍ່ຈະຫ່າງໄກຈາກເຊື້ອພະຍາດ ແລະ ຢຸດການແພ່ເຊື້ອໄດ້ຢ່າງແນ່ນອນ.