ເຕືອນເດີ້ ໃຫ້ພາກັນລະວັງລິ້ງອັນຕະລາຍ ກົດເຂົ້າໄປແລ້ວອາດຖືກແຮັກຂໍ້ມູນ.

0
121

ໃຜທີ່ມີຄົນສົ່ງລີ້ງແບບນີ້ “ຫ້າມກົດເດັດຂາດ” ເພາະມັນຈະສາມາດແຮັກເອົາຂໍ້ມູນສ່ວນຕົວຂອງເຮົາໄດ້ ທັງບັນຊີທະນາຄານພ້ອມ ໃຫ້ມີສະຕິລະວັງຕົວເອງບໍ່ວ່າໃຜຈະສົ່ງມາກໍຕາມແລ້ວຢ່າໄປໂທດຜູ້ທີ່

ສົ່ງມາເພາະບາງທີເຂົາອາດສິຖືກແຮັກເຟດບຸກແລ້ວ ສະນັ້ນ ເພື່ອປ້ອງກັນເຟດຖືກແຮັກເຮົາຄວນຕັ້ງລະບົບລ໋ອກສອງຊັ້ນ ຢ່າງໜ້ອຍຖ້າມີຄົນເຂົ້າລະບົບມັນກໍ່ຈະເຕືອນໂດຍມັນຈະສົ່ງລະຫັດມາທາງຂໍ້ຄວາມແລ້ວເຮົາສາມາກວດສອບໄດ້ເລີຍວ່າໃຜຈະເຂົ້າລະບົບ

ຢ່າງທີສອງຄືໃຫ້ກວດວ່າເຟດບຸກຫຼືບັນຊີທະນາຄານວ່າມີໂທລະສັບລຸ້ນໃດທີ່ລ໋ອກອີນຢູ່ ຫຼື ເຄີຍລ໋ອກອິນ ຖ້າບໍ່ແມ່ນລຸ້ນ ໂທລະສັບ ຂອງຕົນເອງໃຫ້ລົບອອກທັນທີ ແລ້ວປ່ຽນລະຫັດ
ສີ່ງນີ້ຈະຊ່ວຍໄດ້ບໍ່ຫລາຍແຕ່ກະເປັນວິທີປ້ອງກັນທີ່ດີທີ່ສຸດແລ້ວໃຫ້ທຸກຄົນກວດເບີ່ງວ່າມີຫຍັງຜິດປົກກະຕິບໍ

ອັນສຸດທ້າຍໃຫ້ກວດເບີ່ງໃນຕັ້ງຄ່າ ແລ້ວເຂົ້າໄປໃນແອັບພິເຄຊັ້ນ ໃຫ້ກວດເບີ່ງມີແອັບໃດທີ່ເຮົາບໍ່ໄດ້ໂຫລດ ຫຼື ມານຳເຄື່ອງ ໃຫ້ລົບທັນທີເພາະຖ້າບໍ່ລົບມັນກະສາມາເບີ່ງຂໍ້ມູນໄດ້ຢູ່ດີ