ເປັນເລື້ອງທີ່ໜ້າອັບອາຍ ກັບປະກົດການຫຍໍ້ທໍ້ທີ່ນັກທ່ອງທ່ຽວໄທເຈິ ກັບການມາທ່ຽວທີ່ຫຼວງພະບາງ

0
96

ມີນັກທ່ອງທ່ຽວຈາກເມືອງໄທ ມາທ່ຽວຫລວງພຣະບາງ ເປັນຈຳນວນຫລວງຫລາຍ ແຕ່ເຂົາກໍ່ຊື່ນຊົມ ແລະດີໃຈປະທັບໃຈ ທີ່ໄດ້ມາຫລວງພຣະບາງ ແລະໄດ້ພົບກັບສິ່ງທີ່ຈົດຈຳດີໆ ແຕ່ມີບາງຄົນກໍ່ພົບກັບ ສິ່ງຫຍໍ້ທໍ້ ຄື : ເລື່ອງລາຄາ , ທີ່ພັກ , ການເດີນທາງ , ອາຫານ , ເຄື່ອງໃສ່ບາດ … ທີ່ເອົາປຽບກັບເຂົາເຈົ້າ

ການທ່ອງທ່ຽວຂອງຫລວງພຣະບາງ ແມ່ນກຳລັງໄປດ້ວຍດີ ເພິ່ນມາເຮົາກໍ່ດີໃຈ ເພິ່ນກັບໄປກໍ່ຄິດຢາກກັບມາອີກ ຜູ້ເອົາປຽບທັງຫລາຍ ຢ່າເຮັດໃຫ້ສິ່ງນີ້ ມາທຳລາຍສິ່ງທີ່ດີງາມເລີຍເນີ ( ປາໂຕດຽວເນົ່າ

ໝົດໜອງ ) ຂໍໃຫ້ເຈົ້າຫນ້າທີ່ຊ່ອຍເບິ່ງແຍງ ກວດກາເອົາໃຈໃສ່ ແລະອຳນວຍຄວາມສະດວກໃຫ້ແກ່ຜູ້ມາທ່ຽວແດ່ ຂໍໃຫ້ຕັ້ງສູນຫລືຈຸດຮ້ອງຮຽນການເອົາປຽບ ເພື່ອເປັນຂໍ້ມູນໃນການປັບປຸງ ສິ່ງຕ່າງໆທີ່ເປັນສິ່ງແກ່ດຶງແລະເອົາປຽບໃຫ້ຫລຸດນ້ອຍຖ້ອຍລົງເນາະ ? .

ບັນຫານີ້ ຖ້າບໍ່ເວົ້າເຖິງ ບໍ່ແກ້ໄຂ ກໍ່ປຽບເໝືອນເອົາຂີ້ຝຸ່ນເຊື່ອງໄວ້ພື້ນສາດ ພວກເຮົາທັງຫລາຍ ກໍ່ຕ້ອງຊ່ອຍກັນຮື້ສາດ ເພື່ອປັດກວາດສິ່ງນັ້ນອອກ

ຖ້າເລື່ອງນີ້ແມ່ນຈິງກໍ່ຕ້ອງແກ້ໄຂ ແລະຖ້າເລື່ອງນີ້ ບໍ່ແມ່ນຄວາມຈິງ ກໍ່ດີໃຈນຳທີ່ມີນັກທ່ອງທ່ຽວມາທ່ຽວຫລາຍ .

ຖ້າເວົ້າເລື່ອງນີ້ມາມັນກໍ່ເສຍຫນ້າ-ເສຍຕາ ຂອງຫລວງພຣະບາງເຮົາ ຖ້າບໍ່ເວົ້າມັນກໍ່ເປັນໂຣດມະເຮັງຮ້າຍ ຄ່ອຍໆກັດກິນໃຫ້ຊິວິດດັບສູນ ນັ້ນແລ .ຈະປິ່ນປົວ ຫລືຈະໃຫ້ມັນກັດກິນ !!! ??? …
ໃນໄລຍະນີ້ນັກທ່ອງທ່ຽວເມືອງໄທ ນິຍົມມາເຮັດຄຣິບເພື່ອນຳສະເໝີ ທ່ຽວເມືອງລາວ ຫລາຍໆໂອ໋ ສົ່ງເສີມການສະຖານທີທ່ອງທ່ຽວໃຫ້ເຮົາ ຖ່າຍສິ່ງດີງາມໄປລົງໃຫ້ເຮົາ ຈົນເປັນກະແສດັງທົ່ວເມືອງໄທ

ພວກເຮົາຕ້ອງເປັນເຈົ້າການໃນການຕ້ອນຮັບ ໃນການບໍລິການ ໃນການມີນ້ຳໃຈ ໃນການຕ້ອນຮັບຢ່າງອົບອຸ່ນ ພໍຈະຫລຸດກໍ່ຫລຸດໃຫ້ເພິ່ນແດ່ ເປັນສິນນ້ຳໃຈ ຖ່າຍທອດສິ່ງດີໆ ປາກຕໍ່ປາກໃຫ້ຜູ້ທີ່ບໍ່ໄດ້ມາໄດ້ມາທ່ຽວບ້ານເຮົາອີກ ຖ້າໃຜເຫັນສິ່ງທີ່ບໍ່ດີ ບໍ່ງາມ ທີ່ເຮັດກັບນ້ກທ່ອງທ່ຽວ ກໍ່ບໍ່ຄວນປ່ອຍປະ ພໍເວົ້າຊ່ອຍເຂົາໄດ້ກໍ່ຊ່ອຍກັນ ມີນ້ຳໃຈຊ່ອຍເຂົາ ຈະຖ້າໃຫ້ທາງການມາຊ່ອຍແລະຮັບຮູ້ ມັນກໍ່ບໍ່ທັນ

ເຫດການ ດີແທ້ນັ້ນແມ່ນຄົນລາວເອງນັ້ນແຫລະ ຕ້ອງຊ່ອຍກັນເຮັດສິ່ງທີ່ດີງາມໃຫ້ເກີດຂຶ້ນ ຕີຖອຍສິ່ງທີ່ບາງກຸ່ມຄົນ ຫລືບຸກຄົນນັ້ນໃຫ້ເຈືອຈາງແລະອາຍໄປເອງເນາະ ? ຊ່ອຍກັນເວົ້າ ຊ່ອຍກັນເຮັດ ເພື່ອເຮັດໃຫ້ຫລວງພຣະບາງ ເປັນເມືອງທີ່ມາແລ້ວຢາກມາອີກຕໍ່ໆໄປ