ເອື້ອຍຮັກສາວຕີນ່າ ພ້ອມ 2ໜຸ່ມໄທ ມີໜາວ ເມື່ອຕໍາຫຼວດໄທເຮັດແທ້ ຈະດໍາເນີນຄະດີພວກກ່ຽວ ຫຼັງປົວໂຄວິດຫາຍດີ

    0
    393

    ຕໍ່ກັບຂ່າວ 2ໜຸ່ມຊາວໄທ ເຂົ້າມາແຜ່ເຊື້ອໂຄວິດ-19 ໃນ ສປປ ລາວ ຮ່ວມກັບ ສາວງາມໃນລາວ ຈົນກໍ່ໃຫ້ເກີດມີຜູ້ຕິດເຊື້ອໃນລາວເພີ່ມຂຶ້ນແບບໜ້າຕົກໃຈ.

    ເຊິ່ງຕໍ່ມາ ຊາວເນັດບໍ່ໄດ້ປ່ອຍໃຫ້ເລື່ອງນີ້ງຽບຫາຍໄປລ້າໆ ພວກເຂົາຕ່າງກໍ່ພາກັນໄປຂຸດຄຸ້ຍ ທຸກຢ່າງກ່ຽວກັບ 2ໜຸ່ມໄທ ແລະ ສາວລາວ 2ຄົນ ທີ່ເປັນຕົ້ນເຫດແຜ່ເຊື້ອໂຄວິດ-19 ນີ້.

    ທັ້ງນີ້, ຈາກຂໍ້ມູນທີ່ໄດ້ມາແມ່ນ ສາວລາວ 1ຄົນ ເຊິ່ງແອັດຂໍແທນນາມວ່າເອື້ອຍຮັກຂອງສາວຕີນ່າ ຜູ້ຕິດເຊື້ອຢູ່ລາວ ກໍລະນີ 59 ນັ້ນ ຕິດໂຄວິດ ແລະ ກໍາລັງປິ່ນປົວຢູ່ທີ່ໜອງຄາຍໃນຕອນນີ້.

    ຂະນະດຽວກັນ 2ໜຸ່ມໄທ ທີ່ລັກຂ້າມມານັ້ນ ກໍ່ຕິດໂຄວິດ-19 ແລະ ກໍາລັງປິ່ນປົວຢູ່ເຊັ່ນດຽວກັນ. ຫຼ້າສຸດ ມີຂໍ້ມູນຈາກສື່ທາງການຂອງໄທເພຈໜຶ່ງ ໄດ້ອອກມາເຜີຍເລື່ອງລາວ ແລະ ຄວາມຄືບໜ້າຂອງ 2ບ່າວໄທ 1ສາວລາວ ນີ້ວ່າ: ທາງເຈົ້າໜ້າທີ່ໄທ ເມື່ອຮັບຮູ້ ເລື່ອງທີ່ເກີດຂຶ້ນ ກໍ່ບໍ່ໄດ້ນິ້ງເສີຍ ເລັ່ງປະສານງານຫາເຈົ້າໜ້າທີ່ກ່ຽວຂ້ອງ ເພື່ອທໍາການສືບສວນ ຫາຂໍ້ເທັດຈິງໂດຍເລັ່ງດ່ວນ ໂດຍໃຫ້ປະສານງານກັບຝ່າຍລາວເຮົາ ເພື່ອກໍາເນີນຄະດີກັບຜູ້ກໍາທໍາຜິດຢ່າງເດັດຂາດ ແລະ ຈິງຈັງ.

    ທັ້ງນີ້, ໃນຕອນບ່າຍຈົນຮອດແລງຂອງວັນທີ 23 ເມສາ 2021 ພາຍຫຼັງສືບຫາຄວາມຈິງໄດ້ແລ້ວ ຕໍາຫຼວດກວດຄົນເຂົ້າເມືອງ ຈັງຫວັດໜອງຄາຍ ຈຶ່ງໄດ້ຮວບຮວມພະຍານຫຼັກຖານເຂົ້າຮ້ອງທຸກກ່າວໂທດຫາພາກສ່ວນກ່ຽວຂ້ອງ ໃຫ້ດໍາເນີນຄະດີກັບໜຸ່ມໄທ 2ຄົນນັ້ນ ໃນຂໍ້ຫາ ເປັນບຸກຄົນສັນຊາດໄທເດີນທາງເຂົ້າມາ ແລະ ອອກໄປນອກລາຊະອານາຈັກ ໂດຍບໍ່ຜ່ານເຂດທ່າ ສະຖານີຕາມກົດໝາຍ ແລະ ບໍ່ຜ່ານການກວດຈາກພະນັກງານກວດຄົນເຂົ້າເມືອງພ້ອມກັນນີ້ ຍັງຈົງໃຈປົກປິດ ບິດເບືອນທາມລາຍຂອງຕົນເອງຕໍ່ພະນັກງານ.

    ສ່ວນ ນາງສາວ ດາວະດີ ຫຼື ເອື້ອຍຮັກຂອງສາວຕີ່ນ່າ ກໍຸ່ືກຕັ້ງຂໍ້ຫາ ເປັນຄົນຕ່າງດ້າວ ເດີນທາງເຂົ້າມາໃນລາຊະອານາຈັກ ໂດຍບໍ່ໄດ້ຮັບອະນຸຍາດ, ທັ້ງນີ້ ທັງ 3ຄົນ ນັ້ນ ຕອນນີ້ ແມ່ນຍັງຢູ່ລະຫວ່າງການປິ່ນປົວໂຄວິດ-19 ເຊິ່ງໄດ້ປະສານທໍາການອາຍັດຕົວໄວ້ແລ້ວ ຫາກສິ້ນສຸດການປິ່ນປົວເມື່ອໃດ ຈະໄດ້ນໍາຕົວເຂົ້າສູ່ຂະບວນການດໍາເນີນຄະດີ ຈົນກວ່າຄະດີຈະເຖິງທີ່ສຸດຕໍ່ໄປ.