ເຈົ້າໜ້າທີ່ ໂຮ່ຈິມິນ ຫວຽດນາມ ດຳເນີນຄະດີກັບພະນັກງານເດີນອາກາດ ທີ່ແຜ່ເຊືອໂຄວິດ-19 ໃສ່ຊຸມຊົນ.

0
1079

ຕອນບ່າຍຂອງວັນທີ 3 ທັນວານີ້, ທ່ານ ຫງວຽນຊີກວາງ ຮອງບັນຊາການຕຳຫຼວດນະຄອນໂຮ່ຈິມິນ ໄດ້ຊີ້ນຳກອງປະຊຸມຖະແຫຼງຂ່າວດຳເນີນຄະດີກັບພະນັກງານທີ່ແຜ່ເຊື້ອພະຍາດຕິດຕໍ່ທີ່ເປັນອັນຕະລາຍໃສ່ຄົນອື່ນ ຕາມກົດໝາຍອາຍາ ມາດຕາ 240 ປີ 2015. ນີ້ເປັນຄັ້ງທຳອິດທີ່ພະນັກງານໃນໜ່ວຍງານຕ້ານໂຄວິດ-19 ແຜ່ເຊື້ອພະຍາດໃສ່ຊຸມຊົນ ຖືກດຳເນີນຄະດີອາຍາ.ການຮ້ອງຟ້ອງເກີດຂຶ້ນພາຍຫຼັງພະນັກງານຊາຍເດີນອາກາດຂອງສາຍການບິນ ຫວຽດນາມ ແອລາຍ(Vietnam Airlines )ຄົນໜຶ່ງ ຊຶ່ງເປັນຜູ້ຕິດເຊື້ອກໍລະນີ 1342 ໄດ້ລະເມີດຂໍ້ກຳນົດຂອງສູນກັກກັນສະເພາະຂອງສາຍການບິນ ແອລາຍ ຢ່າງຮ້າຍແຮງ, ຫຼັງຈາກນັ້ນ ເມື່ອໄດ້ປ່ອຍຕົວໄປຢູ່ເຮືອນ ກໍຍັງລະເມີດ

ມາດຕະການໄລຍະຫ່າງທາງສັງຄົມອີກ.ທ່ານຜູ້ຮອງກອງບັນຊາການຕຳຫຼວດນະຄອນໂຮ່ຈິມິນໃຫ້ຮູ້ວ່າ ພຶດຕິກຳລ່ວງລະເມີດກົດໝາຍດັ່ງກ່າວໄດ້ສົ່ງຜົນກະທົບຢ່າງຮ້າຍແຮງ ເຮັດໃຫ້ 3 ຄົນຕິດເຊືອນຳຜູ້ກ່ຽວ. ອົງການສືບສວນສອບສວນຈະກວດກາຢ່າງຮອບດ້ານ ແລະ ພາວະວິໄສເພື່ອຊອກໃຫ້ເຫັນບຸກຄົນທີ່ກ່ຽວຂ້ອງຜູ້ຕິດເຊື້ອກໍລະນີທີ 1342 ດັ່ງກ່າວ ມາຈາກຍີ່ປຸ່ນໃນວັນທີ 14 ພະຈິກ ແລະ ເຂົ້າກັກຕົວຢູ່ທີ່ສູນກັກກັນສະເພາະຂອງສາຍການບິນ ຫວຽດນາມແອລາຍ ຢູ່ທີ່ເຮືອນເລກທີ່ 115 ຄຸ້ມເຕິນບິ່ງ ແຕ່ວັນທີ 14-18 ພະຈິກ.ອີງຕາມຂໍ້ກຳນົດຂອງສາຍການບິນ ຫວຽດນາມແອລາຍ ເມື່ອພະນັກງານໃນໜ່ວຍບິນໃດບິນກັບມາແລ້ວຕ້ອງໄດ້ກັກຕົວ ບໍ່ໄດ້ໃກ້ສິດຕິດແທດກັບຄົນອື່ນ

ແຕ່ພະນັກງານຄົນດັ່ງກ່າວຊໍ້າພັດໄປຢູ່ສູນກັກກັນອື່ນ ຈຶ່ງຕິດເຊື້ອໄວຣັດຈາກພະນັກງານໃນຈຸບິນທີ່ມາຈາກ ຣູມານີ.ພາຍຫຼັງກວດຫາເຊື້ອສອງຄັ້ງຜົນອອກມາເປັນລົບ ຈຶ່ງໃຫ້ຜູ້ກ່ຽວໄປພັກຜ່ອນຢູ່ເຮືອນ ແຕ່ເຂົາບໍ່ປະຕິບັດຕາມຂໍ້ກຳນົດ ເຂົາໄປສຳຜັດໃກ້ສິດກັບອາຈານຊາຍຄົນໜຶ່ງ ອາຍຸ 32 ປີໃນສູນຮຽນພາສາອັງກິດ, ໄປພົບກັບແມ່ ແລະ ຜູ້ຍິງອີກຄົນໜຶ່ງວັນທີ 28 ພະຈິກ ເຂົາໄປກວດຫາເຊື້ອ ກໍປາກົດວ່າຜົນອອກມາເປັນບວກ. ສ່ວນ 3 ຄົນທີ່ໃກ້ສິດ ສຳຜັດກັບເຂົາກໍຕ້ອງໄດ້ກັກຕົວ ແລະ ກວດຫາເຊື້ອທັງໝົດ.

ອາຈານພາສາອັງກິດຄົນດັ່ງກ່າວຜົນກວດຫາເຊື້ອເປັນບວກ ແລະ ກາຍເປັນຜູ້ຕິດເຊື້ອກໍລະນີທີ 1347.ຜູ້ຕິດເຊື້ອກໍລະນີທີ 1347 ກໍແຜ່ເຊື້ອໄປໃສ່ອີກ 2 ຄົນໃນຄຸ້ມທີ 6 ຊຶ່ງເປັນເດັກຊາຍ ແລະ ກາຍເປັນຜູ້ຕິດເຊື້ອກໍລະນີທີ 1348 ແລະ ນັກສຶກສາຍິງຄົນໜຶ່ງໃນສູນພາສາອັງກິດ ເປັນກໍລະນີທີ 1349.ເມື່ອເປັນເຊັ່ນນັ້ນ ທາງສາຍການບິນຫວຽດນາມແອລາຍ ໄດ້ໃຫ້ພະນັກງານຄົນດັ່ງກ່າວຊື່ ຟານງອກລິງ ຫົວໜ້າຈຸບິນ ພັກວຽກເປັນເວລາ 15 ວັນ ເພື່ອສຳຫຼສດກວດກາ ໜ້າທີ່ຄວາມຮັບຜິດຂອບຂອງຜູ້ກ່ຽວໃນການນຳເຊື້ອໄວຣັດໄປຕິໃສ່ຊຸມຊົນ.