ອັດຕະປື​ ສະຫຼອງບຸນປີໃໝ່ລາວ ຕາມປະເພນີ ໄປພ້ອມກັບມາດຕະການປ້ອງກັນການຕິດເຊື້ອໂຄວິດ

0
82

ໃນວັນທີ 14 ເມສາ 2021 ເປັນມື້ທຳອິດຂອງການສະເຫຼີມສະຫຼອງບຸນປີໃໝ່ລາວ ພສ 2564 ຊາວແຂວງອັດຕະປື ໄດ້ພ້ອມກັນສະຫຼອງບຸນປີໃໝ່ລາວ ຕາມຮີດຄອງປະເພນີອັນດີງາມຂອງຊາດລາວ ທີ່ເຄີຍປະຕິບັດກັນມາແຕ່ບູຮານນະການ, ຄຽງຄູ່ກັບການປະຕິບັດມາດຕະການການປ້ອງກັນການຕິດເຊື້ອໂຄວິດ-19 ຢ່າງເຄັ່ງຄັດ.ສຳລັບຢູ່ແຂວງອັດຕະປື, ມວນຊົນກໍ່ໄດ້ມີການຈັດກິດຈະກຳຕ່າງໆ ເປັນຕົ້ນ ການຫົດສົງພະພຸດທະຮູບຢູ່ຕາມວັດວາອາຮາມຕ່າງໆ ແລະ ຫົດສົງນ້ຳຕາມຮີດຄອງປະເພນີ. ສໍາລັບຢູ່ວັດສະແຄະ

ເມືອງໄຊເສດຖາ​ ກໍ່ເປັນອີກສະຖານທີ່ໜຶ່ງທີ່ມວນຊົນໃຫ້ຄວາມສົນໃຈເປັນພິເສດ ເພື່ອໄປຫົດສົງພະພຸດທະຮູບອົງແສນ,​ເຊິ່ງປີນີ້ທາງອໍານາດການປົກຄອງເມືອງແລະ ບ້ານ,​ໄດ້ເປີດໂອກາດໃຫ້ມວນຊົນເຂົ້າຫົດສົງພະພຸດທະຮູບ ອົງແສນ​ ຕາມຮີດຄອງປະເພນີ,​ແຕ່ຈະແຕກຕ່າງໄປຈາກຫຼາຍປີຜ່ານມາ ເນື່ອງຈາກມີການວາງລະບຽບການຕ່າງໆ ໃນການປ້ອງກັນພະຍາດໂຄວິດ19 ຕາມຄໍາສັງຂອງຂັ້ນເທິງວາງອອກ.​ທ່ານ​ ເກັດສະໜາ ພັນທະວົງ ນາຍບ້ານບ້ານສະແຄະ ໄດ້ໃຫ້ສໍາພາດວ່າ: ເທດສະການບຸນປີໃໝ່ລາວປີນີ້ ທາງອໍາ

ນາດການປົກຄອງບ້ານສະແຄະ ໄດ້ຈັດພິທີທາງສາສະໜາ​ຄ້າຍຄືກັນກັບທຸກປີ ແລະ​ ປະເພນີອັນສໍາຄັນທີ່ມວນຊົນໃຫ້ຄວາມສົນໃຈຫຼາຍກວ່າໝູ່ນັ້ນກໍ່ຄືປະເພນີການປ່ຽນຜ່າບ່ຽງຢະອົງແສນ(ພະພຸດທະຮູບອົງແສນ)​ ແລະ​ ນໍາເອົາພະພຸດທະຮູບອົງແສນລົງມາປະດິດສະຖານໄວ້ໃຫ້ພໍ່ແມ່ປະຊາຊົນໄດ້ທໍາການຫົດສົງ ເພື່ອເປັນສິລິມຸງຄຸນແກ່ຊີວິດຕາມຄວາມເຊື່ອຖື,​ແຕ່ວ່າໃນປີນີ້ບັນຍາກາດໂດຍທົ່ວໄປແມ່ນຜູ້ຄົນມີໜ້ອຍກວ່າຫຼາຍປີກ່ອນຜ່ານມາ ເນື່ອງຈາກວ່າຍ້ອນສະພາບການແຜ່ລະບາດຂອງພະຍາດໂຄວິດ19,​ເຊິ່ງທາງອໍານາດ

ການປົກຄອງບ້ານສະແຄະ​ ກໍ່ໄດ້ມີການວາງມາດຕະການຢ່າງເຂັ້ມງວດໃນການປ້ອງກັນພະຍາດດັ່ງກ່າວ ຕາມຄໍາສັ່ງຂອງຂັ້ນເທິ່ງວາງອອກ ເປັນຕົ້ນໄດ້ໃຫ້ຜູ້ຄົນທີ່ເຂົ້າມາຫົດສົງພະອົງແສນ ຕ້ອງໄດ້ໃສ່ຜ່າອັດປາກ​-ດັງ,​ລ້າງມືດ້ວຍເຈວ​ ຫຼື​ ນໍ້າສະອາດ ກ່ອນເຂົ້າວັດ,​ມີການຈໍາກັດປະລິມານຄົນເຂົ້າອອກ​ ແລະ​ ມີການຮັກສາໄລຍະຫ່າງ 1ແມັດຂື້ນໄປ,ເຊິ່ງເຫັນວ່າມວນຊົນກໍ່ໃຫ້ການຮ່ວມມືເປັນຢ່າງດີ.ກິດຈະກຳສຳຄັນ ໃນການສະເຫຼີມສະຫຼອງບຸນປີໃໝ່ລາວ ໂດຍສະເພາະການບາສີສູ່ຂວັນ, ຫົດ ສົງນໍ້າພະ, ຫົດສົ່ງນໍ້າເຊິ່ງກັນ

ແລະ ກັນ ແລະ ກິດຈະກຳອື່ນໆ ອາດຈະມີການເຕົ້າໂຮມຄົນ ເປັນຈຳນວນຫຼາຍ ເຊິ່ງອາດຈະມີຄວາມສ່ຽງ ຕໍ່ການລະ​ບາດ ຂອງພະຍາດ ໂຄວິດ-19 ໄດ້. ສະນັ້ນ, ພວກເຮົາທຸກຄົນຕ້ອງສະເຫຼີມສະຫຼອງປີໃໝ່ລາວ ຢ່າງມີສະຕິ, ດ້ວຍຄວາມລະມັດລະວັງ, ພ້ອມກັນປະຕິບັດມາດຕະການປ້ອງ​ກັນການຕິດເຊື້ອ ພະຍາດໂຄວິດ-19 ຢ່າງເຂັ້ມງວດ ແລະ ຂໍໃຫ້ເຂັ້ມງວດ ຕໍ່ຄຳສັ່ງຕ່າງໆ ທີ່ຂັ້ນເທິງວາງອອກ.
ຂ່າວ: ທິດປະສົງ