5 ວັນ ທົ່ວປະເທດ ມີອຸບັດຕິເຫດເກີດຂຶ້ນ 90 ຄັ້ງມີຜູ້ເສຍຊີວິດ 15 ຄົນ

    0
    99

    5 ວັນ (ວັນທີ 1-5) ຕົ້ນເດືອນກໍລະກົດ 2022, ທົ່ວປະເທດ ມີອຸບັດຕິເຫດເກີດຂຶ້ນ 90 ຄັ້ງ, ມີຜູ້ເສຍຊີວິດ 15 ຄົນ; ໃນນີ້, ແຂວງທີ່ມີອຸບັດຕິເຫດເກີດຂຶ້ນຫຼາຍກວ່າໝູ່ແມ່ນນະຄອນຫຼວງວຽງ ຈັນ, ສ່ວນເສຍຊີວິດຫຼາຍກວ່າໝູ່ແມ່ນແຂວງຫຼວງພະບາງ, ບໍ່ແກ້ວ ແລະ ແຂວງໄຊຍະບູລີ.

    ເຈົ້າໜ້າທີ່ກົມຕໍາຫຼວດຈະລາຈອນ ລາຍງານໃຫ້ຮູ້ວ່າ: ໃນໄລຍະວັນທີ 1-5 ກໍລະກົດ 2022, ທົ່ວປະເທດມີອຸບັດຕິເຫດເກີດຂຶ້ນ 90 ຄັ້ງ, ພາຫະນະເປ່ເພທັງໝົດ 167 ຄັນ, ຄົນໄດ້ຮັບບາດເຈັບ ທັງໝົດ 133 ຄົນ ແລະ ເສຍຊີວິດ 15 ຄົນ; ແຂວງທີ່ເກີດອຸບັດຕິເຫດຫຼາຍກວ່າໝູ່ ປະກອບມີນະຄອນຫຼວງວຽງຈັນ ເກີດຂຶ້ນ 22 ຄັ້ງ, ແຂວງວຽງຈັນ ເກີດຂຶ້ນ 7 ຄັ້ງ, ຫຼວງພະບາງ ແລະ ສະຫວັນນະເຂດ ເກີດຂຶ້ນແຂວງລະ 6 ຄັ້ງ, ແຂວງໄຊຍະບູລີ ເກີດຂຶ້ນ 5 ຄັ້ງ; ສ່ວນແຂວງທີ່ມີຜູ້ເສຍຊີວິດຫຼາຍກວ່າໝູ່ປະກອບມີ: ແຂວງໄຊຍະບູລີ, ບໍ່ແກ້ວ ແລະ ຫຼວງພະບາງ ເສຍຊີວິດແຂວງລະ 3 ຄົນ, ນະຄອນຫຼວງວຽງຈັນ ແລະ ແຂວງສາລະວັນ ເສຍຊີວິດແຂວງລະ 2 ຄົນ.

    ວັນທີ 1 ກໍລະກົດ, ອຸບັດຕິເຫດເກີດຂຶ້ນ 28 ຄັ້ງ ເສຍຊີວິດ 6 ຄົນ; ວັນທີ 2 ກໍລະກົດ, ອຸບັດຕິເຫດເກີດຂຶ້ນ 16 ຄັ້ງ ເສຍຊີວິດ 1 ຄົນ; ວັນທີ 3 ກໍລະກົດ, ອຸບັດຕິເຫດເກີດຂຶ້ນ 15 ຄັ້ງ ເສຍຊີວິດ 2 ຄົນ; ວັນທີ 4 ກໍລະກົດ, ອຸບັດຕິເຫດເກີດຂຶ້ນ 13 ຄັ້ງ ເສຍຊີວິດ 2 ຄົນ; ວັນທີ 5 ກໍລະກົດ, ອຸບັດຕິເຫດເກີດຂຶ້ນ 18 ຄັ້ງ ເສຍຊີວິດ 4 ຄົນ.

    LEAVE A REPLY

    Please enter your comment!
    Please enter your name here