ປິດຊົ່ວຄາວປໍ້າຂາຍນໍ້າມັນເປັນເງິນຕາຕ່າງປະເທດ ແລະ ຂາຍເກີນລາຄາກໍານົດທີ່ບໍ່ແກ້ວ

    0
    48

    ກວດພົບປໍ້ານໍ້າມັນເຊື້ອໄຟ ຂາຍນໍ້າມັນເກີນລາຄາທີ່ລັດກໍານົດ. ໃນຕອນເຊົ້າຂອງວັນທີ 3ກໍລະກົດ 2022 ເຈົ້າໜ້າທີ່ກວດກາການຄ້າ ໄດ້ລົງຕິດຕາມ, ກວດກາການຈໍາໜ່າຍນໍ້າມັນເຊື້ອໄຟ ຂອດບໍລິການຂາຍຍ່ອຍ ພາຍໃນເທດສະບານແຂວງບໍ່ແກ້ວ ຜ່ານການກວດຫາພົບເຫັນ 2ຫົວໜ່ວຍ ທີ່ມີການຈໍາໜ່າຍ ຫຼື ຂາຍນໍ້າມັນເກີນລາຄາທີ່ລັດກໍານົດ ແລະ ຂາຍນໍ້າມັນເປັນສະກຸນເງິນຕາຕ່າງປະເທດ (ເງິນບາດ) ຊຶ່ງບໍ່ສອດຄ່ອງຕາມດໍາລັດ 331/ນຍ.

    ສະນັ້ນ, ທາງເຈົ້າໜ້າທີ່ກວດກາຈຶ່ງໄດ້ສ້າງບົດບັນທຶກໃສ່ກະແຈ, ລ໋ອກຫົວຈ່າຍນໍ້າມັນ ເພື່ອໃຫ້ຜູ້ກ່ຽວປິດການບໍລິການຊົ່ວຄາວ ຈົນກວ່າຈະດໍາເນີນການແກ້ໄຂໃຫ້ສອດຄ່ອງຕາມຂັ້ນຕອນຂອງລະບຽບກົດໝາຍສໍາເລັດ.

    ຕໍ່ກັບສິນຄ້າປະເພດນໍ້າມັນເຊື້ອໄຟ ເປັນສິນຄ້າທີ່ນອນໃນບັນຊີຄວບຄຸມ ແລະ ທັງເປັນສິນຄ້າຍຸດທະສາດ ທີ່ລັດຄຸ້ມຄອງໂດຍກົງ ກ່ອນຈະປັບລາຄາຂື້ນ ຫຼື ລົງແຕ່ລະຄັ້ງ ຕ້ອງໄດ້ປະຕິບັດຕາມໂຄງສ້າງລາຄານໍ້າມັນທີ່ກະຊວງອຸດສາຫະກໍາ ແລະ ການຄ້າກໍານົດໃນແຕ່ລະໄລຍະ.

    ພົບເຫັນການຈໍາໜ່າຍ ຫຼື ຂາຍນໍ້າມັນເຊື້ອໄຟ ເກີນລາຄາທີ່ລັດກໍານົດໃນແຕ່ລະໄລຍະ ໂທແຈ້ງສາຍດ່ວນ 1510 ຫຼື ເຈົ້າໜ້າທີ່ກວດກາການຄ້າ 02055884442, 02059127300

    ພາບ,ຂ່າວ: ຂະແໜງການຄ້າພາຍໃນ.

    LEAVE A REPLY

    Please enter your comment!
    Please enter your name here