ໜຶ່ງສິ່ງບົ່ງບອກ ຂາດຄວາມຮັບຜິດຊອບຕໍ່ສັງຄົມ

    0
    246

    ໄລຍະນີ້ເປັນຊ່ວງຫົວລ້ຽວຫົວຕໍ່ຂອງການຄວບຄຸມບັນຫາພະຍາດໂຄວິດ-19, ທຸກຄົນທີ່ໄປສູນກວດເກັບຕົວຢ່າງແມ່ນຜູ້ທີ່ສົງໄສໃນໂຕເອງ ເປັນຜູ້ທີ່ມີຄວາມສ່ຽງດ້ວຍເຫດນີ້ສິ່ງຂອງທຸກຢ່າງທີ່ຜູ້ໄປກວດຖືຕິດຕົວໄປ ຫຼື ໄປຊື້ທີ່ນັ້ນເປັນຕ້ອງນ້ຳດື່ມເສດຂີ້ເຫຍື້ອທຸກຄົນຕ້ອງເປັນເຈົ້າການເກັບມ້ຽນບ່ອນທີ່ກຳນົດໃຫ້ຢ່າໃຫ້ເປັນພາລະຄົນອື່ນ.

    ໃນສອງວັນມານີ້ມີປະຊາຊົນໄດ້ຮີບຮ້ອນໄປກວດໂຄວິດ-19 ຕາມສູນຕ່າງໆ ໃນນະຄອນຫຼວງວຽງຈັນ ເປັນຈຳນວນຫຼາຍຖືເປັນສິ່ງທີ່ດີ ທີ່ປະຊາຊົນຕື່ນຕົວໄປກວດ ແຕ່ຫຼັງກວດແລ້ວມີຄົນຈຳນວນບໍ່ໜ້ອຍທີ່ ໄດ້ນຳເອົານໍ້າ ເຄື່ອງດື່ມຕ່າງໆໄປກິນ ແລະບໍ່ໄດ້ເອົາໄປຖິ້ມຢູ່ຖັງຂີ້ເຫຍື້ອທີ່ຈັດໄວ້ໃຫ້.


    ດັ່ງນັ້ນ, ເຈົ້າຫນ້າທີ່ ທີ່ປະຈຳຢູ່ສູນ ແມ່ນໄດ້ຮຽກຮ້ອງໃຫ້ຜູ້ທີ່ມາກວດ ໃຫ້ມີຄວາມຮັບຜິດຊອບຕໍ່ກັບຂວດນ້ຳ, ຈອກນໍ້າ ທີ່ຕົນເອງໄດ້ເອົາໄປກິນ ເພື່ອຄວາມສະອາດຈົບງາມ ແລະ ເປັນລະບຽບຮຽບຮ້ອຍ ທັງເປັນການສ້າງສະຕິຮັບຜິດຊອບຕໍ່ສັງຄົມໃນສິ່ງທີ່ຕົນສ້າງຂຶ້ນ.

    ນີ້ຄືຜົນງານຂອງຜູ້ທີ່ໄປກວດໂຄວິດ