ອາຊຽນ ບັນລຸຂໍ້ຕົກລົງ 5ຂໍ້ຕໍ່ບັນຫາໃນມຽນມາ

    0
    208

    ຕາມຂ່າວຈາກ ອິນໂດເນເຊຍ, ກອງປະຊຸມ ຜູ້ນຳ ອາຊຽນ ສະໄໝ ພິເສດ ກ່ຽວກັບ ບັນຫາ ໃນມຽນມາ ໄດ້ຈັດຂຶ້ນ ໃນວັນທີ24ເມສານີ້ ຢູ່ນະຄອນ ຫລວງ ຈາກາຕາ ຂອງອິນໂດເນເຊຍ ໄດ້ບັນລຸ ຂໍ້ຕົກລົງ 5ຂໍ້ຕໍ່ກັບບັນຫາ ໃນມຽນມາ ເປັນຕົ້ນ:

    ຂໍ້ຕົກລົງ ອັນທີ່ 1 ຈະຕ້ອງຢຸດຕິ ການໃຊ້ຄວາມຮຸນແຮງ ໃນມຽນມາ ໂດຍທັນທີ ແລະ ທຸກຝ່າຍ ຕ້ອງໃຊ້ ຄວາມອົດທົນ ສູງສຸດ. ຂໍ້ຕົກລົງ ອັນທີ່ 2 ຕ້ອງມີຂະບວນການ ເຈລະຈາ ທີ່ສ້າງສັນ ໃຫ້ທຸກ ພາກສ່ວນ ທີ່ກ່ຽວຂ້ອງ ເພື່ອຊອກຫາ ວິທີແກ້ໄຂ ບັນຫາ ຢ່າງສັນ ຕິວິທີ ແລະ ເພື່ອຜົນປະໂຫຍດ ຂອງປະຊາຊົນ.

    ຂໍ້ຕົກລົງອັນທີ່ 3 ທູດພິເສດ ຂອງ ປະທານ ອາຊຽນ ຈະປະສານງານ ອຳນວຍ ຄວາມສະດວກ ໃຫ້ແກ່ ຂະບວນ ການ ເຈລະຈາ ໂດຍເລຂາ ທິການໃຫຍ່ ຂອງອາຊຽນຈະຊ່ວຍໃຫ້ການ ສະ ໜັບ ສະໜູນ. ຂໍ້ຕົກລົງອັນທີ່ 4 ອາຊຽນ ຈະໃຫ້ການຊ່ວຍເຫລືອ ດ້ານມະນຸດ ສະທຳ ໂດຍຜ່ານ ສູນປະສານງານ ການຊ່ວຍເຫລືອ ດ້ານມະນຸດ ສະທຳ ອາ ຊຽນ

    ຂໍ້ຕົກລົງອັນທີ່ 5 ທູດພິເສດ ແລະ ຄະນະປະຕິບັດງານ ຈະເດີນ ທາງໄປ ມຽນມາ ເພື່ອພົບປະກັບ ທຸກຝ່າຍ ທີ່ກ່ຽວຂ້ອງ.