ສາວຊາວຈີນຈົ່ມວ່ານ້ຳໜັກຂຶ້ນບໍ່ເຊົາ ສຸດທ້າຍກວດພົບຊີ້ນປົ່ງໜັກ 11 ກິໂລ

0
72

ທ່ານໝໍຊາວຈີນ ເຜີຍກໍລະນີກວດພົບຊີ້ນປົ່ງຂະໜາດໃຫຍ່ໃນຊ່ອງທ້ອງຂອງຄົນເຈັບຜູ້ຍິງຄົນໜຶ່ງ ຫລັງຈາກລາວຈົ່ມວ່າຕຸ້ຍຂຶ້ນເລື້ອຍໆ ແລະ ໜ້າທ້ອງຂະຫຍາຍໃຫຍ່ຂຶ້ນທຸກມື້.
ຍິງສາວຊາວຈີນ ເຊິ່ງລະບຸພຽງຊື່ວ່າ: “ຫລິນ” ຈາກມົນທົນຈຽງຊູ ເຊິ່ງຢູ່ທາງຕາເວັນອອກຂອງປະເທດຈີນ ເຂົ້າຮັບການປິ່ນປົວໃນໂຮງໝໍ ຫລັງຈາກນ້ຳໜັກຂອງລາວເພີ່ມຂຶ້ນຢ່າງບໍ່ຢຸດ ທັງທີ່ລາວອອກ

ກຳລັງກາຍຢ່າງສະໝໍ່າສະເໝີ ແລະ ເປັນຄົນຮູບຮ່າງຈ່ອຍມາໂດຍຕະຫລອດ.ຫລິນ ໃຫ້ສຳພາດຕໍ່ສື່ມວນຊົນວ່າ: ຕອນທຳອິດ ນາງຄິດວ່າຕົນເອງຕຸ້ຍຂຶ້ນ ເລີຍໝັ່ນອອກກຳລັງກາຍເພື່ອກຳຈັດໄຂມັນ ແຕ່ພັດຫລຸດນ້ຳໜັກບໍ່ໄດ້.

ຫລັງຈາກເຂົ້າຮັບການປິ່ນປົວຢູ່ໂຮງໝໍ ຫລິນ ພົບວ່ານາງມີຊີ້ນປົ່ງຂະໜາດໃຫຍ່ເຖິງ 46 ຊມ ໃນຊ່ອງທ້ອງ, ນາງເຂົ້າຮັບການຜ່າຕັດເພື່ອເອົາຊີ້ນປົ່ງນັ້ນອອກຈາກຮ່າງກາຍເມື່ອວັນທີ 2 ມິຖຸນາຜ່ານມາ ເຊິ່ງປາກົດໃນພາຍຫລັງວ່າກ້ອນຊີ້ນດັ່ງກ່າວມີນ້ຳໜັກເຖິງ 11 ກິໂລ.

ເຖິງວ່າກ້ອນຊີ້ນຂອງ ຫລິນ ຈະບໍ່ແມ່ນຊີ້ນຮ້າຍ, ແຕ່ແພດອະທິບາຍວ່າ: ຖ້າບໍ່ຜ່າຕັດເອົາກ້ອນຊີ້ນອອກທັນເວລາ ກ້ອນຊີ້ນໃນຊ່ອງທ່ອງຂອງນາງອາດສ້າງຄວາມເສຍຫາຍ ໂດຍໄປກົດທັບອະໄວຍະວະພາຍໃນ ລວມທັງມີທ່າອ່ຽງຈະແພ່ກະຈາຍໄປສ່ວນອື່ນໆຂອງຮ່າງກາຍໄດ້.