ກຽມສະເໜີ UNESCO ໃຫ້ປ່າສະຫງວນແຫ່ງຊາດ ຫີນໜາມໜໍ່ ເຂົ້າເປັນມໍລະດົກໂລກທາງທຳມະຊາດ

0
69

ການພົວພັນຮ່ວມມືລະຫວ່າງ ລາວ- ຫວຽດນາມ ໃນຂົງເຂດວຽກງານຖະ ແຫລງຂ່າວ, ວັດທະນະທໍາ ແລະ ທ່ອງ ທ່ຽວ (ຖວທ) ໃນໄລຍະຜ່ານມາ ຈົນມາເຖິງບັດຈຸບັນ ໄດ້ຮັບກາານພັດທະນາ ແລະ ເສີມຂະຫຍາຍຢ່າງແໜ້ນແຟ້ນ ແລະ ເປັນປົກກະຕິຕໍ່ເນື່ອງ.

ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໃຫ້ສຳພາດຕໍ່ສືມວນຊົນ ເນື່ອງໃນໂອກາດກະກຽມສະເຫລີມສະຫລອງ ປີສາມັກຄີມິດ ຕະພາບ ລາວ-ຫວຽດ ນາມ 2022 ໂດຍທ່ານໄດ້ຍົກໃຫ້ເຫັນຜົນສຳເລັດຫລາຍດ້ານ ໃນໄລຍະຜ່ານມາ ເຊິ່ງກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ມີສັນຍາການຮ່ວມມືກັບ ບັນດາ ກະຊວງ,

ທະບວງ ຂອງຫວຽດນາມ ເຊັ່ນ: ກະຊວງຖະແຫລງຂ່າວ ແລະ ການສື່ສານຫວຽດ ນາມ, ກະຊວງວັດທະນະທໍາ, ກິລາ ແລະ ທ່ອງທ່ຽວ ຫວຽດນາມ. ນອກຈາກນີ້, ບັນດາອົງການສື່ຂອງຫວຽດນາມ ທີ່ເປັນສື່ທຽບເທົ່າ ກະຊວງ ກໍມີສັນຍາ ສະເພາະກັບ ບັນດາສື່ມວນຊົນຂອງລາວເຮົາເຊັ່ນ: ວິທະຍຸ, ໂທລະພາບ ແລະ ສື່ສິ່ງພິມຕ່າງໆ.

ສຳລັບວຽກງານຖະແຫລງຂ່າວ ແລະ ການທ່ອງທ່ຽວ ບັນດາອົງການສື່ມວນຊົນທີ່ຂື້ນກັບ ກະຊວງ ຖວທ ແມ່ນໄດ້ສືບຕໍ່ປະຕິບັດການຮ່ວມມືເປັນຢ່າງດີ ໂດຍສະເພາະ ຝ່າຍ ສສ ຫວຽດນາມ ໄດ້ໃຫ້ ການຊ່ວຍເຫລືອກໍ່ສ້າງ​ພື້ນ ຖານ​ໂຄງ​ລ່າງ, ສະໜອງວັດຖຸ​ອຸປ​ະກອນ​ຮັບ​ໃຊ້​ ໃຫ້​ແກ່​ການ​ຜະລິດ​ລາຍການ, ຜະລິດ​ຂ່າວ, ການ​ກໍ່​ສ້າງ​ບຸກຄະ​ລະ​ກອນ​ ເພື່ອ​ຍົກ​ສູງ​ຄວາມ​ຮູ້​ຄວາມ​ສາມາດ​ ໃຫ້​ແກ່​ພະນັກ

ງານ​ວິຊາ​ການຝ່າຍລາວ ທັງ​ໄລຍະ​ສັ້ນ​ ​ແລະ ​ໄລຍະ​ຍາວ ເປັນຕົ້ນ ໄດ້ໃຫ້ການຊ່ວຍເຫລືອສ້າງສະຖານີວິທະຍຸ-ໂທ ລະພາບຖ່າຍທອດຕໍ່ ແລະ ສະຖານີວິທະຍຸກະຈາຍສຽງ ແລະ ໂທລະພາບ ຢູ່ 6 ແຂວງ (ແຂວງຫລວງພະບາງ; ຈຳປາສັກ; ແຂວງອຸດົມໄຊ; ສະຫວັນນະເຂດ) ໃນ​ນີ້ ໄດ້​ນຳ​ໃຊ້​ເປັນ​ປົກ​ກະ​ຕິ ແລ້ວ ຢູ່ 4 ແຂວງ ແລະ ກຳ​ລັງ​ທົດ​ລອງ​ນຳ​ໃຊ້ 2 ແຫ່ງ (ແຂວງ ບໍ່​ແກ້ວ, ໄຊ​ສົມ​ບູນ); ພ້ອມ ດຽວກັນນີ້, ໃນສົກປີ 2021-2022 ລັດຖະບານຫວຽດ ນາມ ເຫັນດີຈະສືບຕໍ່ສະ​ໜັບ​ສະ​ໜູນ​ທຶນກໍ່ສ້າງສະຖານີ ວິທະຍຸ-ໂທລະ ພາບ ແຂວງຫົວພັນ.

ສ່ວນການຮ່ວມມື ໃນຂົງເຂດວັດທະນະທໍາ ແລະ ທ່ອງ ທ່ຽວ ກັບ ຫວຽດນາມ ກໍ່ໄດ້ນຮັບການຂະຫຍາຍຕົວ ເປັນຕົ້ນ ສສ ຫວຽດນາມ ໄດ້ໃຫ້ການຊ່ວຍເຫລືອສ້າງໂຮງຮຽນສິລະປະແຫ່ງຊາດ ເຊິ່ງມອບຮັບໃນສົກປີ 2009-2010 ມູນຄ່າທັງໝົດ 77. ຕື້ດົງ; ປັດຈຸບັນນີ້ ສປປ ລາວ ກໍາລັງກະກຽມເອກະສານ ໃນການນຳສະເໜີປ່າສະຫງວນແຫ່ງ ຊາດ ຫີນໜາມໜໍ່ ເຂົ້າເປັນມໍລະດົກໂລກທາງທຳມະຊາດ ແບບເຊື່ອມຕໍ່ຂະຫຍາຍ ກັບ ອຸທິຍານ ຟອງຍາແກບາງ ມໍລະ ດົກໂລກທາງດ້ານທໍາມະຊາດ ຂອງ ສສ ຫວຽດນາມ. ປັດຈຸບັນ, ວຽກງານດັ່ງກ່າວ ທັງສອງຂະແໜງການກໍາລັງ ຮ່ວມກັນ

ກະກຽມເອກະສານຕ່າງໆ ເພື່ອສະເໜີຕໍ່ອົງການ UNESCO. ສໍາລັບວຽກງານການຮ່ວມມືດ້ານທ່ອງທ່ຽວ ກໍມີປະສິດທິຜົນ ທັງໃນຂອບສອງຝ່າຍ ແລະ ຫລາຍຝ່າຍ ແນໃສ່ການໂຄສະນາທຸລະກິດ ການທ່ອງທ່ຽວໃຫ້ອອກສູ່ສາຍ ຕາ ທັງໃນລະດັບພາກພື້ນ ແລະ ສາກົນ ທັງໄດ້ສ້າງຄວາມເຂັ້ມແຂງໃຫ້ແກ່ບັນດາ ຫົວໜ່ວຍທຸລະກິດການທ່ອງທ່ຽວ ຂອງສອງປະເທດ ສາມາດເຂົ້າເຖິງຕະຫລາດໄດ້ເປັນຢ່າງດີ ແລະ ໄດ້ເຂົ້າຮ່ວມງານວາງສະແດງທ່ອງ ທ່ຽວໂຮຈິມິນສາກົນທີ່ນະຄອນໂຮ່ຈິນມິນ, ສສ ຫວຽດ ນາມ ເປັນເຈົ້າພາບ ຈັດຂຶ້ນທຸກໆປີ ເພື່ອແນ່ໃສ່ການຊື້ຂາຍຜະລິດຕະພັນທ່ອງທ່ຽວພາກພື້ນສາກົນ ໂດຍ

ມີບັນດາບໍລິ ສັດ ປະກອບການທຸລະກິດທ່ອງທ່ຽວ, ເຄືອຂ່າຍໂຮງ ແຮມ, ຮ້ານອາຫານ ທີ່ມາຈາກທົ່ວໂລກ ເຂົ້າຮ່ວມງານດັ່ງກ່າວ. ໃນຊຸມປີທີ່ຜ່ານມາ ຝ່າຍຫວຽດນາມ ກໍໄດ້ໃຫ້ທຶນຝຶກອົບຮົມໄລຍະສັ້ນ ແກ່ພະນັກງານ, ຜູ້ກອບການດ້ານທຸລະກິດທ່ອງທ່ຽວ ແລະ ໂຮງແຮມ ຈໍານວນ 20 ທຶນ ໃນຫົວຂໍ້ ວຽກງານການບໍລິການ ແລະ ຄຸ້ມຄອງການທ່ອງ ທ່ຽວ. ກ່ອນໄລຍະການແຜ່ລະບາດ ຂອງພະຍາດໂຄວິດ- 19 ( 2016-2020) ສະຖິຕິນັກທ່ອງທ່ຽວ ຫວຽດນາມ ທີ່ເຂົ້າມາທ່ອງທ່ຽວ ສປປ ລາວ ຖືວ່າມີທ່າອ່ຽງເພີ່ມຂື້ນ ເຊິ່ງຈັດຢູ່ໃນອັນດັບ 2 ຂອງຈໍານວນນັກທ່ອງທ່ຽວຕ່າງປະເທດ ເຂົ້າມາທ່ອງທ່ຽວ ສປປ ລາວ ຖັດຈາກປະເທດໄທ ໂດຍມີຈໍານວນ 3.868.683 ເທື່ອຄົນ.

ທ່ານ ນາງ ສວນສະຫວັນ ວິຍະເກດ ໃຫ້ຮູ້ອີກວ່າ: ເພື່ອສະເຫລີມສະຫລອງປີສາມັກຄີມິດຕະພາບ ລາວ-ຫວຽດ ນາມ 2022 ນີ້, ຂະແໜງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ຂອງສອງປະເທດ ຈະຈັດໃຫ້ມີຫລາຍກິດຈະກໍາ ເປັນຕົ້ນ ກອງປະຊຸມສຳມະນາວິທະຍາ ສາດມູນເຊື້ອການພົວພັນຮ່ວມມື ດ້ານການສ້າງບຸກຄະລາກອນຖະ ແຫລງຂ່າວ ລະຫວ່າງ ລາວ-ຫວຽດນາມ; ຜະລິດເນື້ອ

ໃນໂຄສະນາສາຍພົວພັນ ການຮ່ວມມືລາວ-ຫວຽດນາມ ລົງໃນໜ້າໜັງສືພິມ, ວິທະຍຸ ແລະ ໂທລະພາບ, ຜະລິດລາຍ ການພິເສດ ສາຍໃຈການພົວພັນຮ່ວມມື ລາວ-ຫວຽດນາມ ໂດຍການລົງສໍາພາດການຄະນະນໍາ, ນັກທຸລະກິດລາວ-ຫວຽດ ນາມ, ປະຊາຊົນ ລາວ-ຫວຽດນາມ ແລະ ກົງສູນໃຫຍ່ຫວຽດນາມປະຈໍາພາກໃຕ້ ແລະ ພາກເໜືອ ຢູ່ບັນດາແຂວງ ແລະ ນະຄອນຫລວງວຽງຈັນ;

ກະກຽມການຮັບໃຊ້ງານສະເຫລີມສະຫລອງ ປີສາມັກ ຄີມິດຕາມພາບ ລາວ-ຫຽດນາມ 2022 ເຊັ່ນ: ພິທີລວມມິດຕິ່ງໃຫຍ່, ຮັບໃຊ້ການຢ້ຽມຢາມຂອງຄະນະຜູ້ແທນຂັ້ນສູງຂອງພັກ-ລັດ ສອງປະເທດ ແລະ ຖ່າຍທອດສົດຜ່ານທາງສື່ວິທະຍຸ, ໂທລະ ພາບ ແລະ ສື່ອອນລາຍ ລວມທັງອອກຂ່າວ ທາງໜັງສືພິມ; ໃນເດືອນ ກໍລະກົດ ປີ 2022 ຈະໄດ້ຈັດງານສັບປະດາວັດທະນະທໍາ ລາວ-ຫວຽດນາມ ຢູ່

ສປປ ລາວ ແລະ ສສ ຫວຽດນາມ; ຈັດກອງປະຊຸມສໍາມະນາ ການແລກບົດຮຽນການຄຸ້ມຄອງ ວັດທະນະທຳລາວ-ຫວຽດນາມ ໃນຂອບ ເຂດທົ່ວປະເທດ ເຊິ່ງຄາດຄະເນຈະຈັດຂື້ນພາຍໃນປີ 2022 ໂດຍຈະຈັດຕັ້ງຢູ່ 3 ແຂວງຂອງລາວ; ຈັດງານວາງສະແດງຮູບມູນເຊື້ອການພົວພັນ, ປີສາມັກຄີມິດ ຕະພາບລາວ-ຫວຽດນາມ ທີ່ສປປ ລາວ ພາຍໃນໃນເດືອນ ທັນວາ 2022; ຈັດພິມວາລະສານຮູບພາບ ຜົນສຳເລັດການສະ ເຫລີມສະຫລອງປີສາມັກຄີ ມິດຕະພາບລາວ-ຫວຽດນາມ ປີ 2022; ຈັດງານວາງສະແດງປື້ມຂອງການຮ່ວມມື ລາວ- ຫວຽດນາມ ທີ່ສຳນັກພິມ ແລະ ຈຳໜ່າຍປື້ມແຫ່ງລັດ ໂດຍພິມປື້ມທີ່ນໍາມາວາງສະແດງ ແມ່ນເປັນປື້ມທີ່ດີເດັ່ນຂອງຫວຽດນາມເປັນຕົ້ນແມ່ນ: ປື້ມທິດສະດີການເມືອງ, ບົດ ຮຽນການພັດທະນາເສດຖະກິດ, ວັດທະນະທໍາ-ສັງຄົມ ຂອງ

ຫວຽດນາມ; ກະກຽມນັກສະແດງສິລະ ປະວັນນະຄະ ດີລາວ ເພື່ອສະແດງຮັບໃຊ້ງານສະເຫລີມສະຫລອງ ປີສາ ມັກຄີມິດຕະພາບລາວ-ຫວຽດນາມ 2022; ຈັດກິດຈະກໍາປະກວດ, ແຕ່ງເພັງ ທີ່ສ່ອງແສງເຖິງສາບພົວພັນ ການຮ່ວມ ມືລາວ- ຫວຽດນາມ; ຮ່ວມກັບສູນວັດທະນະທໍາ ຫວຽດ ນາມ ຈັດກິດຈະກໍາ ສະແດງສິລະປະວັນນະຄະດີ, ງານເທດສະການຮູບເງົາ ຢູ່ບັນດາແຂວງທີ່ມີຊາຍແດນ ຕິດຈອດ ກັບ ສສ ຫວຽດນາມ ແລະ ອື່ນໆໃຫ້ມີຂະບວນຟົດຟື້ນ ແລະ ໄດ້ຮັບຜົນສຳເລັດສູງ.

ຂ່າວ: ກິດຕາ
ພາບ: ຂັນໄຊ