ຂ່າວດີ ລົດໂດຍສານລາວ-ໄທ ກັບສູ່ສະພາບປົກກະຕິ ໄປໄດ້ມາສະດວກລະເດີ້

    0
    77

    ຮອດມື້ຮອດຍາມຕ້ອງອອກປົດປ່ອຍໂຕເອງແລ້ວທັງພີ່ນ້ອງລາວ ແລະໄທ ບໍລິສັດຂົນສົ່ງກໍບໍລໍຊ້າ ຮີບຈັດລົດເມສາທາລະນະໃຫ້ແບບ ທ່ຽວມື້ໃດກໍ່ໄດ້ໃນ 9 ສາຍທາງ ແຕ່ເໜືອຕະຫຼອດໃຕ້.


    ຫຼືຈະເຂົ້າມານະຄອນຫຼວງວຽງຈັນແລ້ວຂຶ້ນລົດໄຟລາວ-ຈີນໄປຊົມທະເລໝອກທາງເໜືອກໍ່ຍ່ອມດີຕໍ່ໃຈ ສ່ວນລາວເຮົາຜູ້ມີເງື່ອນໄຂກໍ່ໄປຊັອບປີ້ງຫຼິ້ນກິນເບິ່ງຄວາມຈະເລີນທາງເບື້ອງໄທໄດ້ແລ້ວ ນັບແຕ່ວັນທ 15 ມິຖຸນາເປັນຕົ້ນມາເດີໆໆໆ!!!!

    ທ່ານ ດຣ ສັນລັກ ປັນວັດນະລິຂິດ ກຳມະການຜູ້ຈັດການໃຫຍ່ ບໍລິສັດຂົນສົ່ງຈຳກັດ ບຂສ ( ປະເທດໄທ) ເປີດເຜີຍວ່າ: ຈາກການຫາລືຂອງຜູ້ປະກອບການ ລົດໂດຍສານ ຂອງສປປ ລາວ ໃນການເປີດໃຫ້ບໍລິການເສັ້ນທາງ ລະຫວ່າງປະເທດໄທ-ລາວ ໃນວັນທີ 15 ມິຖຸນາ ນີ້ ທັງສອງຝ່າຍໄດ້ຕົກລົງເປີດເດີນລົດລະຫວ່າງປະເທດ ລວມມີ 9 ເສັ້ນທາງ ຈາກທັງໝົດ 13 ເສັ້ນທາງ.

    ໂດຍເປັນການເປີດເດີນລົດ ຮ່ວມກັນທັງສອງຝ່າຍ ເຊິ່ງປະກອບດ້ວຍ: ເສັ້ງທາງກຸງເທບ-ປາກເຊ, ອຸບົນ-ປາກເຊ, ນະຄອນພະນົມ-ທ່າແຂກ, ມຸກດາຫານ-ສະຫວັນນະເຂດ, ຂົວຊຽງຂອງ-ບໍ່ແກ້ວ ແລະ ເປີດເດີນລົດສະເພາະລົດປະເທດໄທ ປະກອບດ້ວຍ: ເສັ້ນທາງກຸງເທບ-ນະຄອນຫຼວງວຽງຈັນ, ຈັງຫວັດເລີຍ-ຫຼວງພະບາງ, ໜອງຄາຍ-ນະຄອນຫຼວງວຽງຈັນ ແລະ ອຸດອນທານີ-ນະຄອນຫຼວງວຽງຈັນ

    ນອກຈາກນີ້, ສຳລັບເສັ້ນທາງ ອຸດອນທານີ-ວັງວຽງ ຈະມີການສຳຫຼວດເສັ້ນທາງໃໝ່ ແຕ່ທັ້ງນີ້ ຜູ້ໂດຍສານທີ່ເດີນທາງກັບລົດໂດຍສານລະຫວ່າງປະເທດ ຕ້ອງໄດ້ຮັບວັກຊິນ ປ້ອງກັນເຊື້ອພະຍາດໂຄວິດ19 ຢ່າງໜ້ອຍ 2 ເຂັມຂຶ້ນໄປ, ຜູ້ເດີນທາງທີ່ໃຊ້ ພາສປອດ ຫຼື ໜັງສືຜ່ານແດນ (Passport) ຕ້ອງລົງທະບຽນ Thailand Pass ມີເອກະສານຮັບຮອງການສັກວັກຊິນ ປ້ອງກັນໂຄວິດ19 ສ່ວນຜູ້ໂດຍສານທີ່ໃຊ້ບັດຜ່ານແດນຊົ່ວຄາວ (Border Pass) ແມ່ນບໍ່ຕ້ອງລົງທະບຽນ Thailand Pass ແຕ່ຕ້ອງມີເອກະສານຮັບຮອງການສັກວັກຊິນ ແລະ ຄົນຕ່າງປະເທດທຸກຄົນ ( ຍົກເວັ້ນຄົນໄທ) ທີ່ເດີນທາງເຂົ້າລາວ ຕ້ອງໄດ້ຊື້ປະກັນສຸຂະພາບຄຸ້ມຄອງນຳ ເພື່ອຄວາມສະບາຍໃຈຂອງທຸກຝ່າຍ.


    ຂອບໃຈຂ່າວ ແລະຮູບຈາກ: ບຂສ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.