ຂ່າວດ່ວນທີ່ສຸດ ແຂວງໄຊຍະບູລີ ແຈ້ງໂຈະການເຂົ້າ-ອອກເມືອງ ແລະ ເຂົ້າ-ອອກດ່ານສາກົນມິດຕະພາບນໍ້າເຫືອງ

0
209

ຂ່າວດ່ວນທີ່ສຸດ‼️ແຂວງໄຊຍະບູລີ ແຈ້ງໂຈະການເຂົ້າ-ອອກເມືອງ ແລະ ການເຂົ້າ-ອອກດ່ານສາກົນມິດຕະພາບນໍ້າເຫືອງ ເມືອງແກ່ທ້າວຊົ່ວຄາວ ລະຫວ່າງວັນທີ 11-18 ເມສານີ້ໃນວັນທີ 9 ເມສາ 2021​ ແຂວງໄຊຍະບູລີ ອອກແຈ້ງການດ່ວນທີສຸດ ເລື່ອງໃຫ້ໂຈະການເຂົ້າ-ອອກເມືອງ ແລະ ການເຂົ້າ-ອອກດ່ານສາກົນມິດຕະພາບນໍ້າເຫືອງຊົ່ວຄາວ ໃນລະຫວ່າງວັນທີ 11-18 ເມສາ 2021.

ອີງຕາມ ການລາຍງານຂອງຄະນະສະເພາະກິດ ຂັ້ນເມືອງກ່ຽວກັບການລັກລອບເຂົ້າຊາຍແດນທີ່ບໍ່ຖືກຕ້ອງໃນແຕ່ລະວັນ,​ ອີງຕາມສະພາບການລະບາດຂອງພະຍາດໂຄວິດ-19​ ຄັ້ງວັນທີ 10 ເມສາ 2021 ຮອງເຈົ້າແຂວງ, ຫົວໜ້າຄະນະສະເພາະກິດຂັ້ນແຂວງ ແຈ້ງມາຍັງບັນດາເຈົ້າເມືອງ ແລະ ຫົວໜ້າດ່ານສາກົນມິດຕະພາບນໍ້າເຫືອງ ຊາບວ່າ:
ສະພາບການລະບາດຂອງພະຍາດໂຄວິດ-19 ໃນທົ່ວໂລກມີການເພີ້ມຂື້ນສູງຫຼາຍ ກໍ່ຄືປະເທດໃກ້ຄຽງໂດຍສະເພາະຢູ່ປະເທດໄທ ຄັ້ງວັນທີ 10 ເມສາ 2021 ມີຜູ້ຕິດເຊື້ອພະຍາດໂຄວິດ-19 ເພີ່ມຂື້ນ 781 ທ່ານ ແລະ ເສຍຊີວິດ 1 ທ່ານ. ສະນັ້ນ, ໃນໄລຍະເທດສະການປີໃໝ່ລາວນີ້ ໃຫ້ປະຕິບັດດັ່ງລຸ່ມນີ້:

1. ເຫັນດີໃຫ້ໂຈະການເຂົ້າ-ອອກລະຫວ່າງເມືອງບໍ່ແຕນ ຫາ ເມືອງ ແກ່ນທ້າວ, ເມືອງ ແກ່ນທ້າວຫາ ເມືອງປາກລາຍ ແລະ ໂຈະການເຂົ້າ-ອອກດ່ານສາກົນມິດຕະພາບນໍ້າເຫືອງຊົ່ວຄາວຂອງແຮງງານລາວ ແລະ ໄທໃນລະຫວ່າງວັນທີ 11-18 ເມສາ 2021.2. ມອບໃຫ້ແຕ່ລະເມືອງຕັ້ງຈຸດກວດກາຄົນເຂົ້າ-ອອກ, ເອົາໃຈໃສ່ເຂັ້ມງວດກວດກາຊາຍແດນໂດຍສະເພາະແມ່ນຄົນເຂົ້າຊາຍແດນທີ່ບໍ່ຖືກຕ້ອງ.

3.ສຳລັບລົດສົ່ງນ້ໍາມັນ , ລົດສົ່ງສິນຄ້າ ແລະ ອື່ນໆ ແມ່ນໃຫ້ເຂົ້າດ່ານສາກົນພູດູ່. 4. ການຫຼີ້ນບຸນປີໃໝ່ແມ່ນໃຫ້ຫຼີ້ນສະເພາະພາຍໃນເມືອງ, ຫ້າມການເຄື່ອນຍ້າຍອອກຈາກເມືອງ.5. ຫ້າມການເຂົ້າອອກເມືອງແກ່ນທ້າວ ແລະ ເມືອງບໍ່ແຕນ (ເຂົ້າອອກໄດ້ສະເພາະລົດສະເພາະກິດ, ລົດຂົນສົ່ງຄົນເຈັບ, ຖ້າຫາກມີວຽກຈຳເປັນຕ້ອງໄດ້ຂໍອານຸຍາດຈາກຄະນະສະເພາະກິດຂັ້ນເມືອງ).6. ໃຫ້ແຕ່ງຕັ້ງພະນັກງານລົງກວດລາດຕະເວນຢູ່ຕາມຊາຍແດນຕາມລ້ອງນ້ໍາເຫືອງ ແລະ ຕາມເສັ້ນທາງ ພາຍໃນເມືອງຂອງຕົນ.