ລັດຮ່ວມກັບກະຊວງສາທາ ກຽມຫຼາຍສະຖານທີ່ ຮັບມືກັບຈຳນວນຜູ້ຕິດເຊື້ອທີ່ນັບມື້ເພີ່ມຂຶ້ນ

0
118

ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ໄດ້ກ່າວໃນພິທີຖະແຫຼງຂ່າວ ປະຈຳວັນທີ 25 ເມສາ 2021 ບາງຕອນກ່າວວ່າ: ລັດຖະບານ ຮ່ວມກັບ ກະຊວງສາທາລະນະສຸກ ຈິ່ງໄດ້ພ້ອມກັນຄົ້ນຄວ້າກັບ ຫຼາຍຂະແໜງການທີ່ກ່ຽວຂ້ອງ ໄດ້ມີແຜນກະກຽມໂຮງໝໍທີ່ຮອງຮັບ ຜູ້ທີ່ຖືກຄົ້ນພົບວ່າ ຕິດເຊື້ອ ໂຄວິດ-19, ເຊິ່ງທາງກະຊວງສາທາລະນະສຸກ ໄດ້ກໍານົດເອົາ ໂຮງໝໍມິດຕະພາບ ຫຼື ໂຮງໝໍ 150 ຕຽງ ເປັນບ່ອນປິ່ນປົວ ໂຄວິດ-19, ໂຮງໝໍ 103, ໂຮງໝໍເສດຖາທິລາດ ແລະ ຄຽງຄູ່

ກັນນັ້ນພວກເຮົາໄດ້ກະກຽມບັນດາໂຮງໝໍພາກສະໜາມ ເປັນຕົ້ນແມ່ນສູນພັກເຊົາຂອງສູນຝຶກກີລາຫ້ວຍຫົງ ( ຂອງ ສະຫະພັນບານແຫ່ງຊາດລາວ ບ້ານຫ້ວຍຫົງ ) ເຊິ່ງວ່າການນໍາກໍໄດ້ໄປເບິ່ງສະຖານທີ່ຮຽບຮ້ອຍແລ້ວ, ການກຽມພ້ອມນີ້ຈະເປັນວິທີການທີ່ດີ ເພື່ອຮອງຮັບ, ການບໍລິການສາທາລະນະສຸກ ສາມາດດໍາເນີນໄປໄດ້ດີໃນເວລາດຽວກັນກໍນໍາເອົາຜູ້ຕິດເຊື້ອເຂົ້າໄປຈໍາກັດບໍລິເວນ ແລະ ຕິດຕາມເປັນໄລຍະ 14 ວັນ.ດັ່ງນັ້ນເນື່ອງຈາກວ່າ ຜູ້ຕິດເຊື້ອສ່ວນຫຼາຍບໍ່ມີອາການສະແດງອອກ. ດັ່ງນັ້ນ ທາງຄະນະສະເພາະ

ກິດ ກໍໄດ້ຄົ້ນຄວ້າ ແນະນໍາໃຫ້ບັນດາທ່ານທີ່ສົງໄສວ່າໄດ້ໄປສະຖານທີ່ໆມີຄວາມສ່ຽງ ( ສະຖານທີ່ມີຜູ້ຕິດເຊື້ອເຄີຍໄປ ) ເຖິງວ່າທ່ານຈະໄປກວດຜົນອອກມາເປັນລົບກໍຕາມ ແມ່ນຮຽກໃຫ້ທ່ານສືບຕໍ່ຈໍາກັດບໍລິເວນເປັນໄລຍະ 14 ວັນ ເພາະເວລາພົບເຊື້ອອາດຈະປາກົດອອກມາລະຫວ່າງ 7-10 ວັນ. ດັ່ງນັ້ນ ຈິ່ງຮຽກໃຫ້ບັນດາທ່ານຈໍາກັດບໍລິເວນ ສໍາລັບຜູ້ທີ່ກວດພົບເຊື້ອທາງແພດໝໍຈະໄດ້ຕິດຕໍ່ຫາທ່ານ ແລະ ຈະມີພະນັກງານແພດໄປຮັບເອົາທ່ານຢູ່ທີ່ບ້ານ.ເພື່ອປະຕິບັດສະກັດກັ້ນ ການລະບາດພາຍໃນປະເທດລາວໃຫ້

ສິ້ນສຸດລົງໂດຍໄວ ຮຽກຮ້ອງໃຫ້ພໍ່ແມ່ປະຊາຊົນ ປະຕິບັດຕາມຄໍາສັ່ງເລກທີ 15/ນຍ ຜູ້ບໍ່ມີຫຍັງຈໍາເປັນບໍ່ໃຫ້ອອກຈາກບ້ານ ປັດຈຸບັນຍັງເຫັນວ່າມີຈໍານວນຫຼວງຫຼາຍຍັງຂັບລົດເດີນທາງອອກຈາກບ້ານ ອັນນີ້ແມ່ນບໍ່ຖືກຕ້ອງ ຫາກມີວຽກຈໍາເປັນກໍໃຫ້ພັດປ່ຽນກັນປະຈໍາການ ຖ້າຫາກກໍລະນີີຈໍາເປັນຕ້ອງອອກຈາກເຮືອນໄປ ກໍໃຫ້ໃສ່ຜ້າອັດປາກດັງ, ທຸກ

ຄັ້ງໝັ່ນລ້າງມືດ້ວຍສະບູ, ນໍ້າສະອາດ ແລະ ເຈວລ້າງມືທີ່ປະສົມທາດເຫຼົ້າ ຫຼີກລ້ຽງການສໍາຜັດຕາດັງ, ປາກ ເພາະວ່າຈະເປັນການສ່ຽງເອົາເຊື້ອເຂົ້າສູ່ຮ່າງກາຍ ແລະ ດີທີ່ສຸດແມ່ນໃຫ້ຮັກສາໄລຍະຫ່າງບໍ່ວ່າຢູ່ໃນຫ້ອງການ ແລະ ໃນຄອບຄົວ ໃຫ້ຄິດວ່າທຸກສະຖານທີ່ແມ່ນມີຄວາມສ່ຽງ, ສ່ວນວ່າຕະຫຼາດຮ້ານຄ້າກໍໃຫ້ເຈົ້າໜ້າທີ່ຈັດສັນປະຕິບັດຕາມມາດຕະການກວດກັ່ນຕ້ອງອຸ່ນຫະພູມ ພ້ອມເນັ້ນທັງຜູ້ຄ້າຂາຍ ແລະ ຜູ້ມາໃຊ້ບໍລິການໃຫ້ໃສ່ຜ້າອັດປາກ ແລະ ຮັກສາໄລຍະຫ່າງຢ່າງເຄັ່ງຄັດ.