ອິນເດຍ ກວດພົບຜູ້ຕິດເຊື້ອໂຄວິດ ສາຍພັນໃໝ່

0
129

ຕາມ​ຂ່າວ​ຈາກ ​ນີວ​​ແດນ​ລີ,ວັນ​ທີ25​ມີນາ,ກະຊວງ​ ສາທາລະນະ​ສຸກ​ ອິນ​ເດຍ ​ເປີດ​ເຜີຍ ​ຜົນ​ວິ​ເຄາະ ​ຕົວຢ່າງ​ 10.787 ລາຍການ ຈາກ​ຜູ້​ຕິດ​ເຊື້ອ ​ໂຄ​ວິດ-19 ສາຍ​ພັນ​ໃໝ່​ ໃນ18​ລັດ​ທົ່ວ​ປະ​ເທດ ພົບ​ຜູ້​ຕິດ​ເຊື້ອ 771ຄົນ ຕິດ​ເຊື້ອ ສາຍ​ພັນ​ທົ່ວ​​ໄປ ໝາຍ​ເຖິງ ​ສາຍ​ພັນ ​ທີ່​ພົບ​ຄັ້ງທຳ​ອິດ ​ທີ່​ເມືອງ​ອູ​ຫັນ​​ໃນ​ຈີນ ຜູ້​ຕິດ​ເຊື້ອ​ ຢ່າງ​ໜ້ອຍ 736ຄົນ ຕິດ​

ເຊື້ອ ສາຍ​ພັນ​ ທີ່​ພົບ​ຢູ່​ ອັງກິດ​ອີກ 34ຄົນ ​ໄດ້​ຮັບ​ເຊື້ອສາຍ​ພັນ ທີ່ກາຍພັນ​ ຈາກ​ອາ​ຟຣິກາ​ໃຕ້ ​ແລະ 1ຄົນ ​ເປັນ​ຜູ້​ຕິດ​ເຊື້ອ​ໂຄ​ວິດ-19 ຈາກ​ສາຍ​ພັນ ​ໃນ​ບຣາຊິນ ​ແຕ່​ຢ່າງ​ໃດ​ກໍ່ຕາມ ຖ້າ​ວິ​ເຄາະ ​ເປັນ​ລັດພົບ​ວ່າ: ຕົວຢ່າງ​ເຊື້ອ​ ຈາກ​ຜູ້​ຕິດ​ເຊື້ອ​ໃນ​ລັດມະຫາຣາສະກາ​ຣະ ທີ່ຢູ່​ທາງ​ຕາ​ເວັນ​ຕົກ​ ຂອງ​ອິນ​ເດຍ ​ແລະ ​ເປັນ​ລັດ​ໜຶ່ງ​ ໃນ​ພື້ນ​ທີ່​ ມີ​ຜູ້​ຕິດ​ເຊື້ອ ​

ສະ​ສົມ ຫລາຍ​ທີ່​ສຸດ ພົບ​ການ​ກາຍພັນ 2 ຕຳ​ແໜ່​ງ ຂອງ​ເຊື້ອ​ໂຄ​ວິດ-19 ໝາຍ​ເຖິງ ​ການ​ປ່ຽນ​ແປງ2​ຄັ້ງ ຂອງ​ເຊື້ອ​ພະຍາດ ​​ໂຕ​ເກົ່າ ​ໂດຍ​ກາຍພັນ​ ໃນ​ຕຳ​ແໜ່​ງ E484Q

​ແລະ ຕຳ​ແໜ່​ງ L452R ​ເຮັດ​ໃຫ້​ເຊື້ອ​ພະຍາດ​ ສາມາດ ຢູ່​ລອດ​ ພູມ​ຕ້ານທານ ​ແລະ ​ເພີ່ມ​ການ​ແຜ່​ເຊື້ອ.ຂະນະ​ດຽວ​ກັນ ອິນ​ເດຍ​ ຍັງໄດ້​ຢຸດ​ ການ​ສົ່ງ​ອອກ ​ວັກ​ຊິນ​ ປ້ອງ​ກັນ ​ໂຄ​ວິດ-19 ​ແອ​ສຕຣາ​ເຊ​ເນ​ກາ/ອອກສຟອດ ​ເນື່ອງ​ຈາກ ​ຄວາມ​ຕ້ອງ​ການ ​ໃນ​ປະ​ເທດ ​ເພີ່ມ​ຂຶ້ນ