ຈີນພົບຜູ້ຕິດໂຄວິດ ຄົນທຳອິດໃນຮອບ 1 ເດືອນ ຫຼັງສັກວັກຊີນຄົບ 2 ເຂັມ

0
65

ສຳນັກຂ່າວ ແຊນເນລນິວສເອເຊຍ ລາຍງານເມື່ອວັນເສົາ(20/3/21/) ທີ່ຜ່ານມາວ່າ ຈີນພົບຜູ້ຕິດເຊື້ອໂຄວິດ-19 ທ້ອງຖິ່ນຄົນທຳອິດໃນຮອບ 1 ເດືອນ ໂດຍພົບວ່າເປັນພະນັກງານໃນໂຮງໝໍແຫ່ງໜຶ່ງ ຊຶ່ງໄດ້ຮັບສັກວັກຊີນຕ້ານໂຄວິດ-19 ຄົບ 2 ເຂັມແລ້ວ ໃນລະຫວ່າງເດືອນມັງກອນຫາເດືອນກຸມພາທີ່ຜ່ານມາ.ຂ່າວລະບຸວ່າ ຜູ້ຕິດເຊື້ອຄົນນີ້,

ເປັນຜູ້ຍິງ ຊື່ ແຊ່ຫຼິວ ເຮັດວຽກຢູ່ພື້ນທີ່ກັກກັນໂຣກຂອງໂຮງໝໍແຫ່ງໜຶ່ງໃນເມືອງ ຊີອານຕັ້ງແຕ່ວັນທີ 4 ມີນາ ແລະ ມີໜ້າທີ່ຫຼັກໃນການເກັບຕົວຢ່າງຈາກຜູ້ທີ່ຖືກກັກຕົວ ເພື່ອນຳໄປກວດຫາເຊື້ອໂດຍບໍ່ໄດ້ຕັ້ງໃຈ ແລະ ໄດ້ຮັບການຢືນຢັນວ່າ ຕິດເຊື້ອເມື່ອວັນພະຫັດ(18/3/21) ຖືວ່າເປັນຄົນທຳອິດນັບແຕ່ວັນທີ 14 ກຸມພາເປັນຕົ້ນມາ.ສຳລັບ

ເລື່ອງທີ່ຜູ້ຍິງຄົນນີ້ ສັກວັກຊີນຕ້ານໄວຣັດໂຄໂຣນາຄົບ 2 ເຂັມຕາມກຳນົດ ແຕ່ຍັງຕິດເຊື້ອນັ້ນ ສາດສະດາຈານ ເຈິງກວງ ກ່າວວ່າ ອັດຕາການປ້ອງກັນຂອງວັກຊີນບໍ່ໄດ້ 100% ດັ່ງນັ້ນມັນຈຶ່ງເຮັດໃຫ້ຜູ້ໄດ້ຮັບ ຂ້ອນຂ້າງປອດໄພ ຈາກເຊື້ອນັ້ນແມ່ນບໍ່ຖືກຕ້ອງ ປອດໄພຢ່າງສົມບູນ ແຕ່ສັງຄົມບໍ່ຄວນກັງວົນວັກຊີນທີ່ຜະລິດໃນປະເທດເພາະກໍລະນີ

ນີ້.ທັງນີ້ບໍ່ໄດ້ເປີດເຜີຍວ່າ ນາງຫຼິວ ໄດ້ຮັບສັກວັກຊີນຊະນິດໃດ, ລຸ່ນໃດໂດຍໃນປັດຈຸບັນ ຈີນມີວັກຊີນຕ້ານໂຄວິດ ທີ່ຜະລິດເອງ 4 ລຸ່ນທີ່ກຳລັງຖືກໃຊ້ໄດ້ແກ່ວັກຊີນ ທີ່ຜະລິດໂດຍບໍລິສັດແຄນຊີໂນ ໄບໂອໂລຈິກ, ສະຖາບັນຊິວວິທະຍາ ອູ່ຮັ່ນ, ຊີໂນແວັກ ໄບໂອເທັກ ແລະ ບໍລິສັດ ຊີໂນຟາມ.ສ່ວນວັກຊີນລຸ່ນທີ 5 ຂອງສະຖາບັນ ຈຸລຊິວວິທະຍາ ແຫ່ງວິທະຍາໄລ ວິທະຍາສາດຈີນ ໄດ້ຮັບການອະນຸມັດໃຊ້ງານໃນກໍລະນີສຸກເສີນແລ້ວ ແຕ່ບໍ່ທັນຖືກນຳໄປໃຊ້.