ເຕືອນໄພ! ມິດສາຊີບລະບາດ ແຮັກເອົາເຟສບຸກໄປເລາະຢືມເງິນໃຫ້ພາກັນລະວັງເດີ້

    0
    60

    ຫ້ອງການຕໍາຫຼວດ ປກສ ນະຄອນຫຼວງວຽງຈັນ ໄດ້ຮັບແຈ້ງຄວາມກ່ຽວກັບເລື່ອງ ມີມິດສະຊີບແຮັກເອົາເຟສບຸກ ແລ້ວ ໄປເລາະຂໍຢືມເງິນຈາກເພື່ອນໃນເຟສບຸກ.

    ໃນວັນທີ 20 ມິຖຸນາ 2022 ມີຄົນຮ້າຍແຮັກເຟສບຸກຂອງນາງ ສຸລິນ ວິໄລພອນ, ອາຍຸ 41 ປີ, ສັນຊາດລາວ, ອາຊີບຄ້າຂາຍ, ປະຈຸບັນ ຢູ່ບ້ານເກົ້າລ້ຽວ, ເມືອງ ສີໂຄດຕະບອງ, ນະຄອນຫຼວງ ວຽງຈັນ, ໃນຊ່ວງເວລາ ດັ່ງກ່າວຜູ້ກ່ຽວໄດ້ຕັ້ງເຟດບຸກຊື່ Noy Noy Noy ຈາກນັ້ນກໍ່ມີຄົນຮ້າຍເຂົ້າມາແຮັກເຟດບຸກຂອງຜູ້ກ່ຽວ ແລ້ວສົ່ງຂໍ້ຄວາມມາ ຢືມເງິນນໍານ້ອງຊາຍ ແລະ ກໍໄດ້ຫຼົງເຊື່ອ ເພາະຄິດວ່າເປັນຜູ້ກ່ຽວ, ຈຶ່ງໂອນເງິນໃຫ້ຈຳນວນ 5.000.000 ກີບ ໂດຍເຂົ້າບັນຊີກະເປົາ ໃຊ້ເບີໂທລະສັບ 020 9641 1022 ອອກຊື່ ທ້າວ ທະນູສິນ ຫົ້ງທອງ.

    .

    ມາຮອດເວລາ 15:39 ໂມງ ຂອງມື້ດຽວກັນ, ໄດ້ມີນ້ອງຊາຍໂທລະສັບເຂົ້າມາຫາຜູ້ກ່ຽວວ່າຕ້ອງການເງິນ ຫວາ ຈຶ່ງໄດ້ຮູ້ວ່າເຟສບຸກຂອງຜູ້ກ່ຽວຖືກຄົນຮ້າຍແຮັກ.

    .

    ດັ່ງນັ້ນ, ທາງຜູ້ເສຍຫາຍຈຶ່ງໄດ້ເຂົ້າມາແຈ້ງຄວາມຕໍ່ເຈົ້າໜ້າທີ່ ເພື່ອນຳເອົາຄົນຮ້າຍເຂົ້າມາດຳເນີນຄະດີຕາມລະບຽບກົດໝາຍ.
    ຈາກເຫດການນີ້ ກໍເປັນຄະຕິເຕືອນໃຈໃຫ້ຜູ້ໃຊ້ເຟສບຸກທັງຫຼາຍ ເຖິງຈະເປັນໝູ່ເພື່ອນ ຫຼື ພີ່ນ້ອງ ກໍຄວນລະມັດລະວັງກ່ອນທີ່ຈະຖືກຫຼອກ ເຊິ່ງເຮົາບໍ່ຮູ້ເລີຍວ່າປູ້ໃຊ້ງານແມ່ນຄົນທີ່ເຮົາຮູ້ຈັກ ຫຼື ມິດສາຊີບ.

    LEAVE A REPLY

    Please enter your comment!
    Please enter your name here