ການຄ້າ ອັດຕະປື ເຂັ້ມງວດຄວບຄຸມ ລາຄາສິນຄ້າ ໄລຍະບຸນປີໃໝ່ລາວ

0
31

ເພື່ອບໍ່ໃຫ້ເປັນການເອົາລັດເອົາປຽບ ລະຫວ່າງຜູ້ຊື້ ແລະ ຜູ້ຂາຍ ຫລື ບໍ່ໃຫ້ພໍ່ຄ້າ-ແມ່ຄ້າສວຍໂອກາດຂຶ້ນລາຄາສິນຄ້າໃນໄລຍະການ ສະເຫລີມສະຫລອງບຸນປີໃໝ່ລາວ ພສ 2564, ທາງພະແນກອຸດສາຫະກຳ ແລະ ການຄ້າແຂວງອັດຕະປື ໄດ້ມີການວາງລະບຽບການ,ມາດຕະການໃນການຄວບຄຸມລາຄາສິນຄ້າ ຢູ່ຕາມທ້ອງຕະຫລາດໃຫ້ເປັນ

ເອກະພາບກັນໃນທົ່ວແຂວງ.ທ່ານ ພູໄຊ ວໍລະລາດ ຮອງຫົວໜ້າພະແນກອຸດສາ ຫະກຳ ແລະ ການຄ້າ ແຂວງອັດຕະປື ໄດ້ໃຫ້ສຳພາດຕໍ່ສື່ມວນຂອງແຂວງ ເມື່ອວັນທີ 13 ເມສາ 2021 ນີ້ວ່າ: ໃນໄລຍະບຸນປີໃໝ່ລາວ ປີ ພສ 2564 ນີ້ທາງພະແນກອຸດສາ ຫະກຳ ແລະ ການຄ້າແຂວງອັດຕະປື ໄດ້ເອົາໃຈໃສ່ຕິດ ຕາມ,ຄວບຄຸມ ລາຄາສິນຄ້າ

ຕາມທ້ອງຕະຫລາດພາຍໃນແຂວງ ແລະ ບັນດາເມືອງ ເພື່ອປ້ອງກັນການສວຍໂອກາດຂື້ນລາຄາສິນຄ້າຂອງບັນດາຜູ້ປະກອບການຄ້າ-ຂາຍ,ໂດຍໃນເບື້ອງຕົ້ນນັ້ນ ໄດ້ອອກແຈ້ງການກ່ຽວກັບການຕິດ ຕາມ, ກວດກາ,ຄຸ້ມຄອງ,ແກ້ໄຂສະພາບການປັ່ນປ່ວນ,ກັກຕຸນ ແລະ ສວຍໂອກາດຂຶ້ນລາຄາໃນໄລຍະເທດສະການປີໃໝ່ລາວ ໃຫ້ບັນດາຫ້ອງການອຸດສະຫະກຳ ແລະ ການຄ້າ 5 ຕົວເມືອງຂອງແຂວງ,ເປັນເຈົ້າການກັບພາກສ່ວນທີ່ກ່ຽວ ຂ້ອງ ເພື່ອຕິດຕາມ,ກວດກາ ແລະ ຄຸ້ມຄອງລາຄາສິນຄ້າ ແລະ ການ

ບໍລິການ ບໍ່ໃຫ້ມີການຂື້ນລາຄາຕາມລໍາພັງໃຈ ແລະ ປະຕິບັດຕາມລະບຽບການຢ່າງເຂັ້ມງວດ, ເອົາໃຈໃສ່ຄຸ້ມຄອງລາຄາສະບຽບອາຫານ ປະເພດເຂົ້າສານ, ຊີ້ນ ແລະ ພືດຜັກຕ່າງໆ,ລວມທັງສິນຄ້າອຸປະໂພກ-ບໍ ລິໂພກ ແລະ ສິນຄ້າທີ່ມີຜົນກະທົບໄວ ຕໍ່ຊີວິດການເປັນຢູ່ຂອງປະຊາຊົນຢູ່ພາຍໃນແຂວງ ແລະ ເມືອງ,ໃຫ້ໄປຕາມກົນໄກຂອງຕະຫລາດ

ທີ່ມີການຄຸ້ມຄອງ ດັດສົມຂອງລັດ ໃນແຕ່ ລະໄລຍະບົນພື້ນຖານຂອງດໍາລັດ 474/ນຍ ແລະ ຕາມລະ ບຽບທີ່ກ່ຽວຂ້ອງ,ພ້ອມນັ້ນກໍ່ໄດ້ຄິດໄລໂຄງປະກອບລາຄາໃນແຕ່ລະຂອດຢ່າງຊັດເຈນ ນັບແຕ່ຂອດຕົ້ນທຶນການຜະ ລິດ ແລະ ຂອດຂາຍຍົກ-ຂາຍຍ່ອຍ ເພື່ອຫລີກເວັ້ນການສວຍໂອກາດຂຶ້ນລາຄາສິນຄ້າ. ພ້ອມດຽວກັນນັ້ນ, ກໍໄດ້ແຕ່ງ ຕັ້ງ

ພະນັກງານ​ ສົມທົບກັບພາກສ່ວນທີ່ກ່ຽວຂ້ອງລົງຕິດຕາມບັນດາຜູ້ປະກອບການ,ແມ່ຄ້າຊາວຂາຍຕ່າງໆ ໃຫ້ປະຕິບັດຕາມແຈ້ງການ ກໍ ຄືລະບຽບ,ກົດໝາຍ ຢ່າງເປັນເອກະພາບ .ທ່ານ ພູໄຊ ວໍລະລາດ ໃຫ້ຮູ້ຕື່ມວ່າ: ໃນກໍລະນີຜູ້ປະ ກອບການຄ້າຂາຍ ຫາກມີການສວຍໂອກາດຂຶ້ນລາຄາສິນ ຄ້າຕາມລໍາພັງໃຈ ຫລື ຂື້ນລາຄາສິນຄ້າເກີນເກນກຳນົດໄວ້ ທາງເຈົ້າໜ້າທີ່ການຄ້າພວກເຮົາ ຈະໄດ້ປະຕິບັດຕາມລະ ບຽບການຄື: ເບື້ອງຕົ້ນຈະມີການກ່າວເຕືອນ,ສ້າງບົດບັນທຶກ ແລະ ຈະມີການປັບໄໝຕາມລະບຽບການຂອງກົດໝາຍ.

ຂ່າວ: ສຸດໃຈ ຂ.ອັດຕະປື