ກົມໃຫຍ່ຕໍາຫຼວດ ປະກາດຍົກຍ້າຍ, ແຕ່ງຕັ້ງ, ຊັບຊ້ອນນາຍ ແລະ ພົນຕໍາຫຼວດ

    0
    81

    ໃນວັນທີ 5 ສິງຫາ 2022, ກົມໃຫຍ່ຕໍາຫຼວດ ກະຊວງ ປກສ ໄດ້ຈັດພິທີປະກາດຍົກຍ້າຍ, ແຕ່ງຕັ້ງ, ຊັບຊ້ອນນາຍ ແລະ ພົນຕໍາຫຼວດ ເປັນປະທານໂດຍ ພົຕ ຄໍາກິ່ງ ຜຸ້ຍຫຼ້າມະນີວົງ ຫົວໜ້າກົມໃຫຍ່ຕໍາຫຼວດ ມີຮອງຫົວໜ້າ, ຄະນະກົມໃຫຍ່, ຫ້ອງ, ກົມ-ກອງ, ພະ ແນກ, ແຂກຮັບເຊີນ, ພະນັກງານ ຫຼັກແຫຼ່ງ ເຂົ້າຮ່ວມ.

    ພັອ ບຸນຫຼວງ ວິໄລສຸກ ຫົວໜ້າຫ້ອງການເມືອງ ກົມໃຫຍ່ຕໍາຫຼວດ ໄດ້ຜ່ານຂໍ້ຕົກລົງວ່າດ້ວຍການຍົກຍ້າຍ, ແຕ່ງຕັ້ງ, ຊັບຊ້ອນ ນາຍ ແລະ ພົນຕໍາຫຼວດ ວ່າ: ອີງຕາມກົດໝາຍ ວ່າດ້ວຍກໍາລັງປ້ອງກັນຄວາມສະຫງົບປະຊາຊົນ, ອີງຕາມດໍາລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງ ແລະ ເຄື່ອນໄຫວຂອງກະຊວງປ້ອງກັນຄວາມສະຫງົບ, ອີງຕາມໜັງສືສະເໜີຂອງກົມໃຫຍ່ການເມືອງ ກະຊວງປ້ອງກັນຄວາມສະຫງົບ ກ່ຽວກັບການສະເໜີຍົກຍ້າຍນາຍຕໍາຫຼວດທີ່ຂຶ້ນກັບກົມໃຫຍ່ຕໍາຫຼວດ. ດັ່ງນັ້ນ, ລັດຖະມົນຕີກະຊວງປ້ອງກັນຄວາມສະຫງົບ ຕົກລົງຍົກຍ້າຍ ພັອ ຄໍາແກ້ວ ມະໂນລາ ຈາກກົມໃຫຍ່ຕໍາຫຼວດ ໄປຮັບໜ້າທີ່ໃໝ່ຢູ່ກອງບັນຊາການປ້ອງກັນທີ່ຕັ້ງ, ພັອ ວາດສະໜາ ວິລະວົງ ຈາກກົມຕໍາຫຼວດສືບຂ່າວອາຍາ ໄປຮັບໜ້າທີ່ໃໝ່ຢູ່ກົມຕໍາຫຼວດນິິຕິວິທະຍາ, ພັທ ຫຼັງຄໍາ ຫອມສົມບັດ ຈາກກົມຕໍາຫຼວດສືບຂ່າວອາຍາ ໄປຮັບໜ້າທີ່ໃໝ່ຢູ່ສູນຄວບຄຸມລະບົບວົງຈອນປິດ, ພັທ ເກດມະນີ ວົງພະຈັນ ຈາກກົມຕໍາຫຼວດສືບຂ່າວອາຍາ ໄປຮັບໜ້າທີ່ໃໝ່ຢູ່ຫ້ອງການ, ພັທ ບໍລິວົງ ວົງຫຼວງລາດ ຈາກສູນຄວບຄຸມລະບົບວົງຈອນປິດ ໄປຮັບໜ້າທີ່ໃໝ່ຢູ່ກົມຕໍາຫຼວດສະກັດກັ້ນ ແລະ ຕ້ານອັກຄີໄພ. ແຕ່ງຕັ້ງ ພັທ ເກດມະນີ ວົງພະຈັນ ເປັນຫົວໜ້າຫ້ອງການ, ພັທ ບໍລິວົງ ວົງຫຼວງ ລາດ ເປັນຮອງຫົວໜ້າກົມຕໍາຫຼວດສະກັດກັ້ນ ແລະ ຕ້ານອັກຄີໄພ, ພັອ ວາດສະໜາ ວິລະວົງ ເປັນຮອງຫົວໜ້າກົມຕໍາຫຼວດນິຕິວິທະຍາ, ພັທ ຫຼົງຄໍາ ຫອມສົມບັດ ເປັນຮອງຫົວໜ້າສູນຄວບຄຸມວົງຈອນປິດ. ນອກນັ້ນ, ໃນພິທີ ຍັງໄດ້ມີການຊັບຊ້ອນນາຍ ແລະ ພົນຕໍາຫຼວດ ເຂົ້າປະຕິບັດໜ້າທີ່ຢູ່ບັນ ດາຫ້ອງ, ກົມ, ສູນ ທີ່ຂຶ້ນກັບກົມໃຫຍ່ຕໍາຫຼວດ.

    ໂອກາດດັ່ງກ່າວ, ພົຕ ຄໍາກິ່ງ ຜຸຍຫຼ້າມະນີວົງ ກ່າວວ່າ: ການປະກາດຍົກຍ້າຍ, ແຕ່ງຕັ້ງ, ຊັບຊ້ອນນາຍ ແລະ ພົນຕໍາຫຼວດຄັ້ງນີ້ແມ່ນປະຕິບັດຕາມລະ ບຽບກົດໝາຍ, ປະຕິບັດຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ, ຕອບສະໜອງໄດ້ໜ້າທີ່ການເມືອງ ແລະ ທັງເປັນການມອບໝາຍ ໜ້າທີ່ຮັບຜິດຊອບຢ່າງຖືກຕ້ອງ ແລະ ທຸກສະຫາຍທີ່ໄດ້ຮັບການຍົກຍ້າຍ, ແຕ່ງຕັ້ງ, ຊັບຊ້ອນຈົ່ງເຂົ້າໃຈວ່າແມ່ນການມອບໝາຍ ໜ້າທີ່ໃຫ້ມີຄວາມໜັກແໜ້ນ, ສາມາດປະຕິບັດໜ້າທີ່ການເມືອງຂອງຕົນໃຫ້ໄດ້ຮັບຜົນສໍາເລັດຕາມຄາດໝາຍທີ່ວາງໄວ້.

    LEAVE A REPLY

    Please enter your comment!
    Please enter your name here