ແຂວງ​ຫຼວງພະບາງ​ ອອກຄຳສັ່ງປະກາດ ລ໋ອກດາວ ເພື່ອຕ້ານພະຍາດໂຄວິດ

0
264

ວັນທີ​ 24​ ເມສາ​ 2021​ ແຂວງ​ຫຼວງພະບາງ​ ອອກຄຳສັ່ງວ່າດ້ວຍການເພີ່ມທະວີເອົາໃຈໃສ່ມາດຕະການສະກັດກັ້ນ​ຄວບຄຸມ​ ແລະ​ ກຽມພ້ອມຮອບດ້ານເພື່ອຕ້ານພະຍາດໂຄວິດ-19​ ໂດຍມີບາງເນື້ອໃນສຳຄັນດັ່ງນີ້:ຫ້າມຄົນຢູ່ແຂວງຫຼວງພະບາງ ເດີນທາງໄປຕ່າງແຂວງ, ຫ້າມຄົນຕ່າງແຂວງເດີນທາງເຂົ້າມາ ແຂວງຫຼວງພະບາງ​ (lock down), ຍົກເວັ້ນກໍລະນີຈໍາເປັນ ຜູ້ທີ່ມີພູມລໍາເນົາ, ເຮັດວຽກປະຈໍາ ຢູ່ແຂວງຫຼວງພະບາງ, ແຕ່ຕ້ອງໄດ້ຮັບອະນຸຍາດຈາກຄະນະສະເພາະກິດຂັ້ນແຂວງ ຫຼື ຄະນະສະເພາະກິດຂັ້ນເມືອງ-

ນະຄອນ. ຍົກເວັ້ນລົດຂົນສົ່ງສິນຄ້າທີ່ມີຄວາມຈໍາເປັນໃນການຕໍາລົງຊີວິດຂອງປະຊາຊົນ, ນໍ້າມັນເຊື້ອໄຟ, ເຄື່ອງຈັກ, ອຸປະກອນຮັບໃຊ້ໂຄງການລົງທຶນພາຍໃນແຂວງ ແລະ
ການສົ່ງອອກສິ້ນຄ້າຜະລິດຕະພັນກະສິກໍາ ແມ່ນສາມາດສົ່ງອອກ ແລະ​ ນໍາເຂົ້າໄດ້ ແຕ່ຕ້ອງໃຫ້ຜູ້ຂັບລົດຂົນສົ່ງສິນຄ້າ ມີໃບຢັ້ງຢືນການສັກວັກຊິນປ້ອງກັນໂຕບົດ-19 ຄົບຕາມຈໍານວນ ແລະ ພ້ອມທັງປະຕິບັດໃຫ້ຕ້ອງຕາມລະບຽບຂອງການປ້ອງກັນພະຍາດຢ່າງເຂັ້ມງວດ.ໃຫ້ເຈົ້າໜ້າທີ່ຕໍາຫຼວດ ຕັ້ງດ່ານ ເພື່ອກວດກາ ຢ່າງເຂັ້ມງວາ, ສຳລັບ

ການຂົນສົ່ງໂດຍສານ ແລະ ສິນຄ້າທາງບົກ, ທາງນ້ໍາ ໃຫ້ປະຕິບັດຕາມຕາມແຈ້ງການຂອງກະຊວງໂຍທາທິການ ແລະ ຂົນສົ່ງ, ສະບັບເລກທີ 242/ຍທຂ, ລົງວັນທີ່ 23/04/2021 ຢ່າງເຂັ້ມງວດ.​

ໃຫ້ພະແນກສາທາລະນະສຸກແຂວງ, ຄະນະສະເພາະກິດ ຮົບຮ້ອນລົງກວດກາວິເຄາະຫາເຊື້ອພະຍາດ ໂຄວິດ-19, ຄົ້ນຫາຜູ້ສຳຜັດໃກ້ຊິດ ເປົ້າຫມາຍຜູ້ຕິດເຊື້ອຈາກກຸ່ມຄົນທີ່ເດີນທາງມາແຕ່ນະຄອນຫຼວງວຽງຈັນ ໃນຊ່ວງປີໃໝ່ລາວ ຢ່າງທົ່ວເຖິງ, ເພື່ອເກັບຕົວຢ່າງມາກວດເຊື້ອ. ສຳລັບຜູ້ສາດໃກ້ຊິດນັ້ນ ຕ້ອງແຈ້ງຂໍ້ມູນການພົວພັນ ຕາມຄວາມຈິງໃຫ້ແກ່ເຈົ້າຫນ້າທີ່ ເພື່ອແກ້ໄຂບັນຫາໃຫ້ທັນການ, ພ້ອມທັງສືບຕໍ່ຈັດຕັ້ງຂະບວນການສັກວັກຊິນກັນພະຍາດ ໂຄວິດ-19 ໃຫ້ກຸ່ມເປົ້າໝາຍບູລິມະສິດ

ໃນທົ່ວແຂວງ ໂດຍປະຕິບັດມາດຕະການປ້ອງກັນການຕິດເຊື້ອ ຢ່າງເຂັ້ມງວດ.​ຫ້າມປະຊາຊົນ, ພະນັກງານ, ລັດຖະກອນ, ທະຫານ, ຕໍາຫຼວດ, ກໍາມະກອນ, ນັກຮຽນ, ນັກສຶກສາ, ຜູ້ປະກອບການ, ນັກປວຕ, ຊາວຕ່າງດໍາວ, ຜູ້ບໍ່ມີສັນຊາດ ແລະ ຊາວຕ່າງປະເທດ ທີ່ຢູ່ແຂວງຫຼວງພະບາງ ອອກຈາກເຮືອນ ຫຼື ທີ່ພັກອາໄສຂອງຕົ້ນ, ຍົກເວັ້ນກໍລະນີທີ່ຈຳເປັນ ເຊັ່ນ: ໄປຊື້ເຄື່ອງອຸປະໂພກ-ບໍລິໂພກ, ໄປໂຮງຕໍ່ ແລະ ໄປປະຕິບັດໜ້າທີ່ຕາມການມອບໝາຍ ຂອງການຈັດຕັ້ງ ສ່ວນຜູ້ທີ່ຈໍາເປັນຕ້ອງໄປທໍາການຜະລິດກະສິກໍາ ເພື່ອເປັນສະບຽງອາຫານ ກໍ່ສາມາດໄປໄດ້ແຕ່ມອບໃຫ້ອົງການປົກຄອງບ້ານ ເປັນຜູ້ກວດກາ ແລະຄຸ້ມຄອງໃຫ້ດີ ເພື່ອບໍ່ໃຫ້ມີຄວາມສ່ຽງຕໍ່ການລະບາດຂອງພະຍາດ.