ລຸງສົມຊື່ ເມືອງສອນ ຜູ້ທີ່ມັກຮັກໃນອາຊີບຕັດຫຍິບ ສ້າງມາດສ້າງລາຍຮັບໄດ້ 20 ລ້ານກ່ວາກີບຕໍ່ເດືອນ

0
155

ໃນຍຸກສັງຄົມປັດຈຸບັນແມ່ນມີຄວາມນິຍົມກັນຕັດເຄື່ອງນຸ່ງປະເພດຕ່າງໆ ບໍ່ວ່າຈະເປັນໂສ້ງ, ເສື້ອ, ສິ້ນ ແລະ ອື່ນໆ ຕາມຄວາມມັກຂອງໃຜລາວ ຊຶ່ງຜູ້ໜຶ່ງກໍອາດຈະຕັດຫຼາຍຊຸດໃນແຕ່ລະປີ ແລະ ເສີມ ສ້າງຄວາມງາມໃຫ້ຕົນເອງ ໂດຍສະເພາະເວລາມີງານຕ່າງໆໃນສັງຄົມ ເຊັ່ນ: ງານດອງ, ງານບຸນ ແລະ ງານອື່ນໆຕະຫຼອດຮອດພະນັກງານໃນອົງກອນຕ່າງໆ, ນັກສຶກສາ, ນັກຮຽນ ກໍພາກັນນິຍົມຕັດເຄື່ອງນຸ່ງ ຈຶ່ງເຮັດໃຫ້ອາຊີບການຕັດຫຍິບ ມີຄວາມສຳຄັນຫຼາຍຕໍ່ກັບຜູ້ທີ່ມີຄວາມຮັກມັກໃນອາຊີບນີ້ ແລະ ເຮັດໃຫ້ ຫຼາຍຄົນຢຶດຖືເອົາການຕັດຫຍິບສ້າງລາຍໄດ້ໃຫ້ກັບຄອບຄົວເປັນຫຼັກ.ລຸງສົມຊື່ ເມືອງສອນ ຜູ້ທີ່ມັກຮັກໃນອາຊີບຕັດຫຍິບ, ຢຶດຖື ແລະ ພັດທະນາຈົນກາຍເປັນທຸລະ ກິດຄອບຄົວໃນປັດຈຸບັນ. ລຸງເລົ່າວ່າ: ອາຊີບດັ່ງກ່າວນີ້ແມ່ນໄດ້ຮ່ຳຮຽນນຳຮ້ານຕັດຫຍິບຢູ່ເມືອງປາກເຊ ແຂວງຈຳປາສັກ ແຕ່ປີ 1966 ຊຶ່ງໃຊ້

ເວລາຮຽນພຽງ 1 ປີເທົ່ານັ້ນ ແລະ ຕໍ່ຈາກນັ້ນມາ ກໍໄດ້ເລີ່ມ ຮັບຈ້າງຫຍິບແຊ່ວເປັນຕົ້ນມາ, ເກັບກ່ຽວປະສົບການ, ຄວາມຮູ້ຈາກຫຼາຍບ່ອນ, ຈາກຫຼາຍຄົນເປັນເວລາ ເກືອບ 10 ປີ.ຕົກມາຮອດປີ 1985 ໄດ້ເຂົ້າເຮັດວຽກຢູ່ໂຮງງານຫຍິບແຊ່ວ ແຂວງສາລະວັນ ກໍເປັນເວ ລາເກືອບ 5 ປີ ເຮັດໃຫ້ມີປະສົບການຫຼາຍ, ມີຄວາມໝັ້ນໃຈໃນຕົນເອງ ແລະ ເຊື່ອໝັ້ນຕໍ່ສີມືແຮງງານ ຂອງຕົນ ຈຶ່ງໄດ້ຫັນມາເປີດກິດຈະການເປັນຂອງຕົນເອງຢ່າງເປັນທາງການ ໂດຍນຳໃຊ້ຈັກຫຍິບແບບປະ ຖົມປະຖານ 1 ເຄື່ອງ ຄ່ອຍໄປເທື່ອລະນ້ອຍຕາມທ່າແຮງ ແລະ ເງື່ອນໄຂ ນັບແຕ່ປີ 1989 ເປັນຕົ້ນມາ ຈົນມາຮອດປັດຈຸບັນ 30 ກວ່າປີ ທີ່ໄດ້ຕັ້ງໜ້າກັບການຫຍິບເຄື່ອງ.ຍ້ອນຄວາມມັກໃນອາຊີບນີ້


ພາບປະກອບ

ຈຶ່ງໄດ້ ສືບຕໍ່ພັດທະນາ, ເຮັດດ້ວຍຄວາມເອົາໃຈໃສ່, ຄວາມອົດທົນ ແລະ ເນັ້ນດ້ານຄຸນນະພາບ, ເອົາໃຈ ໃສ່ເອົາໃຈຫຍິບໃຫ້ຖືກໃຈລູກຄ້າ ເຮັດໃຫ້ມີລູກຄ້າຈາກຫຼາຍບ່ອນມີຄວາມນິຍົມຊົມຊອບມາໃຊ້ບໍລິການຈົນ ເຖິງເທົ້າທຸກວັນນີ້.ປັດຈຸບັນ ມີຈັກຫຍິບເຄື່ອງ 11 ໜ່ວຍ ແລະ ມີແຮງງານທັງໝົດ 6 ຄົນ ໂດຍແມ່ນສະມາຊິກໃນຄອບຄົວທີ່ໄດ້ຖ່າຍທອດຄວາມຮູ້, ປະສົບການ ແລະ ຜ່ານການຝຶກແອບຕົວຈິງ ຈົນກາຍເປັນແຮງງານຫຼັກໃນຮ້ານ, ທັງມີຄ່າແຮງງານໃຫ້ຜູ້ລະ 1 ລ້ານ 5 ແສນກີບ ຫາ 2 ລ້ານກີບ ຕາມຄວາມສາມາດ, ມື້ໜຶ່ງສາມາດຕັດຫຍິບເຄື່ອງນຸ່ງໄດ້ 10 ໂຕຕໍ່ມື້ ລາຄາ 1 ແສນກີບ ຫາ 2 ແສນກີບ. ສາມາດສ້າງລາຍຮັບໄດ້ 20 ລ້ານກວ່າກີບ/ເດືອນ.ລຸງສົມຊື່


ພາບປະກອບ

ຍັງເວົ້າອີກວ່າ: ອາຊີບນີ້ ແມ່ນມີຄວາມສຳຄັນຕໍ່ກັບຄອບຄົວເປັນຢ່າງຍິ່ງ ແລະ ຕົນເອງມີຄວາມມັກຮັກ ຈຶ່ງໄດ້ເອົາໃຈໃສ່ພັດທະນາ, ເຮັດດ້ວຍໃຈ, ດ້ວຍຄວາມອົດທົນ, ເສີມສ້າງແນວ ຄວາມຄິດສ້າງສັນ ແລະ ສາມາດອອກແບບເສື້ອໃນຮູບແບບຕ່າງໆໄດ້ເອງ ແລະ ອອກແບບຕາມໃຈ ລູກຄ້າ. ນອກຈາກຈະສ້າງລາຍຮັບໃຫ້ຄອບຄົວແລ້ວຍັງສາມາດໄດ້ຖ່າຍທອດບົດຮຽນ, ຄວາມຮູ້ ແລະ ວິທີການຕ່າງໆໃຫ້ລູກຫຼານທີ່ເປັນສະມາຊິກຕັດຫຍິບ ໄດ້ສືບທອດ ແລະ ມີວຽກເຮັດງານທຳ ສາມາດສ້າງ ລາຍໄດ້ເຂົ້າຄອບຄອບໃນແຕ່ລະວັນ. ລາຍໄດ້ສະເລ່ຍ ປະມານ 20 ລ້ານກີບຕໍ່ເດືອນຮ້ານຕັດຫຍິບ ເລກໜຶ່ງ ຂອງລຸງສົມຊື່ ເມືອງສອນ ຕັ້ງຢູ່ບ້ານນາກົກໂພ ເມືອງ ແລະ ແຂວງສາ ລະວັນ (ສາມແຍກລັດວິສາຫະກິດໄຟຟ້າລາວ ສາຂາແຂວງສາລະວັນ) ສົນໃຈໃຊ້ບໍລິການ.

ໂດຍ: ວິໄລວອນ ສິດທິໄຊ