ຊາຍຊາວໄນຈິເຣຍ ທີ່ຕິດເຊື້ອຝີດາດລິງທີ່ທາງໄທນຳຫາຕົວ ຕອນນີ້ພົບແລ້ວ ຢູ່ປະເທດກຳປູເຈຍ

0
72

ຂ່າວລ່າສຸດ: ວັນທີ​ 22​ ກໍລະກົດ​ 2022 ຜ່ານມາ​ ທາງການໄທປະກາດວ່າໜຸ່ມຊາວໄນຈີເຣຍທີ່ຕິດເຊື້ອໝາກສຸກລີງຢູ່ໄທ ໄດ້ລັກຫລົບໜີອອກຈາກສູນປິ່ນປົວຢູ່ຈັງຫວັດພູເກັດ​ ແລະ​ ມີເສັ້ນທາງໄປຈັງຫວັກສະແກ້ວ.​

ຫລ້າສຸດ ຕອນຄໍ່າຂອງວັນທີ​ 23​ ກໍລະກົດ​2022​ ນີ້ມີລາຍງານຈາກສຳນັກຂ່າວ ຊ່ອງ​ 7​ ຂອງໄທວ່າ​ ບຸກຄົນດັ່ງກ່າວນັ້ນໄດ້ຂ້າມໄປກຳປູເຈຍ ຖືກເຈົ້າໜ້າທີ່ຕຳຫລວດກຳປູເຈຍກັກຕົວໄວ້ຢູ່ທີ່ນະຄອນພະນົມເປນ ແລະ​ ຈະຖືກສົ່ງໄປຍັງກະຊວງສາທາລະນະສຸກ​ ເຊິ່ງອາດຈະຖືກດຳເນີນຄະດີຕາມກົດໝາຍ.

ຂ່າວກ່ອນໜ້ານີ້: ວັນທີ 22 ກໍລະກົດ 2022 ເພຈຂ່າວເລື່ອງເລົ່າເຊົ້ານີ້ ຂອງໄທ ໄດ້ລາຍງານຂ່າວວ່າ: ທ່ານ ອະນຸທິນ ຊານວິຣະກຸນ ຮອງນາຍົກລັດຖະມົນຕີ, ລັດຖະມົນຕີກະຊວງສາທາລະນະສຸກຂອງໄທ ກ່າວວ່າ: ໄດ້ຮັບລາຍງານກໍລະນີຊາວໄນຈີເລຍ ທີ່ຕິດເຊື້ອໝາກສຸກລີງ ເຂົ້າປິ່ນປົວຢູ່ໂຮງໝໍແຂວງພູເກັດ ໄດ້ໜີອອກຈາກໂຮງໝໍແລ້ວ ຂະນະນີ້ ຕຳຫລວດພວມຕິດຕາມຊອກຫາຢູ່.
ທ່ານ ອະນຸທິນ ຊານວິຣະກຸນ ກ່າວຕື່ມວ່າ: ກຳລັງເລັ່ງຕິດຕາມຊອກຫາມາໃຫ້ໄດ້ ແລະ ຈະຂຶ້ນຮູບຕາມຫາທົ່ວປະເທດ ໂດຍຈະລົງໂທດຕາມກົດໝາຍທຸກຢ່າງທີ່ມີລວມທັງ ພຣບ ພະຍາດຕິດຕໍ່. ຂະນະດຽວກັນອາດຈະເນລະເທດອອກຈາກປະເທດໄທ.

ສ່ວນການວາງແຜນປ້ອງກັນການແພ່ເຊື້ອຈາກຜູ້ຕິດເຊື້ອຄົນດັ່ງກ່າວນັ້ນ, ທ່ານ ອະນຸທິນ ກ່າວວ່າ: ຈາກຂໍ້ມູນຂອງຫົວໜ້າກົມຄວບຄຸມພະຍາດ ໄດ້ລາຍງານຕອນເຊົ້າມື້ນີ້ ຮູ້ວ່າໄດ້ຕິດຕາມຄົນສຳພັດໃກ້ຊິດຜູ້ຕິດ ເຊື້ອຄົນດັ່ງກ່າວມາກັກຕົວ ແລະ ກວດກາແລ້ວບໍ່ພົບການຕິດເຊື້ອ ແລະ ຢ້ຳວ່າຕາມທີ່ຫົວໜ້າກົມຄວບຄຸມ ພະຍາດລະບຸວ່າບໍ່ໄດ້ຕິດຕໍ່ກັນງ່າຍໆ ແຕ່ຈະຕ້ອງເຝົ້າລະວັງ.