ຫົວໜ້າການເມືອງກອງບັນຊາການທະຫານແຂວງບໍ່ແກ້ວ ລົງຊຸກຍູ້ວຽກງານຕ້ານ ແລະ ສະກັດກັ້ນ ໂ ຄ ວ ິ ດ ຢູ່ເມືອງຫ້ວຍຊາຍ

0
18

ຫົວໜ້າການເມືອງກອງບັນຊາການທະຫານແຂວງບໍ່ແກ້ວລົງຊຸກຍູ້ວຽກງານຕ້ານ ແລະ ສະກັດກັ້ນໂ ຄ ວ ິ ດ ຢູ່ເມືອງຫ້ວຍຊາຍ ແຫລ່ງຂ່າວຈາກແຂວງບໍ່ແກ້ວ ໃຫ້ຮູ້ວ່າ: ວັນທີ 27 ເມສາ 2021 ນີ້, ທ່ານ ພັນເອກ ບຸນມີ ພາມີໄຊ ຫົວໜ້າການເມືອງກອງບັນຊາການທະຫານແຂວງບໍ່ແກ້ວ, ທ່ານ ຫົງແກ້ວ ວິໄນວົງ ເຈົ້າເມືອງຫ້ວຍຊາຍ ແລະ ສະຫາຍ ພັນເອກ ຈັນທະລາ ໄຊຍະວົງ ຮອງຫົວໜ້າກອງບັນຊາການ ປກສ ແຂວງ ພ້ອມດ້ວຍຄະນະ ໄດ້ລົງເຄື່ອນໄຫວລາດຕະເວນຢູ່ຂອບເຂດຊາຍແດນເມືອງຫ້ວຍຊາຍ ເພື່ອຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂ ການແຜ່ລະບາດຂອງພະຍາດໂ ຄ ວ ິ ດ ໂດຍສະເພາະ ແມ່ນການສະກັດກັ້ນ ແລະ ແກ້ໄຂບັນຫາ ຄົນລັກລອບເຂົ້າ-ອອກເມືອງແບບບໍ່ຖືກຕ້ອງ ໃຫ້ມີປະສິດທິພາບ ແລະ ປະສິດທິຜົນ.ການລົງກວດກາລາດຕະເວນໃນຄັ້ງ

ນີ້ ກໍເພື່ອຈັດຕັ້ງປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂ ການແຜ່ລະບາດ ຂອງພະຍາດໂ ຄ ວ ິ ດ, ລວມທັງວຽກງານສະກັດກັ້ນ ແລະ ແກ້ໄຂບັນຫາປະກົດການຫຍໍ້ທໍ້ທາງສັງຄົມ ເປັນຕົ້ນ ແມ່ນຄົນລັກລອບເຂົ້າ-ອອກເມືອງແບບບໍ່ຖືກຕ້ອງຕາມກົດໝາຍ ໂດຍໄດ້ເອົາໃຈໃສ່ວຽກງານໂຄສະ ນາເຜີຍແຜ່ໃຫ້ປະຊາຊົນໄດ້ຮັບຮູ້ ແລະ ເຂົ້າໃຈ ເນື້ອໃນຈິດໃຈຂອງຄຳສັ່ງເລກທີ 15/ນຍ, ລົງວັນທີ 21 ເມສາ 2021 ແລະ ນິຕິກຳອື່ນໆເປັນຕົ້ນ ນິຕິກຳຂອງ ຄະນະສະເພາະກິດແຕ່ລະຂັ້ນວາງອອກ; ເຈົ້າໜ້າທີ່ທີ່ກ່ຽວຂ້ອງໄດ້ເຄື່ອນໄຫວກວດກາລາດຕະເວນ ທັງທາງ ບົກ ແລະ ທາງນໍ້າ ຢ່າງເປັນປົກກະຕິ ຕະຫລອດ 24 ຊົ່ວໂມງ ໃນທົ່ວເມືອງ ແລະ ຢຸດການເດີນເຮືອຂອງປະຊາຊົນຊົ່ວຄາວ ໂດຍໄດ້ຈອດໂຮມ ແລະ ເອົາຂຶ້ນບົກໄວ້ເປັນຈຸດໆ, ພ້ອມນີ້, ໄດ້ຕັ້ງຈຸດກວດກາຈຳກັດ ການເຂົ້າ-ອອກບ້ານ ຂອງປະຊາຊົນ ແລະ ອື່ນໆ.ຜ່ານການຈັດຕັ້ງ

ປະຕິບັດວຽກງານຕົວຈິງ ແມ່ນໄດ້ຮັບການຮ່ວມມືຈາກປະຊາຊົນດີສົມຄວນ, ເຮັດໃຫ້ຂອບເຂດເມືອງ ແລະ ບັນດາບ້ານມີຄວາມສະຫງົບ ແລະ ເປັນລະບຽບ ຮຽບຮ້ອຍໂດຍພື້ນຖານ; ເພີ່ມທະວີການໂຄສະນາເຜີຍແຜ່ ແລະ ປະຕິບັດ ບັນດາມາດຕະການທີ່ລັດຖະບານ ກໍຄື ຄະນະສະເພາະກິດ ແຕ່ລະຂັ້ນວາງອອກຢ່າງເຂັ້ມງວດ ເຮັດໃຫ້ເຂົາເຈົ້າຮັບຮູ້ ແລະ ເຂົ້າໃຈຕໍ່ຄວາມອັນຕະລາຍ ແລະ ຜົນກະທົບຕາມມາຈາກການແຜ່ລະບາດ ຂອງພະຍາດໂ ຄ ວ ິ ດ, ເຫດຜົນ ແລະ ຄວາມຈຳເປັນໃນການຈຳກັດການເຂົ້າ-ອອກບ້ານ, ເຂົ້າ-ອອກເມືອງ, ເຜີຍແຜ່ໃຫ້ຄວາມຮູ້ແກ່ປະຊາຊົນກ່ຽວກັບ ການປ້ອງກັນ ແລະ ປິ່ນປົວຕົນເອງຂັ້ນພື້ນຖານ; ເອົາໃຈໃສ່ ປຸກລະດົມປະຊາຊົນ ໃຫ້ສືບຕໍ່ມີຄວາມສາ ມັກຄີກັນດີ, ໃຫ້ການຮ່ວມມືເຊິ່ງກັນ ແລະ ກັນ, ພ້ອມກັນເຂົ້າຮ່ວມ ແລະ ປະຕິບັດພັນທະຂອງຕົນ ໃຫ້ເປັນຂະເປັນຂະບວນການຢ່າງຕັ້ງໜ້າ.
ຂ່າວ: ວໍລະສິດ ພິດສະຫາຍ