ຈັບມືກັບເກົາຫຼີ ສ້າງໂອກາດສ້າງວຽກເຮັດເພື່ອຄົນລາວຜູ້ທຸກຍາກ

    0
    52

    ບໍລິສັດໄອຈ໋ອບໜຶ່ງບໍລິສັດທີ່ເນັ້ນການຈັດຫາງານແບບຄຸນນະພາບຂອງລາວເຮົາ ແລະຜູ້ບໍລິຫານເອງກໍ່ມີຄວາມໝາຍໝັ້ນຢາກໃຫ້ຄົນລາວແຮງງານລາວຜູ້ຍາກຈົນໄດ້ມີໂອກາດໃນການສ້າງລາຍຮັບມາພັດທະນາຄອບຄົວເຂົາເອງ ຈິ່ງຫາທຸກວິທີທາງ ເພື່ອຊ່ວຍແຮງງານລາວໃຫ້ໄປເຮັດວຽກຢູ່ຫຼາຍປະເທດເປັນຕົ້ນ ຍີ່ປຸ່ນ, ເກົາຫຼີ ແລະປະເທດໄທ.

    ປະເທດທີ່ໜ້າສົນໃຈຄື ສ. ເກົາຫຼີ ເນື່ອງຈາກເພິ່ນເປັນປະເທດທີ່ມີເສດຖະກິດດີ ແລະມີຄວາມຕ້ອງແຮງງານຈຳນວນຫຼາຍ ໂດຍສະເພາະແມ່ນແຮງງານລະດູການ  ອັນສຳຄັນກວ່ານັ້ນແຮງງານລະດູການນີ້ແມ່ນທຸກຄົນທີ່ມີອາຍຸ 25 ປີຂຶ້ນໄປສາມາດໄປໄດ້ໂດຍບໍ່ຈຳເປັນຮຽນພາສາ ທັ້ງຍັງສາມາດໄປໄດ້ຫຼາຍຄັ້ງເປັນໂອກາດຫາເງິນຂອງຄົນຍາກຈົນທີ່ຢາກມີອະນາຄົດທີ່ດີ.

    ສຳລັບບໍລິສັດໄອຈ໋ອບແລ້ວ ເພື່ອຂະຫຍາຍການຮ່ວມມື ກໍ່ຄືຂະຫຍາຍໂອກາດໃນການສ້າງວຽກເຮັດງານທຳ ນອກຈາກຈະໄດ້ເຊັນສັນຍາກັບສະຖາບັນການເງິນໃນເກົາຫຼີ ໃຫ້ສະໜອງເງິນກູ້ຢືມໃຫ້ແຮງງານທີ່ບໍ່ມີທຶນແລ່ນເອກະສານແລ້ວຍັງໄດ້ເຊັນສັນຍາກັບບໍລິສັດຢູ່ເກົາຫຼີ ເພື່ອຊ່ວຍເບິ່ງຄວາມຕ້ອງການຕົວຈີງຂອງໜ້າວຽກເພື່ອໃຫ້ສາມາດຮັບແຮງງານລາວໄປໃຫ້ໄດ້ຫຼາຍທີ່ສຸດ ແລະດູແລແຮງງານລະຫວ່າງຢູ່ເກົາຫຼີອີກດ້ວຍ.

    ບໍລິສັດ ໄອຈອບ ຈຳກັດ (ລາວ🇱🇦) ຮ່ວມມືກັບ ບໍລິສັດ IN-BEST (ສ.ເກົາຫຼີ 🇰🇷) ສ້າງໂອກາດໃນການຫາວຽກມາໃຫ້ແຮງງານລາວ.
    ວັນທີ 09/06/2022 ທີ່ບໍລິສັດ ໄອຈອບ ຈຳກັດ ໄດ້ມີພິທີເຊັນສັນຍາຮ່ວມມືໃນການຈັດຫາແຮງງານລາວໄປເຮັດວຽກຢູ່ ສ.ເກົາຫຼີ ຢ່າງຖືກຕ້ອງຕາມກົດໝາຍ. ການຮ່ວມມືລະຫວ່າງສອງຝ່າຍ ຈະສາມາດສ້າງໂອກາດ-ສ້າງວຽກເຮັດງານທຳໃຫ້ແກ່ແຮງງານລາວໄດ້ຈຳນວນຫຼາຍ.


    ພິເສດ, ບໍລິສັດ IN-BEST ແມ່ນບໍລິສັດທີ່ມີສາຂາກວ້າງຂວາງໃນປະເທດເກົາຫຼີກວມຫຼາຍແຂວງໃນ ສ.ເກົາຫຼີ, ມີທີມງານຕິດຕາມດູແລ-ຊ່ວຍເຫຼືອແຮງງານຢູ່ ສ.ເກົາຫຼີ ແລະ ຍັງສາມາດຊ່ວຍເຫຼືອທາງດ້ານການເງິນໃຫ້ແກ່ແຮງງານລາວທີ່ບໍ່ມີເງິນໃນການໃຊ້ຈ່າຍແລ່ນເອກະສານ ແລະ ຄ່າເດີນທາງໄປເຮັດວຽກຢູ່ ສ.ເກົາຫຼີ ແລ້ວຈຶ່ງຫັກເງິນເດືອນທົດແທນຄືນພາຍຫຼັງ.

    ທັງສອງຝ່າຍຈະນຳສະເຫນີ ແລະ ຂໍອະນຸຍາດຈາກກົມການຈັດຫາງານ ກະຊວງ ແຮງງານ ແລະ ສະຫວັດດີການສັງຄົມ ເຊິ່ງຄາດວ່າຈະເລີ່ມຈັດສົ່ງແຮງງານໄດ້ພາຍໃນໄຕມາດ 3 ປີນີ້ (2022).

    ຫມາຍເຫດ: ການຈັດສົ່ງແຮງງານໄປເຮັດວຽກຢູ່ ສ.ເກົາຫຼີ ນີ້ແມ່ນເຮັດວຽກລະດູການ ໄລຍະ 5ເດືອນ ໂດຍບໍ່ຈຳເປັນຕ້ອງກຽມພາສາ, ແຮງງານສາມາດໄປໄດ້ຫຼາຍຮອບ.

    LEAVE A REPLY

    Please enter your comment!
    Please enter your name here