ໂອໄມຄອນ ສາຍພັນຍ່ອຍ BA.5 ຂະນະທີ່ຫລ້າສຸດພົບຍິງ ອາຍຸ 52 ປີ ຕິ ດ ໂ ຄ ວິ ດ ຊ້ຳ 3 ພົບ 3 ສາຍພັນ

0
68

ໂອໄມຄອນສາຍພັນຍ່ອຍ BA.4 ແລະ BA.5 ອາດເຮັດໃຫ້ສະຖານະການໂຄວິດ-19 ຢູ່ໄທມີທ່າອ່ຽງຜູ້ຕິດເຊື້ອໃໝ່ເພີ່ມຂຶ້ນ ເນື່ອງຈາກເປັນສາຍພັນໃໝ່ສາມາດຫລົບຫລີກພູມຄຸ້ມກັນທີ່ເກີດຈາກການຕິດເຊື້ອຕາມທຳມະຊາດຈາກສາຍພັນເກົ່າໄດ້ດີກວ່າ ໂດຍຫລ້າສຸດ ນາຍແພດ ມະນູນ ລີຊະເວງວົງ ຫົວໜ້າຫ້ອງໄອຊີຢູສະເພາະພະຍາດລະບົບຫາຍໃຈຄົນເຈັບໜັກ ແລະ ຜູ້ອາຍຸສູງປະຈຳໂຮງໝໍ ວິໄຊຍຸ

ທອນ ເປີດເຜີຍ ຂໍ້ມູນພົບຄົນເຈັບ ຍິງອາຍຸ 52 ປີ ສຸຂະພາບແຂງແຮງດີ ມີພະຍາດປະຈຳຕົວ: ປວດຂໍ້ ແລະ ມີຜື່ນ ແຕ່ບໍ່ຮຸນແຮງ ສົງໄສເປັນພະຍາດພູມແພ້ຕົນເອງ Sle ກິນຢາສເຕຣອຍ ເພຣດນີໂຊໂລນ ຂະໜາດຕໍ່າ 5 ມິນລີກຣາມຕໍ່ວັນ.

ຜູ້ຍິງຄົນນີ້ ເມື່ອວັນທີ 18 ເມສາ 2021 ຕິດເຊື້ອໂຄວິດ-19 ເທື່ອທຳອິດມີອາການແສບຄໍ, ຄັນຕາມຕົນໂຕ, ໄຂ້, ໄອ ກວດພົບສົງໄສເປັນປອດອັກເສບ ຢືນຢັນການກວດ RT-PCR SARS-COV-

2 ໄດ້ຮັບຢາຟາວິພິຣາເວຍອາການດີຂຶ້ນ ຄາດເປັນເຊື້ອໄວຣັດໂຄວິດສາຍພັນເດວຕາ. ຫລັງຕິດເຊື້ອເທື່ອທຳອິດ ໄດ້ສັກວັກຊີນປ້ອງກັນໄວລັສໂຄວິດ 3 ເຂັມ ເຊັ່ນ ຊີໂນແວັກ, ແອສຕາເຊເນກາ ແລະ ໄຟເຊີ ເຂັມສຸດທ້າຍເດືອນ ມັງກອນ 2022. ມາເຖິງວັນທີ 31 ມີນາ 2022 ຕິດເຊື້ອໂຄວິດເທື່ອທີ 2 ມີອາການແສບຄໍ ປວດເມື່ອຍຕາມຕົນໂຕ ບໍ່ໄຂ້ ບໍ່ໄອ ຢືນຢັນການກວດ RT-PCR SARS-

COV-2 ບໍ່ໄດ້ກິນຢາຕ້ານໄວຣັສ, ເຊົາເອງ ເປັນເຊື້ອໄວຣັສໂຄວິດໂອໄມຄອນສາຍພັນຍ່ອຍ BA.2 ແລະ ຕົ້ນເດືອນກໍລະກົດ 2022 ຕິດ ເຊື້ອໂຄວິດເປັນເທື່ອທີ 3 ມີອາການເຈັບຄໍ ປວດເມື່ອຍຕົນໂຕ, ມີນ້ຳມູກເລັກໜ້ອຍ, ບໍ່ໄອ, ບໍ່ໄຂ້ ຢືນຢັນການກວດ RT-PCR SARS-COV-2 ບໍ່ໄດ້ກິນຢາຕ້ານໄວຣັສ ພວມດີຂຶ້ນ ຊຶ່ງເທື່ອນີ້ຄົງເປັນເຊື້ອໄວຣັສໂຄວິດໂອໄມຄອນສາຍພັນຍ່ອຍ BA.5

ນາຍແພດ ສີລະ ວັດທະນາລັດ ອາຈານຄະນະແພດສາດ ມະຫາວິທະຍາໄລຈຸລາລົງກອນ ເປີດເຜີຍຂໍ້ມູນວິຊາການແພດເຖິງຄວາມສາມາດຂອງໂອໄມຄອນສາຍພັນຍ່ອຍ BA.5 ດັ່ງນີ້:

1. BA.5 ແພ່ເຊື້ອໄວກວ່າໂອໄມຄອນສາຍພັນກ່ອນໜ້ານີ້ເປັນຕົ້ນ BA.1 ແລະ BA.2 ຢ່າງຈະແຈ້ງ.2. ເຖິງວ່າຈະບໍ່ມີຫລັກຖານພຽງພໍທີ່ຈະບອກວ່າ BA.5 ມີຄວາມຮຸນແຮງກວ່າສາຍພັນກ່ອນຫລືບໍ່? ແຕ່ຂໍ້ມູນຈາກຫລາຍປະເທດທົ່ວໂລກທີ່ມີການລະບາດ ສົ່ງຜົນໃຫ້ມີຜູ້ຕິດເຊື້ອ ຜູ້ຊ່ວຍຕ້ອງໄດ້ເຂົ້າປິ່ນປົວໃນໂຮງໝໍ ຫ້ອງໄອຊີຢູ ແລະ ຈຳນວນການເສຍຊີວິດເພີ່ມຂຶ້ນຈຶ່ງປະໝາດບໍ່ໄດ້.

3. BA.5 ດື້ຕໍ່ພູມຄຸ້ມກັນຫລາຍກວ່າສາຍພັນດັ້ງເດີມ BA.1 ເຖິງ 7,5 ເທົ່າ4. BA.5 ດື້ຕໍ່ຢາແອນຕີບໍດີທີ່ໃຊ້ໃນການປິ່ນປົວ Cilgavimab, Casirivimab ແລະ Imdevimab.
ເມື່ອຮູ້ຂໍ້ມູນວິຊາການ ແລະ ຫລັກຖານຈະແຈ້ງແບບນີ້ ສິ່ງທີ່ເຮົາພວມຜະເຊີນຢູ່ໃນຕອນນີ້ບໍ່ແມ່ນເລື່ອງເລັກໜ້ອຍ ເບິ່ງອ້ອມຂ້າງຈະເຫັນຄົນຈຳນວນຫລາຍຕິດເຊື້ອທັງແບບດ່ຽວ, ແບບກຸ່ມ, ແບບ

ຄອບຄົວແລະ ໃນພະແນກບ່ອນເຮັດວຽກ. ການສັກວັກຊີນ ຈຳເປັນຕ້ອງສັກເຂັມກະຕຸ້ນໃຫ້ຄົບຢ່າງໜ້ອຍ 3 ເຂັມ, ຜູ້ທີ່ສັກເຂັມ 3 ໄປດົນກວ່າ 4-5 ເດືອນ ຖ້າຕ້ອງໃຊ້ຊີວິດພົບປະກັບຄົນໃນສັງຄົມຕ້ອງດູແລ/ບໍລິການ ຫລື ເປັນຜູ້ອາຍຸສູງ ຫລື ມີພະຍາດປະຈຳຕົວ ກໍຄວນພິຈາລະນາສັກເຂັມກະຕຸ້ນອີກເປັນເຂັມທີ 4. ການສັກວັກຊີນເພື່ອຫລຸດໂອກາດຄົນເຈັບທີ່ຮຸນແຮງ ແລະ ເສຍຊີວິດ,

ແຕ່ບໍ່ສາມາດຮັບປະກັນໄດ້ 100% ເຖິງວ່າສັກວັກຊີນແລ້ວກໍຍັງຕິດເຊື້ອໄດ້ ຖ້າບໍ່ປ້ອງກັນໂຕເອງໃຫ້ດີ ແລະ ການຕິດເຊື້ອແຕ່ລະເທື່ອຍ່ອມສ່ຽງຕໍ່ການເຈັບທີ່ຮຸນແຮງເຖິງເສຍຊີວິດ ແລະ ສ່ຽງຕໍ່ການເກີດພາວະຜິດປົກະຕິໄລຍະຍາວນານ long COVID ຊຶ່ງ ມັນຈະບັນທອນຄຸນນະພາບຊີວິດ ຄວາມສາມາດການດຳລົງຊີວິດປະຈຳວັນ ແລະ ການເຮັດວຽກລວມເຖິງເປັນພາລະຄ່າໃຊ້ຈ່າຍທັງຕໍ່ຄົນເຈັບ, ຄອບຄົວ ແລະ ສັງຄົມ.