ທ່ານ ໄມເຄີ້ນ ໄວສ໌ ຄຸມທີມຊາດລາວ 13​ ນັດ​ ຊະນະ​ 8​ ນັດ,​ ສະເໝີ​ 1​ ນັດ​ ແລະ​ ເສຍ​ 4​ ນັດ​

0
75

ຜົນງານການຄຸມທີມຊາດລາວຂອງຄູຝຶກ ທ່ານ ໄມເຄີ້ນ ໄວສ໌ ໃນໄລຍະ 6 ເດືອນ ຜ່ານມາ​ ລວມທັງໝົດ 13​ ນັດ​ ພາທີມຊາດລາວ ຊະນະ​ 8​ ນັດ,​ ສະເໝີ​ 1​ ນັດ​ ແລະ​ ເສຍ​ 4​ ນັດ​ ເຊິ່ງເຫັນວ່າພາຍໃຕ້ການຄຸມທີມຂອງຄູຝຶກຄົນໃຫມ່ ຜົນງານຂອງນັກກິລາບານເຕະທີມຊາດລາວມີທ່າກ້າວທີ່ດີຂຶ້ນ.​

ທ່ານ​ ໄມເຄິ້ນ ໄວສ໌: ເປັນຫົວຫນ້າຄູຝຶກສອນບານເຕະຄົນເຢຍລະມັນ​ ໃນໄວອາຍຸ 56 ປີໄດ້ ຮັບການແຕ່ງຕັ້ງເປັນຫົວໜ້າຄູຝຶກທີມຊາດລາວ ໂດຍ ສະຫະພັນບານເຕະແຫ່ງຊາດລາວ​ ໃນວັນທີ​ 7​ ມັງກອນ​ 2022.

ສະຫະພັນບານເຕະແຫ່ງຊາດລາວ ໄດ້ແຕ່ງຕັ້ງ​ ທ່ານ ໄມເຄິ້ນ ໄວສ໌ ເປັນ ຫົວໜ້າຄູຝຶກຄົນໃໝ່ ໂດຍລາວຈະເປັນຜູ້ນຳພາຝຶກສອນທີມຊາດລາວຊຸດໃຫຍ່ ແລະ ຮຸ່ນອາຍຸບໍ່ເກີນ 23 ປີ, ໂດຍມີໃບປະກາດ UEFA Pro License, ເຊິ່ງ ໄດ້ເຊັນສັນຍາກັບ ສະຫະພັນບານເຕະແຫ່ງຊາດລາວ ຈົນເຖິງປີ 2024 (2021-2024).

ປະຫວັດຫຍໍ້ຂອງ ທ່ານ ໄມເຄິ້ນ ໄວສ໌ ຜົນງານການຄຸມທີມ ທີ່ເປັນໜ້າປະທັບ ໃຈກະຄືໃນເມື່ອຕອນທີ່ລາວໄດ້ຮັບຜິດຊອບທີມຊາດ ຟີລິປິນ ຈົນກ້າວຂຶ້ນໄປເຖິງ ຕຳແໜ່ງສູງສຸດໃນການຈັດອັນດັບ FIFA ໃນປີ 2012 ແລະ ເປັນທີມອັນດັບທີ 1 ໃນອາຊຽນຕາເວັນອອກສ່ຽງໃຕ້ໃນປີ 2013. ໃນຖານະທີ່ເຄີຍເປັນຄູຝຶກໃຫ້ ທີມຊາດມົງໂກລີລາວໄດ້ປັບປຸງເກມການຫຼິ້ນໃຫ້ທຽບກັບລະດັບນາໆຊາດ,

ລາວ ຫັນປ່ຽນປະເທດນ້ອຍທີ່ບໍ່ມີການຫຼິ້ນກິລາບານເຕະຫຼາຍໃຫ້ກ້າວເຂົ້າໄປສູ່ AFC “ປະເທດທີ່ມີຄວາມໄຝ່ຝັນຂອງປີ” ໃນທ້າຍປີ 2018. ຫຼັງຈາກ 3 ປີຜ່ານ ໄປ, ລາວໄດ້ລາອອກຈາກການເປັນຄູຝຶກຂອງ ມົງໂກລີ, ເຊິ່ງເປັນບ່ອນທີ່ລາວໄດ້ ຮັບຄວາມເຄົາລົບທີ່ລາວໄດ້ໃຫ້ການສະໜັບໜູນໃນການພັດທະນາກິລາບານເຕະ ຂອງມົງໂກລີ.

ຕອນໄດ້ຮັບແຕ່ງຕັ້ງ ທ່ານ ໄມເຄິ້ນ ໄວສ໌ ສະແດງຄວາມກະຕືລືລົ້ນຢ່າງສູງສຳລັບຄວາມ ທ້າທາຍໃໝ່​ ເຊິ່ງລາວໄດ້ເວົ້າວ່າ: “ກ່ອນອື່ນຂໍສະແດງຄວາມຂອບໃຈເປັນຢ່າງ ຍິ່ງຕໍ່ ປະທານ ແລະ ສະຫະພັນບານເຕະແຫ່ງຊາດລາວທີ່ໄວ້ວາງໃຈຂ້າພະເຈົ້າ. ພວກເຮົາໄດ້ມີການສົນທະນາກັນ ແລະ ໄດ້ມີການແລກປ່ຽນທາງດ້ານວິໃສທັດ ເພື່ອທີ່ຈະນຳພາບານເຕະລາວກ້າວລະດັບຂຶ້ນໄປອີກ. ຂ້າພະເຈົ້າ

ລໍຄອຍເວລາທີ່ ຈະນຳເອົາປະສົບການຂອງຂ້າພະເຈົ້າໄປສູ່ຜູ້ຫຼິ້ນໄວໜຸ່ມ ໃນຄວາມຄິດຂອງ ຂ້າພະເຈົ້າການເປັນຄູຝຶກທີມຊາດຄືຕຳແໜ່ງສຳຄັນໃນການນຳພາກິລາ ບານເຕະຂອງພວກເຮົາໃຫ້ກ້າວໄປຂ້າງໜ້າ. ຍິ່ງໄປກ່ວານັ້ນຂ້າພະເຈົ້າກໍ່ຮູ້ສຶກ ເປັນກຽດຢ່າງຍິ່ງທີ່ໄດ້ເປັນຄູຝຶກທີມຊາດ ແລະ ລໍຄອຍເວລາທີ່ຈະຮຽນຮູ້ຮັບເອົາ ວັດທະນະທຳຂອງປະເທດ, ເຖິງແມ່ນວ່າອັນດັບ ຟີຟາ ຂອງລາວ, ແຕ່ຈະ

ພະຍາຍາມຈະຊ່ອຍໃຫ້ບານເຕະລາວກ້າວໜ້າໄປເທື່ອລະກ້າວ,” “ຂ້າພະເຈົ້າຈະ ສ້າງທີມໃຫ້ມີປະສິດທິພາບ ແລະ ໄດ້ຮັບໝາກຜົນສູງ.”

ທ່ານ ໄມເຄິ້ນ ໄວສ໌​ ສຳເລັດການສຶກສາລະດັບປະລິນຍາຕີດ້ານການບໍລິຫານ ແລະ ວິທະຍາສາດການກິລາທີ່ ມະຫາວິທະຍາໄລ Mainz. ລາວໄດ້ແຕ່ງງານກັບ ຍິງຄົນຍີ່ປຸ່ນ ແລະ ມີລູກສາວນຳກັນສອງຄົນ.

ຂໍ້ມູນ: ສະຫະພັນບານເຕະແຫ່ງຊາດ
ຮຽບຮຽງ: ທີມຂ່າວ​ FM90.​0