ປະເທດການາດາພົບອາການເລືອດອຸດຕັນຄົນທີ 2 ຫລັງສັກວັກຊີນຂອງແອສຕຣາເຊນເນກາ

0
22

ພົນ​ລາຍ​ງານ​ອາການ​ເລືອດ​ອຸດ​ຕັນຈາກ​ຜູ້​ທີ່​ຮັບ​ວັກ​ຊີ​ນຂອງ​ແອດ​ສຕຣາ​ເຊ​ນ​ເນ​ກາ​ເພີ່ມ​ອີກ ​ເປັນ​ຄົນທີ 2 ຂອງ​ກາ​ນາ​ດາ.ວັນ​ທີ 18 ​ເມສາ 2021, ສຳນັກ​ຂ່າວຣອຍ​ເຕີ ລາຍ​ງານ​ວ່າ: ກາ​ນາ​ດາ​ພົບ​ຜູ້​ປ່ວຍ​ຈາກ​ພາວະ​​ເລືອດ​ອຸດ​ຕັນ ​ແລະ ມີ​ເກັດ​ເລືອດ​ຕໍ່າ ຫລັງ​ໄດ້​ຮັບ​ວັກ​ຊີ​ນ​ໂຄ​ວິດ-19 ຂອງ​ແອັສຕຣາ​ເຊ​ນ​ເນ​ກາ ​ເປັນ​ຄົນທີ 2 ​ໃນ​ຮອບອາທິດ ​ໂດຍ​

ທາງ​ກາ​ນຍັງ​ແນະນຳ​ໃຫ້​ສັກ​ວັກ​ຊີ​ນຊະນິດ​ນີ້​ຕໍ່​ໄປ.ຖະ​ແຫລ​ງການ​ຈາກ​ກະຊວງ​ສາທາລະນະ​ສຸກ​ກາ​ນາ​ດາ ລະບຸ​ວ່າ: ຄົນ​ເຈັບ​ຜູ້​ນີ້​ໄດ້​ເຂົ້າຮັບ​ການ​ປິ່ນປົວ​ແລ້ວ ​ແລະ ກຳລັງ​ຢູ່​ໃນ​ຊ່ວງ​ພັກ​ຟື້ນ.ກໍລະນີ​ຫລ້າ​ສຸດ​ຖື​ເປັນ​ກໍລະນີ​ທີ 2 ທີ່​ເກີ​ອາການ ຫລັງ​ຈາກ​ມີ​ລາຍ​ງານ​ກໍລະນີ​ທຳ​ອິດ​ອອກ​ມາ​ເມື່ອ​ວັນ​ທີ 13 ​ເມສາ ​ເຊິ່ງທາງ​ໜ່ວຍ​ງານ​ສາທາລະນະ​ສຸກ​ຢືນຢັນ​ວ່າ​ຈະ​ຍັງ​

ບໍ່​ຈຳກັດ​ການນຳ​ໃຊ້​ວັກ​ຊີ​ນ​ແອ​ສຕຣາ​ເຊ​ນ​ເນ​ກາ​ແຕ່​ຢ່າງ​ໃດ ​ໂດຍ​ໃຫ້​ເຫດຜົນ​ວ່າ: ຈາກ​ຫລັກ​ຖານ​ທີ່​ມີ​ຢູ່​ໃນ​ຕອນ​ນີ້ ກາ​ນາ​ດາ​ຈະ​ຍັງ​ໄດ້​ຮັບປະ​ໂຫຍ​ດຈາກ​ວັກ​ຊີ​ນຫລາຍ​ກວ່າ​ຄວາມ​ສ່ຽງ​ທີ່​ອາດ​ຈະ​ເກີດ​ຂຶ້ນ.​ເຖິງ​ຢ່າງ​ໃດ​ກໍ​ດີ, ພວກ​ເຂົາ​ຈະ​ຕິດ​ຕາມ​ການ​ນຳ​ໃຊ້​ວັກ​ຊີ​ນ​ໂຄ​ວິດ-19 ທຸກ​ຊະນິດ​ຢ່າງ​ໃກ້ຊິດ ​ແລະ ຄອຍ​ກວດ​ສອບ​ດ້ານ​ຄວາມ​ປອດ​ໄພ​ຢ່າງ​ຕໍ່​ເນື່ອງ.

ຂະນະ​ທີ່​ຄະນະ​ກຳມະການ​ອີກ​ຊຸດ​ໜຶ່ງ​ຂອງ​ກາ​ນາ​ດາ ​ໄດ້​ສະ​ເໜີ​ຄຳ​ແນະນຳ​ອອກ​ມາ​ກ່ອນ​ໜ້າ​ນີ້​ວ່າ: ​ໃຫ້​ຢຸດ​ສັກ​ວັກ​ຊີ​ນ​ແກ່​ປະຊາຊົນ​ທີ່​ອາຍຸ​ຕໍ່າ​ກວ່າ 55 ປີ ​ໂດຍ​ກຳລັງ​ຢູ່​ໃນ​ຂັ້ນຕອນ​ຂອງ​ການ​ພິຈາລະນາ.