ເຈົ້ານະຄອນ ລົງຕິດຕາມກວດກາ ແລະຈັດສັນຄວາມເປັນລະບຽບຢູ່ຕາມເສັ້ນທາງແຄມຂອງ

0
91

ເພື່ອເຮັດໃຫ້ເທສະບານ ນະຄອນໄກສອນ ພົມວິຫານ ມີຄວາມສະອາດສວຍງາມ ແລະມີຄວາມເປັນລະບຽບ ຮຽບຮ້ອຍ ດັ່ງນັ້ນ, ມາໃນວັນ ທີ 24 ມີນາຜ່ານມານີ້, ທ່ານ ປະສົງສິນ ຈະເລີນສຸກ ເຈົ້ານະ ຄອນໄກສອນ ພົມວິຫານພ້ອມ ຄະນະໄດ້ລົງຕິດຕາມກວດກາເບິ່ງບັນຫາການກໍ່ສ້າງ ແລະ ການຄ້າຂາຍ ທີ່ບໍ່ເປັນລະບຽບ ຢູ່ຕາມເສັ້ນທາງແຄມຂອງ.

ທ່ານເຈົ້ານະຄອນ ພ້ອມ ຄະນະ ຊຶ່ງປະກອບມີ: ຫົວໜ້າ ຫ້ອງວ່າການປົກຄອງນະ ຄອນ, ຫົວໜ້າຫ້ອງການ ຍທຂ ນະຄອນ, ຫົວໜ້າຫ້ອງ ອພບຕ ນະຄອນ, ຫົວໜ້າກອງບັນ ຊາການ ປກສ ນະຄອນ, ຫົວໜ້າຫ້ອງການຊັບພະຍາ ກອນທຳມະຊາດ-ສິ່ງແວດ ລ້ອມນະຄອນ ແລະຫົວໜ້າ ຫ້ອງການອຸດສາຫະກຳ-ການຄ້ານະຄອນ

ກໍ່ໄດ້ພ້ອມກັນ ລົງສຳຫຼວດເບິ່ງຕົວຈິງຕາມຈຸດຕ່າງໆໃນຂອບເຂດເສັ້ນ ທາງແຄມຂອງ ທີ່ຍັງມີບັນຫາ ແລະບໍ່ມີຄວາມເປັນລະບຽບ ຮຽບຮ້ອຍ ເພື່ອຊອກຫາວິທີ ແກ້ໄຂ ເພື່ອໃຫ້ຫັນເຂົ້າສູ່ຄວາມ ເປັນລະບຽບ ແລະຄຸ້ມຄອງ ດ້ວຍລະບຽບກົດໜາຍ.ໂອກາດນີ້, ທ່ານ ປະສົງສິນ ຈະເລີນສຸກ ໄດ້ຮຽກຮ້ອງ ແລະ ເນັ້ນໜັກໃຫ້ຜູ້ປະກອບການ ເອົາໃຈໃສ່

ປະຕິບັດຕາມແຈ້ງ ການຂອງເຈົ້ານະຄອນໄກ ສອນ ພົມວິຫານ ໃນການກໍ່ສ້າງ-ການຄ້າຂາຍເຄື່ອງແຄມທາງ ໂດຍສະເພາະໃນເຂດທາງຄົນ ຍ່າງ ແລະການຕໍ່ຮ້ານຕໍ່ເທີບ ກາຍເຂດສະຫງວນອອກມາ ເຂດທາງຄົນຍ່າງ ເຊິ່ງທຸກໆ ຄົນໂດຍສະເພາະບັນດາຜູ້ປະ ກອບການຕ້ອງເປັນເຈົ້າການ ນຳກັນ ເພື່ອເຮັດໃຫ້ນະຄອນມີ ຄວາມເປັນລະບຽບສວຍງາມ

ແລະເຮັດໃຫ້ນະຄອນ ໄກສອນ ພົມ ວິຫານ ບັນລຸຕາມຄາດໜາຍ 6 ສຄື: ສ ສະອາດ, ສ ສະຫງົບ, ສ ສີຂຽວ, ສ ສະຫວ່າງ, ສ ສະເໜ່ ແລະສ ສີວິໄລ ໃຫ້ປະ ກົດຜົນເປັນຈິງໄປ ເທື່ອລະກ້າວ ແລະເຮັດໃຫ້ນະຄອນໄກສອນ ພົມວິຫານ ກາຍເປັນນະຄອນ ທີ່ໜ້າຢູ່./.