ດວງລາຍວັນປະຈຳວັນທີ 12 ຕຸລາ 2020 ການງານ ການເງິນ ຄວາມຮັກ

0
342

ຄົນເກີດວັນຈັນ:ການ​ງານ​ ການ​ພັດທະນາ​ຕົນເອງ​ຈະ​ສາມາດ​ນຳ​ຄວາມ​ສຳ​ເລັດ​ມາສູ່​ຕົນເອງ​ໄດ້​ ການ​ເລີ່ມ​ລົງ​ມື​ເຮັດ​ຈະ​ດີກວ່າ​ແຕ່​ຄິດ​ຢ່າງ​ດຽວ​ ການ​ເງິນ​ ຢ່າ​ໃຊ້​ຈ່າຍ​ເງິນ​ເກີນ​ຕົວ​ຈົນ​ຕ້ອງ​ດຶງ​ເງິນ​ຂອງ​ອະນາຄົດ​ອອກ​ມາ​ໃຊ້​ຈ່າຍ​ໄປ​ກ່ອນ​ ຕ້ອງ​ວາງ​ແຜນ​ ແລະ​ໃຊ້​ເງິນ​ຢ່າງ​ຮອບ​ຄອບ​ ແລະ​ ປະ​ຢັດ​ ຄວາມ​ຮັກ​ ຖ້າ​​ຈະ​ພົບ​ໃຜ​ໃນ​ໄລຍະ​ນີ້​ໂດດ​ເດັ່ນ​ເປັນ​ຄົນ​ຜິວ​ຂາວ​ ລາວ​ຈະ​ເຂົ້າໃຈ​ທ່ານ​ໄດ້​ເປັນ​ຢ່າງ​ດີ

ຄົນເກີດວັນອັງຄານ:ການ​ງານ​ ຄວາມ​ສ້າງສັນ​ ຄວາມ​ພະຍາຍາມ​ ການ​ກ້າ​ທີ່​ຈະ​ປ່ຽນ​ແປງ​ຈະ​ກໍ່​ໃຫ້​ເກີດ​ຄວາມ​ສຳ​ເລັດ​ທີ່​ດີ​ ການ​ລອງ​ຜິດ​ລອງ​ຖືກ​ຈະ​ນຳ​ມາ​​ປະສົບການ​ທີ່​ເປັນ​ປະໂຫຍດ​ໃນ​ການເຮັດ​ທຸລະກິດ​ ການ​ເງິນ ຫາ​ໃຊ້​ຈ່າຍ​ ຕ້ອງ​ມີ​ເລື່ອງ​ໃຊ້​ຈ່າຍ​ອອກ​ໄປ​ແດ່​ ໄລຍະນີ້​ຕ້ອງ​ລະ​ວັງ​ຄົົນທີ່​ຈະ​ເຂົ້າ​ມາ​ຢືມ​ເງິນ​ ເພາະ​ຈະ​ໄດ້​ຄືນ​ຊ້າ​ ຫລື​ບໍ່​ໄດ້​ຄືນ​ ຄວາມ​ຮັກ​ ຈະ​ພົບ​ຄົນ​ເກັ່ງ​ ມີ​ຄວາມ​ສາມາດ​ ສະຫລຽວ​ສະຫລາດ​ ໝັ້ນໃຈ​ໃນ​ຕົນເອງ​ສູງ​ ຜິວ​ສອງ​ສີ​

ຄົນເກີດວັນພຸດ:ການ​ງານ​ ການ​ເປັນ​ຄົນ​ລະອຽດ​ຮອບ​ຄອບ​ ແລະ​ຄວາມດຸໝັ່ນຂອງ​ທ່ານຈະ​ນຳ​ມາ​ຊຶ່ງ​ຄວາມ​ສຳ​ເລັດ​ທີ່​ດີ​ ການ​ເງິນ ມີ​ທັງ​ຮັບ​ທັງ​ຈ່າຍ​ ແຕ່​ໃນ​ໄລຍະ​ນີ້​ໃຊ້​ຄວາມ​ປະຢັດ​ເອົາ​ໄວ້​ຈະ​ດີ​ທີ່ສຸດ​ ຄວາມ​ຮັກ​ ຍັງ​ບໍ່​ລົງ​ຕົວ​ດ້ານ​ຄວາມ​ຮັກ​ ຄວາມ​ສຳພັນ​ໃນ​ໄລຍະນີ້​ ເພາະ​ຍັງ​ເກີດ​ຄວາມ​ເຂົ້າໃຈ​ກັນ​ຜິດ​ຢູ່​ນັ້ນ​ເອງ​

ຄົນເກີດວັນພະຫັດ:ການ​ງານ​ ຕິດ​ຕາມ​ຂໍ້​ມູນ​ຂ່າວ​ສານ​ແລ້ວ​ຈະ​ກໍ່​ໃຫ້​ເກີດ​ໂຊກ​ ແລະ​ຄວາມ​ສຳ​ເລັດ​ ຈາກ​ການ​ປະ​ຍຸກ​​ໃຫ້​ເຂົ້າ​ກັບ​ອາ​ຊີບ​ຂອງ​ຕົນເອງ​ ການ​ເງິນ​ ຍັງ​ຢູ່ໃນ​ເກນ​ຊົງ​ຕົວ​ ບໍ່​ມີ​ເລື່ອງ​ເດືອດ​ຮ້ອນ​ໃດ​ໆ​ ໃນ​ໄລຍະນີ້​ ເມື່ອ​ໃຊ້​ຄວາມ​ປະ​ຢັດ​ຈະ​ເຮັດໃຫ້​ມີ​ເງິນ​ເກັບ​ ຄວາມ​ຮັກ​ ເບິ່ງ​ຄື​ຈະ​ດີ​ ແຕ່​ກໍ​ຍັງ​ບໍ່​ແມ່ນ​ ບໍ່​ເຖິງ​ກັບ​ທຸກ​ເກີນ​ໄປ​ ມີ​ເລື່ອງ​ກວນ​ໃຈ​ດ້ວຍ​ ແຕ່​ກໍ​ຍັງ​ພໍ​ທີ່​ຈະ​ປັບ​ຕົວ​ເຂົ້າ​ຫາ​ກັນ​ໄດ້​

ຄົນເກີດວັນສຸກ:ການ​ງານ​ ຄວາມ​ສ້າງສັນ​ຈະ​ນຳ​ພາ​ໂອ​ກາດ​ ແລະ​ຄວາມ​ສຳ​ເລັດ​ທີ່​ດີ​ມາສູ່​ຕົນເອງ​ ຜູ້​ທີ່ຖ້າ​ຕຳແໜ່ງ​ຢູ່​ມີ​ໂອ​ກາດ​ໄດ້​ເລື່ອນ​ຂັ້ນ​ ເລື່ອນ​ຕຳແໜ່ງ​ການ​ເງິນ​ ມີ​ແຕ່​ເລື່ອງ​ຈ່າຍ​ໃນ​ໄລຍະ​ນີ້​ ແມ່ນ​ຈະ​ພະຍາຍາມ​ຫຼີກ​ເວັ້ນແລ້ວ​ ແຕ່​ເລື່ອງ​ເຫຼົ່າ​ນັ້ນ​ກໍ​ຈະ​ວົນ​ກັບ​ມາ​ ຈຶ່ງ​ຕ້ອງ​ຈ່າຍ​ອີກ​ຢູ່​ດີ​ ຄວາມ​ຮັກ​ ທ່ານເປັນ​ຜູ້​ທີ່​ມີ​ສະເໜ່​ ມີ​ໂອ​ກາດ​ພົບ​ຄູ່​ ພົບ​ຄົົນທີ່​ຖືກ​ໃຈ​ ແຕ່​ທ່ານ​ຈະ​ເປັນ​ຄົນ​ໃຈ​ຮ້ອນ​ໄປ​ໜ້ອຍໜຶ່ງ

ຄົນເກີດວັນເສົາ:ການ​ງານ​ ຄວາມ​ສ້າງສັນ​ ແລະ​ຄວາມ​ພະຍາຍາມ​ຂອງ​ທ່ານ​ ຈະ​ສ້າງ​ຄວາມ​ເກັ່ງ​ ແລະ​ຄວາມ​ສາມາດ​ບາງຢ່າງ​ທີ່​ກໍ່​ໃຫ້​ເກີດ​ການເຮັດ​ທຸລະກິດ​ທີ່​ສຳ​ເລັດ​ ກ້າ​ທີ່​ຈະ​ປ່ຽນ​ແປງ​ ແລະ​ພັດທະນາ​ຕົນເອງ​ສະເໝີ​ ການ​ເງິນ​ ໃນ​ໄລຍະນີ້​ຕ້ອງ​ໃຊ້​ເງິນ​ເປັນ​ຈຳນວນ​ຫລາຍ​ ແລະ​ລະ​ວັງ​ການ​ດຶງ​ເງິນ​ໃນ​ອະນາຄົດ​ອອກ​ມາ​ໃຊ້​ຈ່າຍ​ໄປ​ກ່ອນ​ ຊຶ່ງ​ບໍ່​ຄວນ​ເຮັດ​ຄວາມ​ຮັກ​ ຍັງ​ບໍ່​ລົງ​ຕົວ​ໃນ​ເລື່ອງ​ຄວາມ​ສຳພັນ​ດ້ານ​ຄວາມ​ຮັກ​ ໄລຍະ​ນີ້​ຄວນ​ໃຊ້​ຊີວິດ​ກັບ​ຄວາມ​ເປັນ​ອິດສະຫລະ​ໄປ​ກ່ອນ​

ຄົນເກີດວັນອາທິດ:ການ​ງານ​ ຈະ​ເຮັດ​ສິ່ງ​ໃດ​ຈະ​ປະ​ສົບ​ຜົນ​ສຳ​ເລັດ​ ໂດຍ​ສະເພາະ​ກັບ​ການ​ເຈລະຈາ​ ຈະ​ປະ​ສົບ​ຜົນ​ສຳ​ເລັດ​ຢ່າງ​ຕໍ່​ເນື່ອງ​ ການ​ເງິນ​ ມີ​ທັງ​ຮັບ​ທັງ​ຈ່າຍ​ໃນ​ໄລຍະ​ນີ້ສະຫຼັບ​ປັບ​ປ່ຽນ​ກັນ​ໄປ​ ໃຊ້​ຄວາມ​ປະ​ຢັດ​ແດ່​ຈຶ່ງ​ຈະ​ເປັນ​ຜົນ​ດີີ​ກັບ​ຕົນເອງ​ ຄວາມ​ຮັກ​ ຖ້າຈະ​ໄດ້​ພົບ​​ໃຜ​ໃນ​ໄລຍະ​ນີ້​ທີ່​ຈະ​ມີ​ເຂົ້າ​ມາ​ ທ່ານ​ເປັນ​ຄົນ​ເກັ່ງ​ ມີ​ຄວາມ​ສາມາດ​ ມີ​ຊື່​ສຽງ​ໃນ​ແວດ​ວົງ​ການ​ຂອງ​ທ່ານ​