ອຸທາຫອນ ໜຸ່ມກິນເຂົ້າອີ່ມໃໝ່ໆ ຟ້າວຍ່າງຂຶ້ນຂັ້ນໄດ ຢູ່ຊື່ໆຟຸບໝົດສະຕິຄາດອາຫານຄາຄໍ ສຸດທ້າຍເສຍຊີວິດ

0
315

ເກີດເລື່ອງເສົ້າກັບ ໜຸ່ມໄວກາງຄົນ ກິນເຂົ້າແລ້ວແຄ້ນ ຫຼັງກິນອີ່ມໃໝ່ໆ ແລ້ວຂຶ້ນຂັ້ນໄດ ຢູ່ຊື່ໆ ຟຸບໝົດສະຕິ ຄາດວ່າອາຫານຕິດຄໍ ຈົນແຄ້ນແລະແໜ້ນເອິກ ຫາຍໃຈບໍ່ອອກ ສຸດທ້າຍເສຍຊີວິດ.

ເຫດການດັ່ງກ່າວ ແມ່ນເກີດຂຶ້ນທີ່ປະເທດໄທ ແຕ່ຢາກຍົກຂຶ້ນມາເປັນອຸທາຫອນ ເຕືອນສະຕິໃຫ້ທຸກຄົນລະມັດລະວັງໃຫ້ຫຼາຍຂຶ້ນໃນການຮັບປະທານອາຫານ.ເຈົ້າໜ້າທີ່ກູ້ໄພທໍາມະລັດສະໝີມະນີລັດ ເລັ່ງປໍ້າຫົວໃຈ ຊ່ວຍເຫຼືອທ້າວ ຣຸ່ງໂຣດ ອາຍຸ 33ປີ ຫຼັງເປັນລົມ ລົ້ມລົງໝົດສະຕິເທິງຂົວຂ້າມທາງຂ້າມແຍກຫ້າງສັບພະສິນຄ້າແຫ່ງໜຶ່ງປະເທດໄທ, ເຊິ່ງລະຫວ່າງທີ່ປໍ້າຫົວໃຈຢູ່ນັ້ນ ກໍ່ມີເສດອາຫານຟົ້ງອອກມາຈາກລໍາຄໍ ຄາດວ່າໜ້າຈະເປັນສາເຫດເຮັດໃຫ້ຫາຍໃຈບໍ່ອອກ.

ດ້ານພີ່ນ້ອງທີ່ມານໍາກັນໃຫ້ຂໍ້ມູນວ່າ ຫຼັງຈາກທີ່ຜູ້ເສຍຊີວິດຮັບປະທານອາຫານແລ້ວ ກໍ່ຍ່າງຂື້ນຂັນໃດຂົວຂ້າມທາງໄປອີກຝັ່ງໜຶ່ງທັນທີ ຄາດວ່າອາດເມື່ອຍ ແໜ້ນໜ້າເອິກ ເຊິ່ງມີຜູ້ທີ່ເຫັນເຫດການບອກວ່າ ຢູ່ຊື່ໆກໍ່ລົ້ມຟຸບລົງໄປ.