ຫົວໜ້າຄະນະຈັດຕັ້ງແຂວງ ເຄື່ອນໄຫວຊຸກຍູ້ ວຽກງານຕ້ານການລະບາດພະຍາດ ໂ ຄ ວ ິ ດ ຢູ່ເມືອງໂຂງ

0
64

ຂປລ. ແຫລ່ງຂ່າວຈາກເມືອງໂຂງ ແຂວງຈຳປາສັກ ໃຫ້ຮູ້ວ່າ: ໃນວັນທີ 28 ເມສາ ນີ້, ທ່ານ ສະນັ່ນ ສີພາພົມມະຈັນ ຫົວໜ້າຄະນະຈັດຕັ້ງແຂວງຈຳປາສັກ ໄດ້ເຄື່ອນໄຫວເຮັດວຽກຢູ່ເມືອງໂຂງ ເພື່ອຕິດຕາມ, ກວດກາການຈັດຕັ້ງປະຕິບັດມາດຕະ ການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດຂອງພະຍາດ ໂດຍການນຳພາເຄື່ອນໄຫວເບິ່ງສະຖານທີ່ຕົວຈິງຂອງ ທ່ານນາງ ຄຳພູ ລິດທິສັກ ເຈົ້າເມືອງໂຂງ, ມີຄະນະສະເພາະກິດປ້ອງກັນ, ສະກັດກັ້ນ, ຄວບຄຸມ ແລະ ກຽມຄວາມ

ພ້ອມຮອບດ້ານ ໃນການຕ້ານການລະບາດພະຍາດຂັ້ນເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.ໂອກາດນີ້, ທ່ານນາງ ຄຳພູ ລິດທິສັກ ກໍໄດ້ລາຍງານສະພາບການໂດຍສັງເຂບວ່າ: ນັບແຕ່ມີການລະບາດຂອງພະຍາດ ທາງຄະນະບໍລິຫານງານພັກເມືອງ ພວກເຮົາ ກໍໄດ້ຮີບຮ້ອນຄົ້ນຄວ້າປຶກສາຫາລື ແລະ ວາງທິດທາງ, ວິທີປ້ອງກັນຢ່າງຮີບດ່ວນ, ພ້ອມທັງໄດ້ຜັນຂະຫຍາຍຄຳສັ່ງຂອງນາຍົກລັດຖະມົນຕີ ສະບັບເລກທີ 15/ນຍ ແລະ ຄຳສັ່ງຂອງເຈົ້າແຂວງຈຳປາສັກ ສະບັບເລກທີ

04/ຈຂ.ຈສ ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດ. ນອກຈາກນີ້ ກໍໄດ້ອອກຄຳສັ່ງເພີ່ມເຕີມເລກທີ 06/ຈມຂ ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂດຍໃຫ້ເລຂາຄະນະພັກຮາກຖານກຸ່ມບ້ານ, ເລຂາພັກບ້ານ-ນາຍບ້ານຜັນຂະຫຍາຍອອກທາງສື່ໂທລະໂຄ່ງບ້ານ, ສື່ສະຖານີວິທະຍຸຂອງເມືອງ ເພື່ອໃຫ້ພໍ່ແມ່ປະຊາຊົນທຸກຊັ້ນຄົນໄດ້ຮັບຮູ້ກັນ

ຢ່າງທົ່ວເຖິງ; ຫ້າມປະຊາຊົນທຸກຊັ້ນຄົນທີ່ອາໄສ ແລະ ດຳລົງຊີວິດພາຍໃນເມືອງອອກຈາກເຮືອນ ຍົກເວັ້ນກໍລະນີຈຳເປັນ, ຫ້າມຄົນພາຍໃນເມືອງເດີນທາງໄປຕ່າງແຂວງ, ເມືອງ ແລະ ຫ້າມຄົນຕ່າງແຂວງ ແລະ ເມືອງເຂົ້າມາເມືອງໂຂງ ຍົກເວັ້ນຜູ້ມີພູມລຳເນົາ, ເຮັດວຽກຢູ່ພາຍໃນເມືອງ, ຜູ້ທີ່ຮັບອະ ນຸຍາດຈາກຄະນະສະເພາະກິດຂັ້ນເມືອງ;

ໂຈະການບໍລິການລົດຂົນສົ່ງລະຫວ່າງແຂວງ ແລະ ເມືອງ. ສຳລັບຜູ້ທີ່ມີຄວາມຈຳເປັນຕ້ອງເດີນທາງ ໄປປະຕິບັດຢູ່ສະຖານ ທີ່ອື່ນ ແມ່ນໃຫ້ຂໍໜັງສືອະນຸມັດການເດີນທາງຈາກຄະນະສະເພາະກິດຂັ້ນເມືອງ, ໃຫ້ແຕ່ລະບ້ານຕັ້ງຈຸດກວດຄົນເຂົ້າ-ອອກບ້ານຂອງຕົນ ພ້ອມຈົດບັນທຶກການເຂົ້າ-ອອກປະຈຳວັນ; ສຳລັບກຸ່ມບ້ານ, ບ້ານທີ່ມີຊາຍແດນທາງນ້ຳ ແມ່ນໄດ້ເອົາໃຈໃສ່ຕິດຕາມກວດກາ ແລະ ຄຸ້ມຄອງເຮືອ ໂດຍໃຫ້ທ້ອນໂຮມເຮືອມາໄວ້ຈຸດດຽວ.