ແຂວງບໍ່ແກ້ວ ຍັງບໍ່ຮູ້ສະຕາກຳ ເຕືອນປະຊາຊົນ ຈົ່ງມີສະຕິປ້ອງກັນຢ່າງເຄັ່ງຄັດ

0
63

ສະພາບການປະຈຸບັນໄດ້ມີການລະບາດຢູ່ໃນວົງກ້ວາງເຊິ່ງຮອດວັນທີ 25 ເມສາ 2021 ແຂວງບໍ່ແກ້ວ ມີຜູ້ຕິດເຊື້ອເພີ້ມ 1 ຄົນ, ລ່ວມ 6 ກໍລະນີແລ້ວ ແລະ ມື້ນີ້ ແຂວງບໍ່ແກ້ວຍັງບໍ່ຮູ້ສະຕາກຳ ວ່າຈະມີຜູ້ຕິດເຊື້ອເພິ້ມຂຶ້ນ ຫຼື ລຸດລົງ ? ເພາະຍັງແມ່ນໄລຍະກຳລັງເກັບຕົວຢ່າງ ກວດຊອກຫາເຊື້ອ ແລະ ຍັງມີຫຼາຍຄົນຖືກກັດຕົວຢູ່ສູນ. ຂໍໃຫ້ທຸກພາກສວນຈະມີສະຕິໃນການ ເສບຂ່າວ ແລະ ຕ້ອງຕິດຕາມຂ່າວທາງການເທົານັ່ນ.

ທົ່ວສັງຄົມ ຈົ່ງເປັນເຈົ້າການມີສະຕິເອົາໃຈໃສ່ປະຕິບັດ ປະຕິບັດຕາມມາດຕະການປ້ອງກັນທີ່ທາງຄະນະສະເພາະວາງອອກຢ່າງເຄັ່ງຄັດ:ຖ້າບຸກຄົນໃດຫາກຢູ່ໃນຄວາມສ່ຽງ ໄດ້ໄປສຳພັດກັບກຸ່ມສ່ຽງ, ໄດ້ໄປໃນສະຖານທີ່ສ່ຽງທີ່ໄດ້ແຈ້ງອອກໄປນີ້ແລ້ວແມ່ນໃຫ້ໄປເກັບຕົວຢ່າງເພື່ອກວດຊອກຫາການຕິດເຊື້ອຢູ່ທີ່ພະແນກສາທາລະນະສຸກແຂວງ- ໂຮງໝໍແຂວງ ແລະ ໃຫ້ເອົາໃຈໃສ່ໃນການກັກຕົວເອງຫຼີກລ້ຽງການໃກ້ຊິດກັບຄົນອື່ນຢ່າງເຄັ່ງຄັດໃຫ້ຄົບ14 ວັນຫຼືຈົນກວ່າຈະປອດໄພ.

ຖ້າທ່ານມີອາການ ໄຂ້, ໄອ, ຫາຍໃຈຝືດ, ສູນເສຍການຮັບກິ່ນ ຫຼື ລົດຊາດ ຂໍແນະນຳ ໃຫ້ທ່ານໃສ່ຜ້າປິດປາກ-ດັງ, ຫຼີກລ້ຽງການພົວພັນໃກ້ຊິດກັບຄົນອື່ນ, ປະຕິບັດການອະນາໄມມືຢ່າງເຄັ່ງຄັດ ແລະ ໄປພົບແພດ ແລະແຈ້ງໃຫ້ແພດ ທີ່ກວດວັດອຸນນະພູມທາງເຂົ້າໂຮງໝໍແຂວງ ເມືອງ ໃກ້ບ້ານທ່ານ ໃຫ້ໄວເທົ່າທີ່ຈະໄວໄດ້. ເອົາໃຈໃສ່ປະຕິບັດ

ມາດຕະການປ້ອງກັນເຊັ່ນ: ຫຼີກລ່ຽງການເດີນທາງໄປເຂດທີ່ມີການລະບາດ ຫຼື ຊຸມຊົນແອອັດ, ຫຼີກລ່ຽງການສຳຜັດໃກ້ຊິດກັບຄົນທີ່ມີອາການຄ້າຍຄືໄຂ້ຫວັດເຊັ່ນ:ໄຂ້,ໄອ, ເຈັບຄໍ, ຫາຍໃຈຍາກ.ປະຕິບັດມາລະຍາດໃນການໄອຈາມດ້ວຍການອັດປາກ – ດັງ, ໃສ່ຜ້າອັດປາກ, ລ້າງມືຂອງທ່ານທຸກຄັ້ງດ້ວຍສະບູຫຼືເຈວລ້າງມືທີ່ມີສ່ວນປະສົມຂອງເຫຼົ້າ90 ແລະ ອວຍພອນທຸກຄົນຈົງປອດໄພ.