ອູ່ຮັ່ນໃຊ້ວັກຊີນປ້ອງກັນໂຄວິດ ຊະນິດໃໝ່ ໃຫ້ກຸ່ມປະຊາກອນອາຍຸ 18 ປີຂຶ້ນໄປ

0
175

ວັນ​ທີ 20 ​ເມສາ, ວັກ​ຊີ​ນປ້ອງ​ກັນພະຍາດ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ຊະນິດ​ໜ່ວຍ​ຍ່ອຍ​ໂປຣຕີນ​ລູກ​ປະສົມ (Recombinant Protein Subunit) ທີ່​ຜ່ານ​ການ​ອະນຸມັດ​ຫລ້າ​ສຸດ​ຂອງ​ຈີນ ຖືກ​ນຳ​ມາ​ໃຊ້​ໃນ​ກຸ່ມ​ປະຊາກອນ​ອາຍຸ 18 ປີ​ຂຶ້ນ​ໄປ​ໃນ​ນະຄອນ​ອູ່​ຮັ່ນ ​ເມືອງ​ເອກ​ຂອງ​ມົນທົນ​ຫູ​ເປີ​ຍທາງ​ຕອນ​ກາງຂອງ​ຈີນ.


ເປັນພຽງພາບປະກອບ

ຂະ​ບວນການ​ສັກ​ວັກ​ຊີ​ນທີ່​ຜະລິດ​ຈາກ​​ເຊ​ລລັງ​ໄຂ່​ຂອງ​ໜູ​ແຮມ​ສະ​ເຕີ (CHO Cells) ​ແບ່ງ​ອອກ​ເປັນ 3 ​ໂດ​ສ​ໃນ​ໄລຍະ 6 ​ເດືອນ ມີ​ໄລຍະ​ຫ່າງ​ລະຫວ່າງ​ວັກ​ຊີ​ນ​ແຕ່ລະ​ໂດ​ສຕໍ່າ​ສຸດ 4 ອາທິດ ​ໂດຍ​ຈັດ​ເປັນ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ອີກ​ຊະນິດ​ໜຶ່ງ​ທີ່​ຊາວ​ອູ່​ຮັ່ນສາມາດ​ສັກ​ໄດ້​ຫລັງ​ຈາກ​ວັກ​ຊີ​ນຊະນິດ​​ເຊື້ອຕາຍ.


ເປັນພຽງພາບປະກອບ

ຂັ້ນຕອນ​ການ​ສັກ​ວັກ​ຊີ​ນຊະນິດ​ລູກ​ປະສົມ​ຄື​ກັບ​ວັກ​ຊີ​ນຊະນິດ​ເຊື້ອຕາຍ ​ໂດຍ​ປະຊາຊົນ​ຄວນ​ຢູ່​ຖ້າ​ເບິ່ງ​ອາການ​ຫລັງ​ຮັບ​ວັກ​ຊີ​ນ ​ໃນ​ຈຸດ​ສັກ​ວັກ​ຊີ​ນຢ່າງ​ໜ້ອຍ 30 ນາທີ. ນອກຈາກ​ນັ້ນ ບຸກຄະລາ​ກອນ​ການ​ແພດ​ຈະ​ແຈ້ງ​ໃຫ້​ຜູ້​ຮັບ​ວັກ​ຊີ​ນຮູ້​ວ່າ​ວັກ​ຊີ​ນຊະນິດ​ລູກ​ປະສົມ​ມີ​ກຳນົດ​ສັກ 3 ​ໂດ​ສ​ໃນ​ໄລຍະ 6 ​ເດືອນ, ຂະນະ​ທີ່​ວັກ​ຊີ​ນຊະນິດ​ເຊື້ອຕາຍ​ມີ​ກຳນົດ​ສັກ 2 ​ໂດ​ສ ​ໄລຍະ​ຫ່າງ 28.56 ວັນ.


ເປັນພຽງພາບປະກອບ

ວັກ​ຊີ​ນດັ່ງກ່າວ​ເປັນ​ຜົນງານ​ການ​ພັດທະນາ​ຮ່ວມ​ລະຫວ່າງ​ສະ​ຖາ​ບັນຈຸ​ລະ​ຊີວະ​ວິທະຍາ ສັງກັດ​ສະ​ຖາ​ບັນ​ບັນດິດ​ວິທະຍາສາດ​ແຫ່ງ​ຊາດ​ຈີນ (CAS) ​ແລະ ບໍລິສັດ ອັນ​ຮຸຍ ຈື້​ເຟຍ ຫລົງ​ເຄີ​ມ່າ ​ໄບ​ໂອ​ຟາຣມາ​ຊູ​ຕິ​ຄັລ ຈຳກັດ (Anhui Zhifei Longcom Biopharmaceutical) ຜູ້​ຜະລິດ​ວັກ​ຊີ​ນສັນຊາດ​ຈີນ ສາມາດ​ຂົນ​ສົ່ງ ​ແລະ ຈັດ​ເກັບ​ໃນ​ອຸນຫະພູມ​ແຕ່ 2-8 ອົງສາ ​ໂດຍ​ຈີນ​ອະນຸມັດ​ການ​ນຳ​ໃຊ້​ເປັນ​ກໍລະນີ​ສຸກ​ເສີນ​ແກ່​ວັກ​ຊີ​ນຊະນິດ​ນີ້​ເມື່ອ​ວັນ​ທີ 10 ມີນາ​ຜ່ານ​ມາ.

ອ້າງ​ອີງ: ສຳນັກ​ຂ່າວ​ຊິນ​ຮົວ