ປະກາດຫາຜູ້ຈ່າຍເກີນ ຄ່າທາງດ່ວນໄປເອົາເງິນເດີ້

    0
    119

    ການບໍຖືຄອງເງິນສົດເປັນເລື່ອງທີ່ດີ ເຊິ່ງປອດໄພຕໍ່ເຈົ້າຂອງ ແຕ່ການໂອນຈ່າຍບາງຄັ້ງກົດຜິດໂຕໜຶ່ງມູນຄ່າກໍ່ເພີ່ມເປັນ 80-90% ແບບນີ້ແລນໍ ໄຄແຕ່ວ່າທາງເຈົ້າໜ້າທີ່ທາງດ່ວນເພິ່ນກວດເຊັກດີ ແລະໃຈດີອີກຈິ່ງປະກາດຫາເຈົ້າຂອງລົດທີ່ຈ່າຍຄ່າຜ່ານທາງດ່ວນເຖິງ 5 ແສນປາຍໆ ຂະນະທີ່ຄວາມຈີງແລ້ວຄວນຈ່າຍພຽງແຕ່ 10% ຂອງມູນຄ່າທີ່ໂອນຫຼົງ.

    ຕາມແຈ້ງການຂອງບໍລິສັດທາງດ່ວນ ໃຫ້ຮູ້ວ່າໃນວັນທີ 11ເມສາ 2021, ເວລາ19:34ນາທີ; ລົດກະບະສີຂາວ ປ້າຍລົດ ກມ 1987 ກຳແພງນະຄອນໄດ້ໃຊ້ບໍລິການຂອງທາງດ່ວນ ວຽງຈັນ-ວັງວຽງ, ຂະນະທີ່ຈະອອກຈາກສະຖານີນະຄອນຫລວງ ຜູ້ກ່ຽວໄດ້ຈ່າຍຄ່າຜ່ານທາງດ້ວຍລະບົບທະນາຄານໃຫ້ແກ່ພະນັກງານຂອງທາງດ່ວນ.

    ເຊິ່ງຄ່າຜ່ານທາງທີ່ຕ້ອງຈ່າຍຕົວຈິງໃຫ້ແກ່ທາງດ່ວນແມ່ນ 76.000 ກີບ, ແຕ່ຜູ້ກ່ຽວໄດ້ໂອນເງິນມາຈຳນວນ 760.000ກີບ ເຊິ່ງເກີນຈໍານວນໄປ 684.000 ກີບ; ດັ່ງນັ້ນຈຶ່ງແຈ້ງຜ່ານທາງສື່ອອນລາຍເພື່ອຫວັງວ່າເຈົ້າຂອງລົດກະບະຄັນດັ່ງກ່າວຈະຮັບຊາບ ແລະ ຕິດຕໍ່ກັບມາທາງດ່ວນ ເພື່ອຮັບເງິນສ່ວນເກີນຄືນ.

    ຕ້ອງຊົມເຊີຍເຈົ້າໜ້າທີ່ທາງດ່ວນຫຼາຍໆເດີ້ ຖ້າບໍປະກາດຫາເຈົ້າຂອງກໍລະນີເງິນໃນບັນຊີຫຼາຍກໍຄືຊິບໍຮູ້ໂຕວ່າເງິນຫາຍໄປຕັ້ງຫຼາຍແສນ.

    ເອົາເປັນວ່າທຸກຄົນໄປທ່ຽວປີໃໝ່ຜ່ານທາງດ່ວນໄລຍະບຸນປີໃໝ່ທີ່ອາດມີຄົນຈຳນວນຫຼາຍ ກໍຢ່າໃຫ້ປະຫວັດສາດຊ້ຳຮອຍ ແລະ ກັບມາຮອດບ້ານຮອດຊ່ອງຢ່າງປອດໄພ.