ຍ້ອນການລະບາດຂອງພະຍາດໂ ຄ ວ ິ ດ ເຮັດໃຫ້ລາຍຮັບຈາກການຂາຍສິນຄ້າ ຂອງແມ່ຄ້າໃນຕະຫຼາດບ້ານຖິ່ນ ຫລຸດລົງ

0
112

ຍ້ອນການລະບາດຂອງພະຍາດໂ ຄ ວ ິ ດ ເຮັດໃຫ້ລາຍຮັບຈາກການຂາຍສິນຄ້າ ຂອງແມ່ຄ້າໃນຕະຫຼາດບ້ານຖິ່ນ ເມືອງໄຊ ຫລຸດລົງ.ປັດຈຸບັນ ສະພາບການແຜ່ລະບາດຂອງເຊື້ອພະຍາດໂ ຄ ວ ິ ດ ຢູ່ໃນໂລກ ແລະ ພາກພື້ນ ຍັງມີຈຳນວນຕົວເລກຜູ້ຕິດເຊື້ອ ແລະ ເສຍຊີວິດນັບມື້ນັບເພີ່ມຂຶ້ນຢ່າງກວ້າງຂວາງ ແລະໄວວາ. ສຳລັບ ຢູ່ສປປລາວ

ກໍໄດ້ກວດພົບຜູ້ຕິດເຊື້ອໃນເຂດຊຸມຊົນ ແລະ ແຜ່ຂະຫຍາຍໄປຫລາຍແຂວງ ຕໍ່ກັບສະພາບການດັ່ງກ່າວ ທ່ານເຈົ້າແຂວງອຸດົມໄຊ ຈຶ່ງອອກຄຳສັ່ງແນະນຳເພີ່ມເຕີມ ວ່າດ້ວຍການເພີ່ມທະວີ ມາດຕະການ ສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂ ຄ ວ ິ ດ ເຊິ່ງມີຜົນນຳໃຊ້ ນັບແຕ່ວັນທີ 26 ເມສາ ເປັນຕົ້ນ

ໄປ. ດັ່ງນັ້ນ ຈຶ່ງເຮັດໃຫ້ການ ຊື້-ຂາຍ ສິນຄ້າໃຊ້ສອຍ, ເຄື່ອງອຸປະໂພກ-ບໍລິໂພກ ຂອງແມ່ຄ້າ ກັບ ລູກຄ້າ ຢູ່ຕະຫລາດບ້ານຖິ່ນ ເມືອງໄຊ ແຂວງອຸດົມໄຊ ງວາມເຫງົາ ບໍ່ຄຶກຄື້ນຄືທີ່ຜ່ານມາ.ຕໍ່ກັບສະພາບການດັ່ງກ່າວ ທາງທິມງານສື່ມວນຊົນ ຂອງແຂວງ ໄດ້ລົງເຄື່ອນໄຫວ ຕິດຕາມ, ກວດກາ,ເກັບກຳສະພາບ ແລະ ສຳພາດ ຂໍ້ມູນຕົວຈິງ

ຈາກແມ່ຄ້າຢູ່ທີ່ຕະຫຼາດບ້ານຖິ່ນ ເມືອງໄຊ ສ່ວນຫລາຍ ເວົ້າເປັນສຽງດຽວກັນວ່າ: ການຈັບຈ່າຍ, ຊື້ – ຂາຍ ໃນໄລຍະຜ່ານມາ ຄຶກຄື້ນດີ, ມີລາຍຮັບພໍລ້ຽງດູຄອບຄົວ ແຕ່ພໍມີການແຜ່ລະບາດຂອງເຊື້ອພະຍາດໂ ຄ ວ ິ ດ ຢູ່ບັນດາແຂວງ ພາຍໃນປະເທດ ເຮັດໃຫ້ບັນຍາກາດການຊື້ – ຂາຍສິນຄ້າ ບໍ່ຟົດຟື້ນ ມີແຕ່ຜູ້ຂາຍ ແຕ່ບໍ່ມີລູກຄ້າ, ເນື່ອງ

ຈາກປະຊາຊົນ ພາຍໃນເທດສະບານແຂວງອຸດົມໄຊ ມີຄວາມຢ້ານກວາ ຕໍ່ການລະບາດຂອງພະຍາດດັ່ງກ່າວ ອີກຈຳນວນຫນຶ່ງກໍໄດ້ປະຕິບັດຕາມຄຳສັ່ງແນະນຳຂອງຂັ້ນເທິງຢ່າງ
ເຂັ້ມງວດ.ເຖິງແມ່ນວ່າການຊື້ – ຂາຍ ຈະຫລຸດລົງ ແຕ່ແມ່ຄ້າພາຍໃນຕະຫຼາດບ້ານຖິ່ນ ເມືອງໄຊ ສ່ວນຫລາຍ ຍັງໄດ້ຮຽກຮ້ອງໃຫ້ທຸກຄົນເປັນເຈົ້າການໃນການປະຕິບັດມາດ

ຕະການທີ່ຂັ້ນເທິງວາງອອກໃຫ້ເຂັ້ມງວດ ແລະ ພ້ອມກັນ ໃສ່ຜ້າອັດປາກ – ດັງ, ຫມັ່ນລ້າງມືດ້ວຍສະບູ່ຫຼືເຈວ, ຮັກສາໄລຍະຫ່າງ ຖ້າບໍ່ຈໍາເປັນບໍ່ຢາກໃຫ້ມີການເດີນທາງໄປ-ມາ ຫາສູ່ກັນ.

ຂ່າວ: ຄານມະນີ ຮຽນດໍຈັນ