ອຸຕຸເຕືອນໄພນໍ້າຖ້ວມ ຢູ່ປະເທດເຮົາ ຈາກອິດທິພົນພາຍຸນັງກາ

0
186

ອຸຕຸເຕືອນໄພນໍ້າຖ້ວມ ຢູ່ປະເທດເຮົາ ຈາກອິດທິພົນພາຍຸນັງກາ ໃນວັນທີ 12 ຕຸລາ 2020 ກົມອຸຕຸນິຍົມ ແລະ ອຸທົກກະສາດ ໄດ້ອອກແຈ້ງເຕືອນປະຊາຊົນບັນດາເຜົ່າ ໃນຂອບເຂດທົ່ວປະເທດ ໃຫ້ກຽມຄວາມພ້ອມຮັບມືກັບສະພາບນໍ້າປ່າໄຫລຊຸ ແລະ ນໍ້າຖ້ວມໃນຫລາຍທ້ອງຖິ່ນ ເນື່ອງຈາກວ່າ ໃນວັນທີ 12 ຕຸລາ 2020 ນີ້ ພະຍຸດີເປຣຊັນ ທີ່ກໍ່

ຕົວຢູ່ດ້ານຕາເວັນຕົກຂອງປະເທດຟີລີບປີນ ພວມເຄື່ອນທີ່ມາທາງທິດຕາເວັນຕົກດ້ວຍຄວາມໄວ 15 ກິໂລແມັດຕໍ່ຊົ່ວໂມງ ແລະ ຈະເພີ່ມກໍາລັງແຮງຂຶ້ນກາຍເປັນພາຍຸໝູນເຂດຮ້ອນ ນັງກາ (Nang Ka) ຫົວທີ 16 ປະຈໍາປີ 2020 ຄາດວ່າ ພະຍຸຫົວນີ້ ຈະສືບຕໍ່ເຄື່ອນທີ່ຜ່ານເກາະໄຮ້ໜຳ ແລະ ເຄື່ອນທີ່ຂຶ້ນຝັ່ງທາງພາກເໜືອຂອງ ສສ

ຫວຽດນາມ ໃນວັນທີ 15 ຕຸລາ 2020 ແລະ ວົງລັດສະໝີຂອງພາຍຸຫົວດັ່ງກ່າວ ກວມເອົາເຂດພາກເໜືອດ້ານຕາເວັນອອກຂອງປະເທດລາວ, ຊຶ່ງຈະເຮັດໃຫ້ມີຝົນຕົກ ຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປໃນແຕ່ລະພາກ ແລະ ຕົກປານກາງຫາຕົກໜັກ, ພ້ອມມີລົມພັດແຮງເປັນບາງໂອກາດ ຢູ່ບາງທ້ອງຖິ່ນແຂວງພາກເໜືອດ້ານຕາເວັນ

ອອກ ລົງຫາພາກກາງ ແລະ ພາກໃຕ້.ດັ່ງນັ້ນ, ຈຶ່ງແຈ້ງເຕືອນໃຫ້ປະຊາຊົນໃນເຂດດັ່ງກ່າວ ມີສະຕິຕໍ່ສະພາບຝົນຕົກຫນັກ, ນໍ້າຖ້ວມຊຸ ແລະ ນໍ້າຖ້ວມອັ່ງ ແລະ ໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດເປັນປະຈໍາ.