ອົງການອະນາໄມໂລກກັງວົນ ພາຍຫຼັງພົບອັດຕາການຕິດເຊື້ອໂຄວິດ ເພີ່ມຂຶ້ນເປັນ 2 ເທົ່າ

0
69

ອົງການອະນາໄມໂລກ (WHO) ສະແດງຄວາມກັງວົນ ພາຍຫຼັງພົບອັດຕາການຕິດເຊື້ອ ໂຄວິດ ເພີ່ມຂຶ້ນເປັນ 2 ເທົ່າ ຊຶ່ງຖືວ່າ ເປັນການເພີ່ມຂຶ້ນ ສູງສຸດ ເທົ່າທີ່ເຄີຍເກີດມາ ເຖິງແມ່ນວ່າ ມີຫຼາຍປະເທດ ທີ່ເຄີຍສາມາດຄວບຄຸມສະຖານະການໄດ້ແລ້ວ ກັບມາມີຍອດຕິດເຊື້ອໂຄວິດ ເພີ່ມຂຶ້ນຫຼາຍເທົ່າ ໃນປີ 2021 ນີ້.ຜູ້ອໍານວຍການ ອົງການອະນາ

ໄມໂລກ ທ່ານທີໂດຣສ ໄດ້ສະແດງຄວາມກັງວົນ ຫລັງຈາກຈໍານວນຜູ້ຕິດເຊື້ອໂຄວິດ ໃນທົ່ວໂລກ ມີຈໍານວນເພີ່ມສູງຂຶ້ນ ຢ່າງຕໍ່ເນື່ອງ ໃນລະດັບທີ່ນ່າເປັນຫ່ວງ ໂດຍເພີ່ມຂຶ້ນ ປະມານ 2 ເທົ່າ ທຽບໃສ່ເມື່ອສອງເດືອນກ່ອນ ຂອງປີຜ່ານມາ ແລະ ຍັງມີອັດຕາການເສຍຊີວິດ ທີ່ສູງອີກ. ທ່ານກ່າວວ່າ ມີຫຼາຍປະເທດ ທີ່ເຄີຍສາມາດ ຄວບຄຸມການ

ລະບາດໄວ້ໄດ້ ກ່ອນໜ້ານີ້ ກໍາລັງພົບກັບການລະບາດຮອບໃໝ່ ທີ່ໄວຂຶ້ນກ່ອນເກົ່າ ຊຶ່ງຊີ້ໃຫ້ເຫັນເຖິງ ຄວາມພະຍາຍາມ ແລະ ຄວາມຈໍາເປັນ ທີ່ຈະຕ້ອງມີການເລັ່ງການໃຊ້ວັກຊີນ ເພື່ອຄວບຄຸມການລະບາດ ໃຫ້ໄດ້ໂດຍໄວ ເພີ່ມຕື່ມຈາກການໃສ່ຫນ້າກາກປິດປາກດັງ ແລະ ການຮັກສາໄລຍະຫ່າງ. ປະຈຸບັນ ການແຈກຢາຍວັກຊີນ ຕ້ານໂຄວິດ ຫຼື COVAX ສາມາດແຈກຢາຍໄດ້ 40 ລ້ານໂດສ ໄປໃຫ້ ຫຼາຍກ່ວາ 100 ປະເທດແລ້ວ ຄິດເປັນ 0.25% ຂອງປະຊາກອນທົ່ວໂລກ.

ທີ່ມາ: CNBC