ການລາດຕະເວນບັງຄັບໃຊ້ກົດໝາຍຮ່ວມຕາມລຳແມ່ນ້ຳຂອງລະຫວ່າງຈີນ-ລາວ-ມຽນມາ-ໄທ ຄັ້ງທີ 120 ສິ້ນສຸດລົງຢ່າງສຳເລັດຜົນ
ໃນເວລາ 9 ໂມງ ຂອງວັນທີ 26 ສິງຫານີ້, ເຮືອບັງຄັບໃຊ້ກົດໝາຍຂອງຈີນ 3 ລຳທີ່ເຂົ້າຮ່ວມ ການລາດຕະເວນບັງຄັບໃຊ້ກົດໝາຍຮ່ວມຕາມລຳແມ່ນ້ຳຂອງລະຫວ່າງຈີນ-ລາວ-ມຽນມາ-ໄທ ຄັ້ງທີ 120 ໄດ້ຈອດຢູ່ທ່າກຳປັ່ນກ່ວນເຫຼີຍກິ່ງແຂວງສິບສອງພັ່ນນາຂອງຈີນ ເຊິ່ງເປັນຂີດໝາຍສະແດງໃຫ້ເຫັນວ່າ ການລາດຕະເວນບັງຄັບໃຊ້ກົດໝາຍຮ່ວມຄັ້ງນີ້ໄດ້ຮັບຜົນຢ່າງເຕັມເມັດເຕັມໜ່ວຍ.
ພາກສ່ວນບັງຄັບໃຊ້ກົດໝາຍຂອງ 4 ປະເທດດັ່ງກ່າວໄດ້ສົ່ງກຳປັ່ນລວມ 5 ລຳເຂົ້າຮ່ວມ ການເຄື່ອນໄຫວຄັ້ງນີ້,ໃຊ້ເວລາ 4 ວັນ 3 ຄືນ, ໄລຍະເດີນທາງລວມ600ກວ່າກິໂລແມັດ.
ໃນການເຄື່ອນໄຫວຄັ້ງນີ້, ພາກສ່ວນບັງຄັບໃຊ້ກົດໝາຍຂອງຈີນ ລາວ ມຽນມາ-ໄທລ້ວນແຕ່ໄດ້ເພີ່ມທະວີການໂຈມຕີອາຊະຍາກຳປະເພດຕ່າງໆໃນເຂດຕາມລຳແມ່ນ້ຳຂອງ. ນັບແຕ່ເດືອນສິງຫານີ້ເປັນ
ຕົ້ນມາ, ພາກສ່ວນບັງຄັບໃຊ້ກົດໝາຍຂອງ 4 ປະເທດດັ່ງກ່າວໄດ້ມ້າງຄະດີຢາເສບຕິດຢູ່ເຂດລ້ອງແມ່ນ້ຳຂອງລວມ33ຄະດີ,ຢຶດຢາເສບຕິດປະເພດຕ່າງໆໄດ້ 6,75 ໂຕນ, ເຊິ່ງໄດ້ໂຈມຕີອາຊະຍາກຳດ້ານຢາເສບຕິດພາຍໃນເຂດລ້ອງແມ່ນ້ຳຂອງຢ່າງມີປະສິດທິຜົນ, ເຮັດໃຫ້ຜູ້ກໍ່ອາຊະຍາກຳດ້ວຍປືນແລະລູກລະເບີດພາຍໃນເຂດລ້ອງແມ່ນ້ຳຂອງມີຄວາມສະທ້ານຢ້ານກົວ.
Cr: CRI-FM93
