ກົມອຸຕຸນິຍົມ ແລະ ອຸທົກກະສາດເຕືອນ ຟ້າລົມຝົນຕົກຍັງຈະແກ່ຍາວໄປຮອດທ້າຍອາທິດ

0
104

ກົມອຸຕຸນິຍົມ ແລະ ອຸທົກກະສາດ ແຈ້ງມາໃໝ່ໃຫ້ພີ່ນ້ອງທົ່ວທຸກພາກເຝົ້າລະວັງ ຕະຫຼອດອາທິດນີ້ແຕ່ວັນທີ 7-10​ເມສາ ແມ່ນຈະມີຟ້າລົມຝົນຕົກອີກ ທຸກຄົນຈະໄປໃສມາໃສຢ່າລືມໃຫ້ປອດໄພໄວ້ກ່ອນ.ກົມອຸຕຸນິຍົມ ແລະ ອຸທົກກະສາດ ຄາດສະພາບອາກາດໜຶ່ງອາທິດຕໍ່ໜ້າ ມີຄຳເຕືອນເພື່ອເຝົ້າລະວັງ ສະພາບອາກາດຮ້ອນເອົ້າຫຼາຍ ແລະ ພາຍຸ

ຝົນຕົກຟ້າຮ້ອງຟ້າເຫຼື້ອມ, ລົມພັດແຮງໃນໄລຍະວັນທີ 07 – 10 ເມສາ 2021 ເນື່ອງຈາກສອງກະແສລົມຕາເວັນອອກ ແລະ ລົ້ມຕາເວັນອອກສ່ຽງໃຕ້ ຈະມີກຳລັງແຮງເພີ່ມຂື້ນພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ອາກາດຮ້ອນໃນຕອນບ່າຍ ແລະ ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງ

ທ້ອງຖິ່ນ.ດັ່ງນັ້ນ, ຈຶ່ງຂໍແຈ້ງເຕືອນເຖີງປະຊາຊົນທີ່ອາໄສຢູ່ເຂດພາກເໜືອດ້ານຕາເວັນຕົກ ລົງຫາພາກກາງ ແລະ ພາກໃຕ້ຈົ່ງມີສະຕິລະມັດລະວັງຕໍ່ສະພາບອາກາດຮ້ອນອົບເອົ້າທີ່ຈະເຮັດໃຫ້ເກີດມີອັກຄີໄພ ແລະ ມີສະຕິລະມັດລະວັງຕໍ່ສະພາບພາຍຸຝົນຕົກຟ້າຮ້ອງຟ້າເຫຼື້ອມ, ຟ້າຜ່າ ແລະ ໝາກເຫັບຕົກ.ພ້ອມມີລົມພັດແຮງ ທີ່ຈະເຮັດໃຫ້ຕົ້ນໄມ້,

ປ້າຍໂຄສະນາແລະ ເສົາໄຟຟ້າຫັກລົ້ມ, ໃນເວລາຝົນຕົກຟ້າຮ້ອງຟ້າເຫຼື້ອມໃຫ້ຫຼີກລ່ຽງຈາກການໄປຢູ່ກ້ອງຕົ້ນໄມ້ໃຫຍ່ ເພາະອາດຈະຖືກຟ້າຜ່າໄດ້, ພ້ອມນີ້ ຂໍໃຫ້ຕິດຕາມການລາຍງານຂ່າວສະພາບອາກາດຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈໍາ.