ເຈົ້າຄອງນະຄອນຫຼວງວຽງຈັນ ອອກແຈ້ງການ ຫ້າມຜະລິດນໍາເຂົ້າຊື້-ຂາຍ ມີໄວ້ໃນຄອບຄອງ ຈຸດ ຫຼື ຍິງຫມາກກະໂພກ

0
41

ເຈົ້າຄອງນະຄອນຫຼວງວຽງຈັນ ອອກແຈ້ງການ:1. ໃຫ້ເຈົ້າຫນ້າທີ່ ຕໍາຫຼວດ, ທະຫານ, ກອງຫຼອນ, ພາສີ, ກວດກາການຄ້າ ຂອງນະຄອນຫຼວງ, ເມືອງ, ບ້ານ ເອົາໃຈໃສ່ຈັດຕັ້ງປະຕິບັດ ຄໍາສັ່ງເພີ່ມທະວີຈັດຕັ້ງປະຕິບັດ ການຫ້າມຜະລິດ, ນໍາເຂົ້າ, ຂົນສົ່ງ, ຊື້-ຂາຍ, ມີໄວ້ໃນ ຄອບຄອງ, ຈຸດ ຫຼື ຍິງຫມາກກະໂພກ, ບັ້ງໄຟດອກ, ໂຄມໄຟ

ລອຍຟ້າ ແລະ ກໍ່ສຽງແຕກ ໃນຕົວເມືອງ ແລະ ຊານເມືອງ ນະຄອນຫຼວງວຽງຈັນ ສະບັບເລກທີ 01/ຈນວ, ລົງວັນທີ 16 ມັງກອນ 2023, ໂດຍສະເພາະ ໃນງານສະເຫຼີມສະຫຼອງ ແລະ ເບີກບານມ່ວນຊື່ນຕ້ອນຮັບປີໃຫມ່ສາກົນ, ປີໃຫມ່ລາວ, ປີໃຫມ່ຊົນເຜົ່າຕ່າງໆ (ນໍເປເຈົ້າ, ກະ ເລີ່…), ປີໃຫມ່ຈີນ (ຕຸດຈີນ), ປີໃຫມ່ຫວຽດນາມ

(ເຕັດຫວຽດ), ງານເປີດບໍລິສັດ ຫ້າງຮ້ານ ແລະ ກິດຈະການຕ່າງໆ ຫຼື ໃນຍາມໂສກເສົ້າເສຍໃຈ ເຊັ່ນ: ຍິງປືນ ຫຼື ຈຸດຫມາກກະໂພກເວລາມີຄົນໃນຄອບຄົວເສຍຊີວິດ ຫຼື ໃນງານຊາປະ ນາກິດສົບ…; ໃຫ້ປະຕິບັດມາດຕະການ ຕໍ່ຜູ້ທີ່ລະເມີດ ຕາມຂໍ້ທີ 2 ຂອງຄໍາສັ່ງສະບັບດັ່ງກ່າວ ຢ່າງເດັດຂາດ ແລະ ເຂັ້ມງວດ.

2. ໃຫ້ຄະນະພັກ-ອົງການປົກຄອງເມືອງ, ຫນ່ວຍພັກ-ອົງການປົກຄອງບ້ານ, ອົງການຈັດຕັ້ງມະຫາຊົນ, ແນວ ລາວສ້າງຊາດ ແລະ ອົງການພາຄີ ຢູ່ເມືອງ, ຢູ່ບ້ານ ເພີ່ມທະວີການເຮັດວຽກງານສຶກສາອົບຮົມ, ອະທິບາຍຊີ້ແຈ້ງ ແລະ ປຸກລະດົມການຮ່ວມມືຂອງປະຊາຊົນ, ບຸກຄົນ, ນິຕິບຸກຄົນ ແລະ ການຈັດຕັ້ງ ທີ່ເຄື່ອນໄຫວຢູ່ເມືອງ, ຢູ່ບ້ານ

ຂອງຕົນ ບໍ່ໃຫ້ລັກລອບ ພ້ອມກັນນັ້ນ ກໍ່ຊ່ວຍເປັນຫູເປັນຕາ ຕິດຕາມ ແລະ ແຈ້ງບໍ່ແສການລັກລອບ ຜະລິດ, ນໍາ ເຂົ້າ, ຂົນສົ່ງ, ມີໄວ້ໃນຄອບຄອງ, ຄ້າຂາຍ ແລະ ຈຸດ ຫຼື ຍິງຫມາກກະໂພກ, ບັ້ງໄຟດອກ, ໂຄມໄຟລອຍຟ້າ ແລະ ວັດຖຸກໍ່ສຽງແຕກທຸກຊະນິດ ຢູ່ບ້ານເມືອງຂອງຕົນ ໃຫ້ເຈົ້າຫນ້າທີ່ກ່ຽວຂ້ອງ ໄປແກ້ໄຂຢ່າງທັນການ.

3. ໃຫ້ຫົວຫນ້າ-ຮອງຫົວຫນ້າກອງບັນຊາການ, ພະແນກການ, ຫ້ອງການ ແລະ ອົງການທຽບເທົ່າຂັ້ນ ນະຄອນຫຼວງ, ຂັ້ນເມືອງ ເປັນແບບຢ່າງ ແລະ ຊີ້ນໍານໍາພາທະຫານ, ຕໍາຫຼວດ, ພະນັກງານ, ລັດຖະກອນຂອງຕົນ ລົງ ຮາກຖານກັບທີ່ຢູ່ບ້ານໃຜບ້ານລາວ, ອັດສໍາເນົາເອົາຄໍາສັ່ງ ສະບັບເລກທີ 01/ຈນວ ໄປແຈກຢາຍໃຫ້ໄດ້ຢ່າງຫ

ນ້ອຍຜູ້ ລະ 10 ສະບັບ ໃຫ້ຫນ່ວຍ 10 ຫຼັງຄາເຮືອນ, ພ້ອມທັງເຂົ້າຮ່ວມໂຄສະນາເຜີຍແຜ່ ແລະ ຊ່ວຍອົງການປົກຄອງບ້ານ ພາກັນຕິດຕາມ ກວດກາ ສະກັດກັ້ນ ແລະ ແກ້ໄຂບັນຫາການລັກລອບຜະລິດ, ນໍາເຂົ້າ, ຂົນສົ່ງ, ມີໄວ້ໃນຄອບຄອງ, ຄ້າຂາຍ, ຈຸດ ຫຼື ຍິງຫມາກກະໂພກ, ບັ້ງໄຟດອກ, ໂຄມໄຟລອຍຟ້າ ແລະ ວັດຖຸກໍ່ສຽງແຕກ

ທຸກຊະນິດ ຢູ່ພາຍໃນ ບ້ານເມືອງຂອງຕົນ ຕາມຫຼັກການທີ່ວ່າ: “ເຫດເກີດຢູ່ບ່ອນໃດ ບ່ອນນັ້ນຕ້ອງຮັບຜິດຊອບ”, ຫມາຍຄວາມວ່າ: “ມີສຽງ ແຕກຢູ່ບ້ານເມືອງໃດ ເຈົ້າຫນ້າທີ່, ພະນັກງານ, ລັດຖະກອນ ແລະ ປະຊາຊົນຢູ່ບ້ານເມືອງນັ້ນ ຕ້ອງຮັບຜິດຊອບ”.

4. ໃຫ້ເຈົ້າຫນ້າທີ່ຕໍາຫຼວດ ແຕ່ຂັ້ນນະຄອນຫຼວງ ລົງຮອດກຸ່ມບ້ານ ແລະ ທະຫານຂອງນະຄອນຫຼວງ, ເມືອງ ແລະ ກອງຫຼອນບ້ານ ເພີ່ມທະວີຄວາມວ່ອງໄວ ແລະ ທັນສະໄຫມ ໃນການສືບຂ່າວ, ກໍານົດ ແລະ ຕິດຕາມເປົ້າຫມາຍ ເຂົ້າກວດຄົ້ນ, ຢຶດ ແລະ ນໍາເອົາຫມາກກະໂພກ, ບັ້ງໄຟດອກ, ໂຄມໄຟລອຍຟ້າ ແລະ ວັດຖຸກໍ່ສຽງແຕກທຸກ

ຊະນິດ ທີ່ລັກລອບຜະລິດ, ນໍາເຂົ້າ, ຂົນສົ່ງ, ມີໄວ້ໃນຄອບຄອງ ແລະ ຄ້າຂາຍຢູ່ນະຄອນຫຼວງວຽງຈັນ ໄປເກັບໄວ້ໃນທີ່ ປອດໄພ ຫຼື ທໍາລາຍຖິ້ມ ແລະ ດໍາເນີນມາດຕະການຕໍ່ຜູ້ລະເມີດ ດ້ວຍຄວາມເຂັ້ມງວດ ແລະ ເດັດຂາດທີ່ສຸດ.

5. ໃຫ້ເຈົ້າຫນ້າທີ່ພາສີ ປະຈໍາ ນະຄອນຫຼວງວຽງຈັນ ສົມທົບກັບເຈົ້າທີ່ປະຈໍາດ່ານກວດກາຄົນເຂົ້າ-ອອກ ເມືອງ ແລະ ເຈົ້າຫນ້າທີ່ປ້ອງກັນຊາຍແດນ ທົ່ວນະຄອນຫຼວງວຽງຈັນ ເພີ່ມທະວີການຕິດຕາມ ກວດກາ ລາດຕະເວນ ສະກັດກັ້ນ ແລະ ແກ້ໄຂບັນຫາການລັກລອບນໍາເຂົ້າ ແລະ ຂົນສົ່ງຫມາກກະໂພກ, ບັ້ງໄຟດອກ, ໂຄມໄຟລອຍຟ້າ ແລະ ວັດຖຸກໍ່ສຽງແຕກທຸກຊະນິດ ບໍ່ໃຫ້ເລັດລອດເຂົ້າມານະຄອນຫຼວງວຽງຈັນ ແລະ ປະເທດຂອງພວກເຮົາ ຢ່າງ ເດັດຂາດ ແລະ ເຂັ້ມງວດທີ່ສຸດ.