ແຂວງ ຊຽງຂວາງຈະຈັດງານມະຫະກຳ ກິລາ ແຫ່ງຊາດຄັ້ງທີ​ XI ທ້າຍປີນີ້

0
72

ກອງປະຊຸມຄະນະຮັບຜິດຊອບລະດັບຊາດ ຄັ້ງທີ V ຈັດງານ​ມະຫະ​ກຳ​ກິລາ​ແຫ່ງ​ຊາດ ຄັ້ງ​ທີ​ ​XI ເຫັນດີເປັນເອກະພາບ ກໍານົດງານມະຫະກໍາກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ເປັນເຈົ້າພາບ ໃຫ້ເປີດໃນວັນທີ 13 ທັນວາ 2022 ແລະ ປິດວັນທີ 22 ທັນວາ 2022, ຊຶ່ງກອງປະຊຸມດັ່ງກ່າວ ໄດ້​ຈັດ​ຂຶ້ນ​ເມື່ອບໍ່ດົນມານີ້ ຢູ່ແຂວງຊຽງຂວາງ ໂດຍພາຍ​ໃຕ້​ກາ​ນ​​ເປັນ​ປະທານ​ຂອງ​ ທ່ານ ບຸນຈັນ ສີ

ວົງພັນ ເຈົ້າແຂວງຊຽງຂວາງ ທັງເປັນປະທານຈັດງານມະຫະກໍາກິລາແຫ່ງຊາດ ຄັ້ງທີ XI ແລະ ທ່ານ ຮສ.ປອ ພຸດ ສິມມາລາວົງ ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ ທັງເປັນປະທານ​ຮ່ວມຈັດງານ​ມະຫະ​ກຳ​ກິລາ​ແຫ່ງ​ຊາດ ຄັ້ງ​ທີ​ XI ພ້ອມດ້ວຍຄະນະຮັບຜິດຊອບລະດັບຊາດ ຂັ້ນສູນກາງ ແລະ ທ້ອງຖິ່ນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໃນກອງປະຊຸມຄະນະຮັບຜິດຊອບລະດັບຊາດ ຄັ້ງທີ V ຈັດງານ​ມະຫະ​ກຳ​ກິລາ​ແຫ່ງ​ຊາດ ຄັ້ງ​ທີ​ XI ນີ້ ແມ່ນໄດ້ ເຫັນດີຕາມການລາຍງານຂອງຫົວໜ້າກໍາມະການເຕັກນິກ-ຈັດການແຂ່ງຂັນ ຮູບແບບການຈັດການແຂ່ງຂັນກິລາ ກໍານົດເປັນ 5 ໝວດປະເພດກິລາ ແບ່ງການແຂ່ງຂັນເປັນແຕ່ລະໄລຍະ ເລີ່ມແຕ່ວັນທີ 8-15 ພະຈິກ 2022, ວັນທີ 17-21 ພະຈິກ 2022, ວັນທີ 23–28 ພະຈິກ

2022, ວັນທີ 30 ພະຈິກ ຫາ 10 ທັນວາ 2022 ແລະ ວັນທີ 9-22 ທັນວາ 2022  ເພື່ອເນັ້ນໃສ່ຫຼຸດຜ່ອນການແອອັດ ເພື່ອປ້ອງກັນມາດຕະການຕອບໂຕ້ພະຍາດໂຄວິດ-19 ຢ່າງເຂັ້ມງວດ.
ນອກຈາກນັ້ນ, ຄະນະຮັບຜິດຊອບລະດັບຊາດ ຍັງໄດ້ເຫັນດີຕັດອອກ 3 ປະເພດກິລາ ຄື: ກິລາເຮືອຊ່ວງ, ບີລຽດ-ສະນຸກເກີ ແລະ ໂບລິ້ງ ຈາກຈໍານວນ 28 ປະເພດກິລາໃນເມື່ອກ່ອນ ເຫຼືອພຽງ

ການແຂ່ງຂັນ 25 ປະເພດກິລາ ໃນງານມະຫະກໍາກິລາແຫ່ງຊາດ ຄັ້ງທີ XI ເຊັ່ນ ບານເຕະຊາຍ, ບານເຕະຍິງ, ແລ່ນ-ລານ, ບານບ້ວງ, ເທັນນິດ, ດອກປີກໄກ່, ກະຕໍ້, ປິ່ງປ່ອງ, ເທຄວັນໂດ, ຢູໂດ, ປັນຈັກສີລັດ, ວູຊູ, ໝາກແລ້, ໝາກເສິກ, ໝາກຂ່າງ, ໜ້າເກັກ, ຍິງທະນູ, ລົດຖິບ, ລອຍນໍ້າ, ບານສົ່ງໃນຮົ່ມ, ເປຕັງ, ກ໊ອຟ, ຍິງປືນ, ມວຍລາວ ແລະ ມວຍສາກົນ.