ຢູມັນນີ ຮ່ວມກັບໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການ ກະກຽມການເບີກຈ່າຍເງິນອຸດໜູນ

0
132

ກະຊວງກະສິກຳ ແລະ ປ່າໄມ້ ໄດ້ເຊັນສັນຍາກັບ ຢູມັນນີ (u-money) ເພື່ອເບີກຈ່າຍເງິນອຸດໜູນແບບມີເງື່ອນໄຂ ໃຫ້ແກ່ຜູ້ໄດ້ຮັບຜົນປະໂຫຍດຈາກໂຄງ ການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ, ເຊິ່ງໂຄງການດັ່ງກ່າວ ເປັນໜຶ່ງໃນຫລາຍໂຄງການຂອງທຶນກູ້ຢືມຈາກ ທະນາຄານໂລກ ໂດຍຈະປະຕິບັດຢູ່ 4 ແຂວງພາກເໜືອຄື: ແຂວງຜົ້ງສາລີ, ອຸດົມໄຊ, ຫົວພັນ ແລະ ແຂວງຊຽງແຂວງ ໂດຍເປົ້າໝາຍການເບີກຈ່າຍໃຫ້ແກ່ຄອບຄົວທີ່ທຸກຍາກ ແລະ ຫາກໍພົ້ນທຸກ ຈຳນວນ

42.000 ຄົນ ລວມມູນຄ່າທັງໝົດ 14 ລ້ານກວ່າ ໂດລາສະຫະລັດ ພາຍໃນເວລາ 4 ປີ. ໃນລະຫ່ວາງວັນທີ 9-15 ມີນາ 2021 ທີມງານ u-money ໄດ້ສົມທົບກັບໂຄງການຫລຸດຜ່ອນຄວາມທຸກຍາກ ແລະ ການຂາດໂພຊະນາການໃນເຂດຊົນນະບົດ ໄດ້ລົງເຮັດວຽກຕົວຈິງເພື່ອພົບປະກັບ ກົມພັດທະນາຊົນນະບົດ ແລະ ສະຫະກອນ ຂັ້ນສູນກາງ, ຂັ້ນແຂວງ ແລະ ຂັ້ນເມືອງ ເພື່ອສໍາຫລວດເອົາຂໍ້ມູນໃນການຈັດຕັ້ງປະຕິບັດ ກຸ່ມບ້ານເປົ້າ ທີ່ກະກຽມທົດລອງການເບີກຈ່າຍເງິນຊ່ວຍເຫລືອ ຄັ້ງທຳອິດ ຈຳນວນ

12 ບ້ານ ຢຸ່ໃນ 12 ເມືອງ ຂອງ 4 ເເຂວງດັ່ງກ່າວ ໂດຍຈະໄດ້ຮັບເດືອມລະ 180.000 ກີບ/ຄົນ. ການປະສານງານກັບ u-money ໃນການເບີກຈ່າຍເງິນ ຈະຊ່ວຍໃຫ້ປະຊາຊົນທີ່ດໍາລົງຊີວິດໃນເຂດຕ່າງແຂວງໄດ້ຮັບເງິນອຸດໜູນດັ່ງກ່າວໂດຍກົງ, ປອດໄພ ແລະ ບໍ່ເສຍເວລາ ເນື່ອງຈາກປະຊາຊົນໃນໂຄງການດັ່ງກ່າວ ແມ່ນອາໃສຢູ່ເຂດ

ຊົນນະບົດ ແລະ ຫ່າງໄກສອກຫລີກ ການເດີນທາງໄປມາແມ່ນມີຄວາມຫຍຸ້ງຍາກດ້ານພາຫະນະ, ເສັ້ນທາງ ແລະ ອື່ນໆ, ເຊິ່ງເງິນອຸດໜູນຈະໂອນເຂົ້າເບີໂທລະສັບໂດຍກົງຂອງປະຊາຊົນເປົ້າໝາຍ ສາມາດຖອນເງິນໄດ້ດ້ວຍຕົນເອງຜ່ານໂທລະສັບມືຖື ກັບບັນດາຮ້ານຕົວແທນບໍລິການທີ່ມີຢູ່ຂັ້ນບ້ານ, ພະນັກງານ ຢູນີເທວ (unitel) ແລະ ປ່ອງບໍລິການ ໄດ້ຢ່າງສະດວກສະບາຍ.