ໂບລິ​ເວ​ຍຈັບ ອະດີດປະທານາທິບໍດີ ແລະ ຄະນະລັດຖະບານ ຂໍ້ຫາກ່ຽວຂ້ອງໃຫ້ເກີດກໍ່ລັດຖະປະຫານ

0
93

ໂບລິ​ເວ​ຍຈັບ​ອະດີດ​ປະທານາທິບໍດີ​ ພ້ອມ​ອະດີດ​ລັດຖະມົນຕີ​ຫລາຍ​ຄົນ ​ໃນ​ຄວາມ​ຜິດ​ຂໍ້​ຫາ​ກໍ່​ການ​ຮ້າຍ-ກໍ່​ກະບົດ ຈາກ​ຂໍ້​ກ່າວ​ຫາ​ວ່າ​ມີ​ສ່ວນ​ກ່ຽວຂ້ອງ​ກັບ​ການ​ກໍ່​ລັດຖະປະຫານ​ເມື່ອປີ 2019.ວັນ​ທີ 13 ມີນາ 2021, ​ເວັບ​ໄຊ BBC ລາຍ​ງານ​ວ່າ: ນາງ ​ຢາ​ນິ​ເນ ອັນ​ເນ​ດ ອະດີດ​ປະທານາທິບໍດີ​ສະ​ເພາະ​ກິດ​ຂອງ​ໂບລີ​ເວ​ຍ ລວມທັງ​ອະດີດ​ລັດຖະມົນຕີ​ອີກ​ຫລາຍ​ຄົນ ຖືກ​ຈັບ​ກຸມ​ແລ້ວ ​ໂດຍ​ເຈົ້າໜ້າ​ທີ່​ກ່າວ​ຫາ​ວ່າ: ນາງ ​ແລະ ບັນດາ​ອະດີດ​ຄະນະ​ລັດຖະບານ​ມີ​ສ່ວນ​ກ່ຽວຂ້ອງ​ກັບ​ການ​ກໍ່​ລັດຖະປະຫານ​ເມື່ອ​ປີ 2019.ການ​ຈັບ​ກຸມ​ໃນ​ຄັ້ງ

ນີ້ ​ເກີດ​ຂຶ້ນຫລັງ​ຈາກ​ອະດີດ​ປະທານາທິບໍດີ ອັນ​ເນ​ດ ຫາ​ກໍ​ອອກ​ມາ​ເປີດ​ເຜີຍ​ວ່າ: ລັດຖະບານ​ໂບລີ​ເວ​ຍຊຸດ​ປັດຈຸບັນ​ກຳລັງ​ເລີ່​ມ​ແກ້​ແຄ້ນ​ທາງ​ການ​ເມືອງ, ພ້ອມ​ເຜີຍ​ແຜ່​ເອກະສານ​ທີ່​ລະບຸ​ວ່າ: ນາງ ​ແລະ ອະດີດ​ລັດຖະມົນຕີ​ຫລາຍ​ຄົນ​ຈະ​ຖືກຕັ້ງຂໍ້​ຫາ​ກໍ່​ການ​ຮ້າຍ, ກໍ່​ກະບົດ ​ແລະ ສົມຮູ້​ຮ່ວມ​ຄິດ​ກໍ່​ລັດຖະປະຫານ.ຂະນະ​ດຽວ​ກັນ​ຍັງ​ມີ​ລາຍ​ງານ​ອີກ​ວ່າ: ທາງ​ການ​ໂບລີ​ເວ​ຍ​ໄດ້​ຕັ້ງຂໍ້​ຫາ​ກັບ​ອະດີດ​ຜູ້​ບັນຊາ​ການ​ຕຳຫລວດ ​ແລະ ທະຫານລວມ 2 ຄົນ ທີ່​ເຊື່ອ​ວ່າ​ມີ​ສ່ວນ​ກ່ຽວຂ້ອງ​ກັບ​ການ​ກໍ່​ລັດຖະປະຫານ​ເມື່ອ​ປີ 2019 ນຳ.​ໂດຍ​

ການ​ເມືອງ​ໂບລີ​ເວ​ຍ​ເລີ່​ມວຸ້ນວາຍ​ເມື່ອ​ປີ 2019 ຫລັງ​ຈາກ​ທ່ານ ອີ​ໂວ ​ໂມຣາ​ເລ​ສ ຊະນະ​ເລືອກ​ຕັ້ງ​ເປັນ​ປະທານາທິບໍດີ​ໂບລີ​ເວ​ຍສະ​ໄໝ​ທີ 4 ທ່າມກາງ​ຂໍ້​ກ່າວ​ຫາ​ວ່າ: ຈັດການ​ເລືອກ​ຕັ້ງບໍ່​ໂປ່​ງ​ໃສ ຈົນ​ເກີດ​ການ​ປະ​ທ້ວງ​ຍືດ​ເຍື້ອຫລາຍ​ອາທິດ ​ໂດຍ​ມີ​ຜູ້ນຳ​ຕຳຫລວດ ​ແລະ ຜູ້ນຳ​ກອງທັບ​ໂບລີ​ເວ​ຍຮ່ວມ​ກົດ​ດັນ​ໃຫ້​ທ່ານ ​ໂມຣາ​ເລ​ສ ລາ​ອອກ​ຈາກ​ຕຳ​ແໜ່​ງ.​ໃນ​ເວລາ​ຕໍ່​ມາ ​ແຮງ​ກົດ​ດັນ​ຈາກ​ຜູ້​ປະ​ທ້ວງ ​ແລະ ບັນດາ​ຜູ້ນຳ​ຕຳຫລວດ​ທະຫານ​ບັນລຸ​ຜົນ, ທ່ານ ​ໂມ​ຣາ​​ເລ​ສ ຍອມ​ລາ​ອອກ​ຈາກ​ຕຳ​ແໜ່​ງ ກ່ອນ​ຈະ​ຕັດສິນ​ໃຈ​ລີ້​ໄພ​ທາງ​ການ​

ເມືອງ​ໄປ​ເມັກ​ຊິ​ໂກ ​ແລະ ອາ​ເຈນ​ຕິ​ນາ. ພ້ອມ​ຊີ້​ວ່າ: ຂະ​ບວນການ​ຂັບ​ໄລ່​ທ່ານ​ຈາກ​ຕຳ​ແໜ່​ງປະທານາທິບໍດີ​ໂບລີ​ເວ​ຍຄື​ການ​ກໍ່​ລັດຖະປະຫານ.​ເຖິງ​ຢ່າງ​ໃດ​ກໍ​ຕາມ, ອະດີດ​ປະທານາທິບໍດີ ອັນ​ເນ​ດ ​ເຊິ່ງ​ເຂົ້າມາ​ຮັບ​ຕຳ​ແໜ່​ງຕໍ່​ຢືນຢັນ​ວ່າ​ຂະ​ບວນການ​ທີ່​ເກີດ​ຂຶ້ນກັບ​ທ່ານ ​ໂມຣາ​ເລ​ສ ບໍ່​ແມ່ນ​ການ​ລັດຖະປະຫານ ​ແຕ່​ເປັນ​ກົນ​ໄກ​ຕາມ​ລັດຖະທຳ​ມະນູນ,

ຜົນ​ພວງ​ຈາກ​ທີ່​ມີ​ການ​ໂກງ​ເລືອກ​ຕັ້ງ ​ໂດຍ​ໃນ​ໄລຍະ​ຂອງ​ອະດີດ​ປະທານາທິບໍດີ ອັນ​ເນ​ດ ມີ​ການ​ຈັບ​ກຸມ​ຜູ້​ສະໜັບສະໜູນ​ທ່ານ ​ໂມ​ຣາ​ເລ​ສ ຫລາຍ​ຄົນຈົນ​ຮອດ​ເດືອນ​ຕຸລາ​ປີຜ່ານມາ ພັກ​ການ​ເມືອງ​ຂອງ​ທ່ານ ​ໂມຣາ​ເລ​ສ ກັບ​ມາ​ຊະນະ​ເລືອກ​ຕັ້ງຢ່າງ​ຫລວງຫລາຍ ​ເປີດ​ທາງ​ໃຫ້​ທ່ານ ​ໂມຣາ​ເລ​ສ ​ເດີນທາງ​ກັບປະ​ເທດ ​ແລະ ​ເລີ່​ມມີ​ທ່າ​ອ່ຽງວ່າ: ລັດຖະບານ​ໂບລີ​ເວ​ຍຊຸດ​ປັດຈຸບັນ​ຈະ​ເລີ່​ມກວາດ​ລ້າງ​ຂົ້ວການ​ເມືອງ​ອີກ​ຝ່າຍ​ຢ່າງ​ຊັດ​ເຈນ​ຂຶ້ນ.