ທຳລາຍສິນຄ້ານຳເຂົ້າບໍ່ຖືກຕ້ອງ ຈຳນວນ 1000 ກວ່າກິໂລ

0
155

ທຳລາຍສິນຄ້ານຳເຂົ້າບໍ່ຖືກຕ້ອງ ຈຳນວນ 1000 ກວ່າກິໂລ ໃນວັນທີ 22 ເມສາ 2021 ພະແນກຕຳຫຼວດປ້ອງກັນເສດຖະກິດ ຫ້ອງຕຳຫຼວດກອງບັນຊາການ ປກສ ນວ ໄດ້ຈັດພິທີທຳລາຍສິນຄ້າທີ່ລະເມີດລະບຽບການກ່ຽວກັບລະບອບພາສີອາກອນ ທຳລາຍຖິ້ມຢູ່ສູນຂີ້ເຫຍື້ອ ຫຼັກ 32 ໂດຍສົມທົບກັບພະນັກງານ ອຸດສະຫະກຳ ແລະ ການຄ້າ

ນະຄອນຫຼວງວຽງຈັນ ພ້ອມດ້ວຍ ພະນັກງານສອງພາກສ່ວນທີ່ກ່ຽວຂ້ອງເຂົ້າຮ່ວມ.ພັທ ຄຳພອນ ພົມມະຈັນ ຫົວໜ້າພະແນກຕຳຫຼວດປ້ອງກັນເສດຖະກິດ ຫ້ອງຕຳຫຼວດ ປກສ ນວ, ໃຫ້ຮູ້ວ່າ: ປະເພດສິນຄ້າທີ່ນຳມາທຳລາຍໃນຄັ້ງນີ້ມີ ອາຫານທະເລ ແລະ ຢາສູບ ລັກລອບນຳເຂົ້າແບບບໍ່ຖືກຕ້ອງເຊັ່ນ: ຢາສູບ 37 ແກັດ ລັກລອບເຂົ້າ ມາແຕ່

ປະເທດມາເລເຊຍ ຊຸກເຊື່ອງມານຳລົດໂດຍສານ ປາກເຊ – ວຽງຈັນ ຈຸດຮັບສິນຄ້າຢູ່ແຖວ ຫຼັກ 21 ກວດພົບເຫັນໃນວັນທີ 20/3/2021 ຈຶ່ງໄດ້ທຳການກັກສິນຄ້າໄວ້ ເພາະເປັນການກະທຳຜິດ ຕໍ່ດຳລັດການຄວບຄຸມຢາສູບ ສະບັບເລກທີ 52/ລບ ລົງວັນທີ 21/2/2019, ພ້ອມນີ້ ໃນພິທີຍັງໄດ້ທໍາລາຍອາຫານທະເລທີ່ລັກລອບເຂົ້າມາຈາກປະເທດ

ເພື່ອນມິດໃກ້ຄຽງ ບໍ່ຖືກຕ້ອງຕາມການແຈ້ງການຂອງລັດຖະມົນຕີ ກະຊວງອຸດສາຫະກຳ ແລະ ການຄ້າ ວ່າດ້ວຍການຫ້າມນຳເຂົ້າອາຫານທະເລ ຈາກປະເທດໄທ ສະບັບເລກທີ 1194/ອຄ.ກຂອ ລົງວັນທີ 23/12/2020 ສິນຄ້າດັ່ງກ່າວ ເຈົ້າໜ້າທີ່ກັກໄດ້ໃນວັນທີ່ 06/4/2021 ມີ: ໂຕກຸ້ງ ຈຳນວນ 19 ແກັດ, ປາມຶກ ຈຳນວນ 26 ແກັດ, ກະປູ

1 ແກັດ ແລະ ຫອຍແຄງ ຈຳນວນ 6 ເປົາ ລວມນ້ຳໜັກ 1882 ກິໂລ.ເພື່ອເປັນການສະກັດກັ້ນບໍ່ໃຫ້ສິນຄ້າດັ່ງກ່າວ ປະເພດສ່ຽງ ຖືກຈຳໜ່າຍໃນທ້ອງຕະຫຼາດມີການຊື້ຂາຍໃຫ້ພົນລະເມືອງ ຊຶ່ງອາດເຮັດໃຫ້ນໍາໄປບໍລິໂພກແລ້ວເກີດມີຄວາມສ່ຽງສູງຕໍ່ການຕິດເຊື້ອພະຍາດ ໂຄວິດ 19 ແລະ ຜົນກະທົບຕໍ່ເຈົ້າໜ້າທີ່ ຈຶ່ງເຫັນໄດ້ນຳສິນຄ້າດັ່ງກ່າວ
ໄປທຳລາຍຖິ້ມ ໃນໂອກາດນີ້ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງຜູ້ປະກອບການຫ້າງຮ້ານ ຫົວໜ່ວຍທຸລະກິດ ຊາວຄ້າຂາຍຕ່າງໆ ໃຫ້ຢຸດການລັກ

ລອບສິນຄ້ານຳເຂົ້າ ເພື່ອປ້ອງກັນການນຳເອົາເຊື້ອພະຍາດໂຄວິດ 19 ເຂົ້າມາແຜ່ເຊື້ອ ໃນສັງຄົມ ແລະ ເປັນການກະທໍາຜິດຕໍ່ກົດໝາຍ ແລະ ລະບຽບການ ຖ້າເຈົ້າໜ້າທີ່ກັກໄດ້ ແມ່ນຈະຖືກດຳເນີນຄະດີຕາມຂັ້ນຕອນຂອງກົດໝາຍ. ຂໍໃຫ້ພົນລະເມືອງທຸກຄົນປະຕິບັດພັນທະ ຖ້າຫາກພົບເຫັນການລັກລອບນຳສິນຄ້າທີ່ລະເມີດລະບຽບການ ກ່ຽວລະບອບພາສີອາກອນລັດ ໃຫ້ແຈ້ງທາງເບີ ວັອດແອັບປ້ອງກັນຄວາມສະຫງົບນະຄອນຫຼວງວຽງຈັນ 020 28899774 ຮທ ສັນຕິສຸກ ໄຊຍະພູມມິນ