ອັບເດດ 2022 ລາວ ຕິດອັນທີ 3 ທີ່ມີນັກທ່ອງທ່ຽວ ເດີນທາງ ໄປທ່ອງທ່ຽວປະເທດໄທ ຫຼາຍທີ່ສຸດ ເຊິ່ງມີຈຳນວນ 789,351 ຄົນ ຫຼັງຈາກເລັ່ງການຟື້ນໂຕໃນເຄິ່ງປີຫຼັງ ການທ່ອງທ່ຽວໄທ’ ສືບຕໍ່ເກັບກຳ ແລະ ມີໂຕເລກນັກທ່ອງທ່ຽວເພີ່ມຂຶ້ນ ຢ່າງຕໍ່ເນື່ອງ ຄາດວ່າ ຈົບປີ 2022 ຈະມີນັກທ່ອງທ່ຽວຕ່າງປະເທດສະສົມຕະຫຼອດປີຫຼາຍກວ່າ 11 ລ້ານຄົນ ສ້າງລາຍຮັບໄດ້ປະມານ 700 ຕື້ບາດ.
ຕັ້ງແຕ່ຕົ້ນປີ ‘ນັກທ່ອງທ່ຽວອິນເດຍ’ ກາຍເປັນນັກທ່ອງທ່ຽວໄທທີ່ນິຍົມທີ່ສຸດແທນຈີນ ແຕ່ເມື່ອເຂົ້າສູ່ເຄິ່ງປີຫຼັງ ‘ນັກທ່ອງທ່ຽວມາເລເຊຍ’ ແລະ ປະເທດອື່ນໆ ໃນອາຊຽນ ມີການຟື້ນຕົວຢ່າງຕໍ່ເນື່ອງ ແລະ ທ້າຍທີ່ສຸດ ‘ມາເລເຊຍ’ ຖືກຈັດເປັນອັນດັບ 1 ຂອງນັກທ່ອງທ່ຽວທີ່ເຂົ້າມາທ່ຽວປະເທດໄທຫຼາຍທີ່ສຸດໃນປີນີ້.
ຮອງລົງມາແມ່ນອິນເດຍເກືອບ 1 ລ້ານຄົນ, ຮອງລົງມາແມ່ນປະເທດອາຊຽນ, ລາວ, ກຳປູເຈຍ ແລະ ສິງກະໂປ ນຳມາເປັນອັນດັບທີ 3-5, ສ. ເກົາຫຼີ ເປັນອັນດັບທີ 6 ແລະ ອັນດັບທີ 7 ເປັນນັກທ່ອງທ່ຽວຈາກຫວຽດນາມ.
ໃນຂະນະທີ່ຝັ່ງຕາເວັນຕົກມີ ສະຫະລັດອາເມຣິກາ, ສະຫະລາຊະອານາຈັກ ແລະ ຣັດເຊຍ ອັນດັບ 8-10 ມີປະມານ 3-4 ແສນຄົນ, ຂະນະທີ່ ແຊ້ມເກົ່າ ‘ຈີນ’ ເຄີຍເປັນຕະຫຼາດສຳຄັນຂອງໄທ ປີນີ້ຢູ່ອັນດັບທີ 14, ແຕ່ຫຼາຍຄົນເຊື່ອວ່າປີ 2023 ຈະເປັນປີທີ່ຈະເລີນຮຸ່ງເຮືອງຂອງຕະຫຼາດຈີນ.
ທີ່ມາຈາກ: TODAY Review
