ເຈົ້າເມືອງໄຊຍະບູລີ ມອບເຄື່ອງຊ່ວຍເຫລືອຄອບຄົວທີ່ຖືກຜົນກະທົບຈາກໄພນ້ຳຖ້ວມ

0
40

ເຈົ້າເມືອງໄຊຍະບູລີ ມອບເຄື່ອງຊ່ວຍເຫລືອຄອບຄົວທີ່ຖືກຜົນກະທົບຈາກໄພນ້ຳຖ້ວມ

ຂປລ. ແຫລ່ງຂ່າວຈາກ ແຂວງໄຊຍະບູລີ ໃຫ້ຮູ້ວ່າ: ວັນທີ 12 ສິງຫາ 2022 ນີ້ທ່ານ ບຸນແທນ ທີແກ້ວ ເຈົ້າເມືອງໄຊຍະບູລີ ພ້ອມດ້ວຍຄະນະກຳມະການຄຸ້ມຄອງໄພພິບັດ ຂັ້ນເມືອງ ໄດ້ລົງມອບເຄື່ອງຊ່ວຍເຫລືອ ປະກອບມີເຂົ້າສານ, ເຄື່ອງໃຊ້ໃນຄົວເຮືອນ ແລະ ເຄື່ອງນຸ່ງຫົ່ມ ລວມມູນຄ່າ 2,5 ລ້ານກວ່າກີບ ໃຫ້ປະຊາຊົນບ້ານທ່າ ແລະ ບ້ານນາມອນ ທີ່ຖືກນ້ຳປ່າໄຫລຊຸແຮງເຂົ້າຖ້ວມເຂດ

ບ້ານເຮືອນ ໂດຍສະເພາະ ບ້ານທ່າ ແມ່ນຂົວຂ້າມນ້ຳຂາດ ແລະ ເຮືອນຂອງປະຊາຊົນເປ່ເພຈຳນວນ 1 ຫລັງ, ປັດຈຸບັນບໍ່ສາ ມາດປະເມີນຄວາມເສຍຫາຍໄດ້ເທື່ອ, ສ່ວນຂົວດັ່ງກ່າວ, ພາກສ່ວນທີ່ກ່ຽວຂ້ອງກຳລັງເລັ່ງສ້ອມແປງເພື່ອໃຫ້ນຳໃຊ້ໄດ້ປົກກະຕິ.

ໃນໂອກາດນີ້, ຄະນະກຳມະການຄ້ມຄອງໄພພິບັດ ຂັ້ນເມືອງ ຂໍແຈ້ງເຕືອນເຖິງປະຊາຊົນບັນດາເຜົ່າ ແລະ ອົງການປົກຄອງທຸກພາກສ່ວນ ພາຍໃນເມືອງ ໂດຍສະເພາະຜູ້ທີ່ອາໄສຢູ່ລຽບແຄມແມ່ນໍ້າ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ, ໃຫ້ຕິດຕາມການລາຍງານຂ່າວພະຍາກອນອາກາດຈາກ ກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ.