ເພີ່ນເຕືອນລະເດີ້..!!! ເຈົ້າຫນ້າທີ່ ຈະລະຈອນເມືອງ ສາມັກຄີໄຊ ເຕືອນນັກຂັບຂີ່ໃຫ້ເຄົາລົບລະບຽບການສັນຈອນ

    0
    149

    ພື່ອຫຼີກລຽງການເກີດອຸບັດຕິເຫດໃນໄລຍະການສະເຫຼີມສະຫຼອງບຸນປີໃໜ່ລາວ ຄສ 2021ນີ້ ເຈົ້າໜ້າທີ່ຈະລາຈອນ ເມືອງສາມັກຄີໄຊ ເຕືອນມາຍັງນັກຂັບຂີ່ ໃຫ້ເພີ່ມມາດຕະການໃນການເຄົາລົບກົດລະບຽບການສັນຈອນຕາມທ້ອງຖະຫນົນ ໂດຍສະເພາະເຕືອນນັກຂັບຂີ່ ຫ້າມຂັບຂີ່ ຫຼືນໍາໃຊ້ພາຫະນະໃນເວລາມືນເມົາ,ເຄົາລົບສິດເຊິ່ງກັນ ແລະ ກັນ,ຫ້າມບໍ່ໃຫ້ມີການຫົດນໍ້າຕາມຫົນທາງ ແລະ ປະຕິບັດຢ່າງເຂັ້ມງວດຕໍ່ແຈ້ງການຕ່າງໆທີ່ຂັ້ນເທິງວາງອອກ .


    ທ່ານ ຮ້ອຍເອກ ຄໍາໃບ ແກ້ວພາວົງ ຮອງພະແນກຕຳຫຼວດ ກອງບັນຊາການປ້ອງກັນຄວາມສະຫົງບເມືອງສາມັກຄີໄຊ ທັງເປັນຜູ້ຊີ້ນຳວຽກງານຈາລະຈອນ ໄດ້ໃຫ້ສຳພາດຕໍ່ສື່ມວນຊົນ ໃນວັນທີ 8 ເມສາ 2021 ນີ້ວ່າ: ເພື່ອຫຼີກລຽງບັນຫາການເກີດອຸປະຕິເຫດໃນໄລຍະບຸນປີໃໜ່ລາວ ພສ 2564 ທາງກອງບັນຊາການ ປ້ອງກັນຄວາມສະຫົງບ ເມືອງສາມັກຄີໄຊ ກໍ່ຄືພະແນກຕຳຫຼວດ ໄດ້ກະກຽມຄວາມພ້ອມທຸກດ້ານ ເພື່ອປ້ອງກັນສະພາບການເກີດອຸບັດຕິເຫດໃນໄລຍະເທດສະການບຸນປີໃໝ່ລາວ,ໂດຍຈະສຸມກຳລັງເຈົ້າໜ້າທີ່ຈະລາຈອນຂອງເມືອງ ລົງປ້ອງກັນເວນຍາມ

    ຢູ່ບັນດາຈຸດ 3 ແຍກ 4 ແຍກທີ່ເຄີຍເກີດອຸປະຕິເຫດ ແລະ ຈຸດທີ່ເຫັນວ່າມີຄວາມສ່ຽງຕໍ່ການເກີດອຸປະຕິເຫດ,ນອກຈາກນັ້ນທາງກອງບັນຊາການປ້ອງກັນຄວາມສະຫງົບເມືອງ ຈະໄດ້ເຮັດວຽກງານໂຄສະນາລະບຽບການສັນຈອນຕາມທ້ອງຖະໜົນຫຼວງ ເພື່ອເຮັດໃຫ້ບັນດານັກຂັບຂີ່,ຜູ້ຊົມໃຊ້ພາຫະນະ,ປະຊາຊົນທີ່ອອກມາຫຼີ້ນບຸນປີໃໜ່ໃຫ້ເຂົ້າໃຈເຖິງລະບຽບການຕ່າງໆທີ່ຂັ້ນເທິງວາງອອກ,ສໍາລັບນັກຂັບຂີ່ໃນຍາມມືນເມົາ ທາງເຈົ້າໜ້າທີ່ຈະໄດ້ວາງມາດຕະການຢ່າງເຂັ້ມງວດ.

    ຂ່າວ: ວັດທະນາ